الماتىداعى ورتالىق مادەنيەت جانە دەمالىس ساياباعىنداعى ايەل كىشكەنتاي قىزىن تۇنشىقتىرىپ ءولتىرىپ، سوسىن وزىنە قول سالعان، دەپ حابارلايدى Ulys.
الماتىدا اينالمالى شەڭبەردەن قۇلاپ مەرت بولعان جاس كەلىنشەك، وز-وزىنە قول جۇمساماس بۇرىن كىشكەنتاي قىزىن ولتىرگەن.
الماتى وبلىسىنىڭ پوليسياسى اقپاراتتى راستادى.
«كامەلەتكە تولماعان بالانىڭ ولىمىنە قاتىستى تەرگەۋ امالدارى جۇرگىزىلىپ جاتىر. تەرگەۋ مۇددەسى ءۇشىن باسقا مالىمەتتەر جاريا ەتىلمەيدى»، – دەپ اتاپ ءوتتى ۆەدومستۆودان.
اقتاۋ ماڭىندا قۇلاعان Azerbaijan Airlines اۋە كومپانياسىنىڭ ۇشاعىن رەسەيلىك «زەمليا-ۆوزدۋح» زىمىرانى اتىپ تۇسىرگەن. بۇل تۋرالى Euronews ءازىربايجان ۇكىمەتىندەگى دەرەككوزگە سىلتەمە جاساپ حابارلادى.
Euronews تاراتقان حابارلاماعا قاراعاندا، ۇشاق گروزنىيعا قونباق بولعان كەزدە زىمىران ۇشىرىلعان، سول كەزدە ولار دروننىڭ شابۋىلىن تويتارىپ جاتقان.
بولجام بويىنشا، زىمىران ۇشاقتىڭ جانىندا جارىلىپ، ونىڭ سىنىقتارى ۇشاقتى زاقىمداعان.
Euronews اقپارات كوزدەرىنە سىلتەمە جاساي وتىرىپ، ۇشقىشتاردىڭ اپاتتى جاعدايدا قونۋ تۋرالى ءوتىنىش بىلدىرگەنىن مالىمدەدى. الايدا ۇشاقتىڭ زاقىمدانعانىنا قاراماستان رەسەيدىڭ ەشبىر اۋەجايى قونۋعا رۇقسات بەرمەگەن.
ەسكە سالساق، كەشە اقتاۋ ماڭىندا ۇشاق قۇلاپ، 40-قا جۋىق ادام كوز جۇمدى. ونىڭ ىشىندە قازاقستاندىق 6 ادام بولدى.
قوستاناي وبلىسىنداعى ءجىتىقارا قالاسىندا قايعىلى وقيعا بولعان. ءۇي شاتىرى وپىرىلىپ قۇلاعان كەزدە وندا ەرەسەكتەردىڭ قاراۋىنسىز قالعان 2011، 2016، 2018، 2019، 2022، 2023 جىلى تۋعان بالالار بولعان. وكىنىشكە قاراي، ۇيىندىلەردى تازالاۋ كەزىندە بەس بالانىڭ دەنەسى تابىلدى. 2011 جىلى تۋعان بالالاردىڭ ۇلكەنى زارداپ شەككەن جوق. بۇل تۋرالى Ulys تجم سىلتەمە جاساپ حابارلايدى.
«بۇگىن ساعات 04:29-دا ءجىتىقارا قالاسىنداعى جەكە شارۋا قوجالىعىنىڭ اۋماعىندا ءورت شىعىپ، سالدارىنان تۇرعىن ءۇيدىڭ شاتىرى وپىرىلىپ ءتۇستى. قۇتقارۋشىلار وقيعا ورنىنا 7 مينۋت ىشىندە جەتتى، ءۇي تولىعىمەن ورتكە وراندى. جالىن ساعات 06:08-دە اۋىزدىقتالىپ، تولىعىمەن ءسوندىرىلدى. الدىن الا مالىمەت بويىنشا، بالالاردىڭ اناسى كەشكىسىن تانىسىنا كەتكەن. كۇيەۋى تۇرمەدە وتىر»، - دەپ حابارلادى وبلىستىق تجد.
وقيعانىڭ سەبەپتەرى انىقتالىپ جاتىر. ورت-تەحنيكالىق زەرتتەۋ تاعايىندالدى. اپاتتار مەديسيناسى ورتالىعى فيليالىنىڭ پسيحولوگتارى تۋىستارىنا قاجەتتى پسيحولوگيالىق كومەك كورسەتىپ جاتىر.
توتەنشە جاعدايلار مينيسترلىگى اقتاۋ قالاسى ماڭىنداعى اۋە اپاتىنان مەرت بولعان قازاقستاندىقتاردىڭ ءاتى-جونىن جاريالادى.
ۇشاق اپاتى كەزىندە مەرت بولعان قازاقستان رەسپۋبليكاسىنىڭ ازاماتتارى تۋرالى اقپارات:
— تولەسىنوۆ ساندىبەك ەكىباي ۇلى، 16.11.1988 جىلى تۋعان، تۋعان جەرى: ماڭعىستاۋ وبلىسى، جاڭاوزەن قالاسى؛
— جۇماعۇلوۆ باۋىرجان جۇماباي ۇلى، 30.09.1985 جىلى تۋعان، تۋعان جەرى: ماڭعىستاۋ وبلىسى، جاڭاوزەن قالاسى؛
— ماحسۋدوۆا گالينا راستامبەكوۆنا، 12.01.1978 جىلى تۋعان، تۋعان جەرى: ماڭعىستاۋ وبلىسى، اقتاۋ قالاسى؛
— شايمەردەنوۆا گاۋحار جۇماعات قىزى، 17.07.1975 جىلى تۋعان، تۋعان جەرى: الماتى قالاسى، استانا قالاسىنىڭ تۇرعىنى؛
— جۇماعات ەلدار 23.08.2013 جىلى تۋعان، استانا قالاسىنىڭ تۇرعىنى؛
— دجۋتايەۆا ساليما امانجول قىزى، 21.02.1995 جىلى تۋعان، تۋعان جەرى: قوستاناي وبلىسىنىڭ تۋماسى، تۇرعان جەرى قاراعاندى قالاسى.
ەسكە سالساق، باكۋدەن رەسەيدىڭ گروزنىي قالاسىنا باعىت العان اۋە كەمەسى قازاقستان اۋماعىندا اپاتقا ۇشىرادى.
