مەملەكەت باسشىسىنىڭ جارلىعىمەن داستان اداي ۇلى رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى، دەپ حابارلايدى اقوردا.

 ۇلىتاۋ وبلىسىن بەرىك ءابدىعالي ۇلى باسقارعان ەدى. ول بۇگىن پرەزيدەنت جارلىعىمەن قىزمەتىنەن بوساتىلدى. 

داستان رىسپەكوۆ 1984 جىلى 23 ماۋسىمدا جەزقازعان قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن جانە قازمزۋ الماتى زاڭ اكادەمياسىن بىتىرگەن.

ەڭبەك جولىن 2006 جىلى الماتىنىڭ ەكونوميكا جانە بيۋدجەتتى جوسپارلاۋ دەپارتامەنتىنىڭ بولجامداۋ جانە تۇسىمدەر ءبولىمىنىڭ باس مامانى بولىپ باستاعان.

2007-2016 جىلدارى الماتى قالاسىندا ەكونوميكا جانە بيۋدجەتتىك جوسپارلاۋ دەپارتامەنتىندە، الماتى قالاسى بويىنشا تەكسەرۋ كوميسسياسىندا، استانا قالاسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا جۇمىس ىستەدى.

پاۆلودار وبلىسى كاسىپكەرلىك، ساۋدا جانە تۋريزم باسقارماسىنىڭ باسشىسى، «استانا ەكسپو-2017» ۇك» اق ەكونوميكا جانە بيۋدجەتتى جوسپارلاۋ دەپارتامەنتىنىڭ ديرەكتورى قىزمەتىن اتقاردى. سودان كەيىن مسم تۋريزم يندۋسترياسى كوميتەتىن باسقاردى.

ال 2023 جىلعى تامىزدان كۇنى بۇگىنگە دەيىن ۇلىتاۋ وبلىسى اكىمىنىڭ ورىنباسارى بولدى.

ق ر پرەزيدەنتى ءبىرقار ءاۋىس-تۇيىس جاسادى، دەپ حابارلايدى Ulys اقورداعا سىلتەمە جاساپ.

مەملەكەت باسشىسىنىڭ جارلىعىمەن جانار سەيداقمەت قىزى ايتجان دۇنيەجۇزىلىك ساۋدا ۇيىمى مەن حالىقارالىق ەكونوميكالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى لاۋازىمىنان بوساتىلدى. ال ونىڭ ورنىنا قايرات وماروۆ تاعايىندالدى.

«مەملەكەت باسشىسىنىڭ جارلىعىمەن قايرات ەرمەك ۇلى وماروۆ قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەلىنگەن حابارلامادا.

سونىمەن قاتار مەملەكەت باسشىسىنىڭ وكىمىمەن اقان اقاس ۇلى راحمەتۋللين قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى لاۋازىمىنا تاعايىندالدى. پرەزيدەنتتىڭ تاعى ءبىر جارلىعىمەن تيمۋر قالدىباي ۇلى تىلەگەنوۆ حالىقارالىق ازاماتتىق اۆياسيا ۇيىمى جانىنداعى قازاقستان رەسپۋبليكاسىنىڭ تۇراقتى وكىلى لاۋازىمىنا تاعايىندالدى.

بۇدان بولەك اسەت ارمان ۇلى ەرعالييەۆ دۇنيەجۇزىلىك ساۋدا ۇيىمى مەن حالىقارالىق ەكونوميكالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

ىشكى ىستەر ءمينيسترىنىڭ بۇرىنعى ءبىرىنشى ورىنباسارى مارات قوجايەۆ ەندى سەناتتا دەپۋتات بولادى.ءتيىستى جارلىققا پرەزيدەنت قاسىم-جومارت توقايەۆ قول قويدى، دەپ حابارلايدى Ulys.

«مەملەكەت باسشىسىنىڭ وكىمىمەن مارات شادەتحان ۇلى قوجايەۆ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى لاۋازىمىنان بوساتىلدى. مەملەكەت باسشىسىنىڭ جارلىعىمەن مارات شادەتحان ۇلى قوجايەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى»، - دەپ حابارلادى بۇگىن، 4 قازان كۇنى اقوردا.

ايتا كەتەيىك، پرەزيدەنت بۇگىن سەنات دەپۋتاتى ءلاززات قالتايەۆانىڭ وكىلەتتىلىگىن توقتاتقان بولاتىن.