الماتىدا “جاس ساقشى” كوماندالارى اراسىندا شاعىن فۋتبولدان تۋرنير ءوتتى، – دەپ حابارلايدى Polisia.kz.

بۇرىن حابارلانعانداي، قازاق مەكتەپتەرىندە “جاس ساقشى” پوليسيا سىنىپتارى بىرتىندەپ اشىلۋدا. 

بۇل – ىشكى ىستەر مينيسترلىگىنىڭ باسىم جوباسى جانە ەڭ الدىمەن پاتريوتيزم مەن وتانعا دەگەن سۇيىسپەنشىلىكتى تاربيەلەۋگە، مەكتەپ جاعدايىندا قۇقىق بۇزۋشىلىقتىڭ الدىن الۋعا جانە ماماندىق تاڭداۋدا كومەك كورسەتۋگە باعىتتالعان. بۇل باستاما ءىىم ءۇشىن پوليسيانىڭ كاسىبي وزەگىن ساقتاۋدىڭ، ۇرپاقتار ساباقتاستىعىن قامتاماسىز ەتۋدىڭ، ۋاقىت وتكەن سايىن قالىپتاسقان وزىق داستۇرلەردى ناسيحاتتاۋدىڭ ەرەكشە ماڭىزدىلىعىن كورسەتەدى.

الماتىدا جاس پوليسەيلەر باس قوستى. وتكەن دەمالىس كۇندەرى جاسوسپىرىمدەر اراسىندا شاعىن فۋتبولدان تۋرنير ءوتتى. ىشكى ىستەر ءمينيسترىنىڭ كۋبوگى ءۇشىن 21 كوماندادان 200 بالا ب ا ق سىنادى. تۋرنيرگە قاتىسۋشىلار شارانىڭ سالتاناتتى اشىلۋى وتكەن ق ر ءىىم م.ەسبۋلاتوۆ اتىنداعى الماتى اكادەمياسىنا ورنالاستىرىلدى. بالالارعا الماتى پوليسياسىنىڭ ارنايى تەحنيكاسى مەن جقاج ساربازدارىنىڭ تاماشا قويىلىمى كورسەتىلدى. ويىننىڭ ءوزى “دينامو” ستاديونىندا “قايرات” فۋتبول كلۋبى وكىلدەرىنىڭ بەلسەندى قاتىسۋىمەن ءوتتى. ەكى كۇنگە سوزىلعان ويىنداردىڭ قورىتىندىسى بويىنشا تۋرنيرلىك كەستە كەلەسىدەي بولدى: شىمكەنت قالاسىنىڭ كومانداسى 1 ورىندى يەلەندى؛ تۇركىستان وبلىسىنىڭ وكىلدەرىنە 2 ورىن؛ جەتىسۋ ءوڭىرىنىڭ كومانداسى 3ء-شى ورىنمەن ماراپاتتالدى.

ق ر ىشكى ىستەر ءمينيسترىنىڭ كۋبوگى ءۇشىن شاعىن فۋتبولدان وتكەن ءتۋرنيردىڭ قاتىسۋشىلارى مەن جەڭىمپازدارى كۋبوكتارمەن، ماقتاۋ قاعازدارىمەن جانە ەستەلىك سىيلىقتارمەن ماراپاتتالدى.