مەملەكەت باسشىسىنىڭ جارلىعىمەن ءالىم داۋرەن ۇلى بايەل قازاقستان رەسپۋبليكاسىنىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى، دەپ حابارلايدى اقوردانىڭ باسپا ءسوز قىزمەتى.
ءالىم داۋرەن ۇلى بايەل – 1984 جىلعى 16 قاڭتاردا دۇنيەگە كەلگەن. تاياۋ شىعىس تەحنيكالىق ۋنيۆەرسيتەتىن (انكارا ق.، تۇركيا) بيزنەس-اكىمشىلىك ماماندىعى بويىنشا ءتامامداعان. دجوردج ۆاشينگتون ۋنيۆەرسيتەتىنىڭ (ۆاشينگتون ق.، اقش) مەملەكەتتىك باسقارۋ سالاسىنداعى ماگيستراتۋراسىن بىتىرگەن. «بولاشاق» باعدارلاماسىنىڭ تۇلەگى.
قازاقستان رەسپۋبليكاسى پرەزيدەنتتىك جاستار كادر رەزەرۆىنىڭ قۇرامىندا.
2008–2012 جىلدارى جەكەمەنشىك سەكتوردا جۇمىس ىستەگەن.
2012–2014 جج. – تۇركىتىلدەس مەملەكەتتەر ىنتىماقتاستىق كەڭەسىنىڭ ساراپشىسى.
2014–2015 جج. – تۇركى اكادەمياسىنىڭ حالىقارالىق قاتىناستار ورتالىعىنىڭ ديرەكتورى.
2016 ج. – ق ر مەملەكەتتىك قىزمەت ىستەرى مينيسترلىگىندە حالىقارالىق ىنتىماقتاستىق باسقارماسىنىڭ باسشىسى.
2016–2018 جج. – ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە حالىقارالىق ىنتىماقتاستىق باسقارماسىنىڭ باسشىسى، ستراتەگيالىق ازىرلەۋ باسقارماسىنىڭ باسشىسى.
2018–2020 جج. – قازاقستاننىڭ تۇركياداعى ەلشىلىگىنىڭ ساياسي ماسەلەلەرگە جاۋاپتى ءبىرىنشى حاتشىسى.
قازاقستاننىڭ ازەربايجانداعى ەلشىسى بولىپ تاعايىندالعانعا دەيىن ىستانبۇلداعى ق ر باس كونسۋلى بولىپ قىزمەت اتقاردى.
II cىنىپتى توتەنشە جانە وكىلەتتى ۋاكىل ديپلوماتيالىق دارەجەگە يە.
سونداي-اق مەملەكەت باسشىسىنىڭ جارلىعىمەن سەرجان ورالباي ۇلى ابدىكارىموۆ قازاقستان رەسپۋبليكاسىنىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى.
