الماتى قالاسى اكىمىنىڭ جاڭا ورىنباسارى مەن اپپارات باسشىسى تاعايىندالدى، دەپ حابارلايدى Ulys اكىمدىككە سىلتەمە جاساپ.
الماتى اكىمى ەربولات دوسايەۆتىڭ وكىمىمەن ق ر پرەزيدەنتى اكىمشىلىگىنىڭ كەلىسىمىمەن الماتى قالاسى اكىمىنىڭ ورىنباسارى لاۋازىمىنا بەيبىت شاحانوۆ تاعايىندالدى.
بەيبىت شاحانوۆ 1979 جىلى تۋعان. ابىلاي حان اتىنداعى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىن؛ قازاق مەملەكەتتىك زاڭ ۋنيۆەرسيتەتىن؛ قازاق كوممەرسيالىق-قارجى اكادەمياسىن؛ لانكاستەر ۋنيۆەرسيتەتىن (ۇلىبريتانيا) بىتىرگەن.
ەڭبەك جولىن 2002 جىلى ق ر تابيعي مونوپوليالاردى رەتتەۋ اگەنتتىگىنىڭ مونوپولياعا قارسى زاڭنامانىڭ ساقتالۋىن باقىلاۋ دەپارتامەنتىنىڭ جەتەكشى مامانى قىزمەتىنەن باستاعان.
ءار جىلدارى قارجى مينيسترلىگىنىڭ، ءبىلىم جانە عىلىم مينيسترلىگىنىڭ، قورشاعان ورتانى قورعاۋ مينيسترلىگىنىڭ قۇرىلىمدىق بولىمشەلەرىندە باسشىلىق قىزمەتتەردى اتقاردى.
2015-2022 جىلدارى ق ر ۇلتتىق ەكونوميكا مينيسترلىگىنىڭ، ينۆەستيسيالار جانە دامۋ مينيسترلىگىنىڭ، يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس، تۇرعىن ۇي-كوممۋنالدىق شارۋاشىلىق جانە جەر رەسۋرستارىن باسقارۋ ىستەرى كوميتەتىندە جۇمىس ىستەدى. الماتى قالاسى قۇرىلىس باسقارماسىنىڭ باسشىسى بولىپ جۇمىس ىستەدى.
2023 جىلعى مامىردان باستاپ قازىرگى تاعايىنداۋعا دەيىن الماتى قالاسى اكىمى اپپاراتىنىڭ باسشىسى بولىپ جۇمىس ىستەدى.
سونىمەن قاتار الماتى اكىمى ەربولات دوسايەۆتىڭ وكىمىمەن الماتى قالاسى اكىمى اپپاراتىنىڭ باسشىسى لاۋازىمىنا ايدار جاكىبايەۆ تاعايىندالدى.
ايدار جاكىبايەۆ 1988 جىلى 14 قىركۇيەكتە وسكەمەن قالاسىندا دۇنيەگە كەلگەن. 2011 جىلى بوستون ۋنيۆەرسيتەتىن (اقش) «ينجەنەر-ەلەكتريك» ماماندىعى بويىنشا ءبىتىردى.
ەڭبەك جولىن 2011 جىلى جەكە سەكتوردا باستاعان. ءار جىلدارى «كپمگ تاكس ەند ەدۆايزوري» اق، ق ر ۇلتتىق ەكونوميكا مينيسترلىگىندە، ق ر پرەمەر-مينيسترىنىڭ كەڭسەسىندە، ق ر ۇلتتىق بانكىندە جۇمىس ىستەدى، ق ر ۇلتتىق بانكى ءتوراعاسى اپپاراتى دەپارتامەنتى ديرەكتورىنىڭ ورىنباسارى، الماتى قالاسى اكىمىنىڭ كەڭەسشىسى، الماتى قالاسى اكىمى اپپاراتى باسشىسىنىڭ ورىنباسارى قىزمەتتەرىن اتقاردى.
2023 جىلدىڭ مامىر ايىنان باستاپ قازىرگى تاعايىندالعانعا دەيىن الماتى قالاسى المالى اۋدانىنىڭ اكىمى بولىپ جۇمىس ىستەدى.
