قارجىلىق مونيتورينگ اگەنتتىگىندە مەن «اتامەكەن» ۇكپ اكسيزدەلەتىن ونىمدەردىڭ كولەڭكەلى اينالىمىنا قارسى كۇرەستى كۇشەيتەدى، دەپ حابارلايدى اتالعان اگەنتتىكتىڭ باسپا ءسوز قىزمەتى.
اكسيزدەلەتىن ونىمدەردىڭ (الكوگول ونىمدەرى) كولەڭكەلى اينالىمىنا قارسى ءىس-قيمىل ماسەلەلەرى قارجىلىق مونيتورينگ اگەنتتىگىندە وتكەن دوڭگەلەك ۇستەل بارىسىندا تالقىلاندى. شاراعا قارجى جانە ۇلتتىق ەكونوميكا مينيسترلىكتەرى، مەملەكەتتىك كىرىستەر كوميتەتى وكىلدەرىنىڭ، سونداي-اق «اتامەكەن» ۇكپ ءتورالقا ءتوراعاسى رايىمبەك باتالوۆ پەن ق ر كاسىپكەرلەرىنىڭ قۇقىقتارىن قورعاۋ جونىندەگى ۋاكىل قانات نۇروۆ، «قازالكوتاباك» جانە «QazSpirits» قاۋىمداستىقتارىنىڭ وكىلدەرى قاتىستى.
قارجىلىق مونيتورينگ اگەنتتىگى سوڭعى 4 جىلدا (2021-2024 جج.) الكوگول ءونىمىنىڭ زاڭسىز اينالىمىنا بايلانىستى 282 قىلمىستى تىركەدى.
سۋرروگات الكوگول وندىرەتىن 123 جاسىرىن سەح انىقتالىپ، 3،3 ملن-نان استام بوتەلكە، 720 مىڭ ليتر سپيرت جانە قۇرامىندا ءسپيرتى بار سۇيىقتىق، 640 مىڭ جالعان ەبم تاركىلەندى.
ناتيجەسىندە، ءقاۋىپتى ءونىم تۇتىنۋشىلارعا ءقاۋىپ ءتوندىرىپ، بيۋدجەتكە اكسيزدىك الىمداردىڭ تۇسپەي، ادال كاسىپكەرلەرگە زيان كەلتىرىلەدى.
الكوگول ءونىمىنىڭ كولەڭكەلى اينالىمىنا قارسى تۇرۋعا باعىتتالعان قما ۇسىناتىن شارالاردىڭ ءبىرى — 2026 جىلعا جوسپارلانعان تاڭبالاۋ مەن قاداعالاۋدى ەنگىزۋدى جەدەلدەتۋ، سونداي-اق بۇكىل ءوندىرىس پروسەسىن سيفرلاندىرۋ بولىپ تابىلادى.
شاقىرىلعان قاتىسۋشىلار اگەنتتىكتىڭ ادال كاسىپكەرلەردى قورعاۋ بويىنشا اتقارىلعان جۇمىستى، سونداي-اق تالدامالىق قۇرالداردى پايدالانا وتىرىپ جۇزەگە اسىرىلاتىن الدىن الۋ قىزمەتىن اتاپ ءوتىپ، ايتىلعان ۇسىنىستاردى ودان ءارى ىسكە اسىرۋدىڭ ماڭىزدىلىعىن اتاپ ءوتتى.
