Еліміздегі конституциялық реформалардан кейін саяси алаңда партиялар белсенділігінің артқанын байқауға болады. Әсіресе, «Ауыл» партиясының басшылығындағы ауыз-түйістерден соң партия қызметінде оң өзгерістер орын алуда. Бұл туралы пікірді саясаттанушы Ержан Ибраев білдірді, деп хабарлайды Ulys.

«Партия атына сай болуы үшін өңірлердегі жұмысқа көбірек көңіл бөліп, бүгінгі ауылдардың шынайы проблемаларын көтеруде. Аз ғана уақыт ішінде аймақтық филиалдарын құрып, олардың қызметін жандандыруы партияның осы бағыттағы жасалып жатқан белсенді жұмысының айқын көрінісі деуге болады», - дейді Ержан Ибраев.

Оның айтуынша партия ауылдық аумақтарды дамытуға, олардың инфрақұрылымын жақсартуға және жергілікті кәсіпкерлерді қолдауға ерекше көңіл бөлуде.

«Мәселен, өзім туып-өскен Ақмола облысының Егіндікөл ауданында ауызсу мәселесі ұзақ жылдардан бері шешімін таппай келеді. Таяуда партия басшысы Серік Егізбаев мырза біздің ауданға келді. Ол аудан әкімі мен су тартуға анықталған мердігер, жергілікті азаматтармен кездесе отырып, ауызсу мәселесін жеке бақылауда ұстайтынын жеткізді. Осы тәрізді өңірлердегі жұмыстар партияға деген сенімді нығайтып, оның халық арасында беделін арттыруға септігін тигізетіні сөзсіз», - деп толықтырды саясаттанушы.

Бүгін «Ауыл» партиясы Астана қаласы бойынша өңірлік филиалының есептік конференциясы өтті, деп хабарлайды Ulys.       

Шараға «Ауыл» партиясының Төрағасы, ҚР Парламенті Мәжілісінің депутаты Серік Егізбаев, «Ауыл» партиясы фракциясының депутаттары, Орталық аппарат қызметкерлері, Астана филиалының активі қатысты.

Жиында сөз алған Серік Егізбаев Саяси Кеңес Президиумының қаулысына сәйкес, партияның XXIV Съезін ағымдағы жылы 21 маусымда өткізу туралы шешім қабылданғаны айта келе,

«Партия съезін шақыру жөніндегі шешім, ең алдымен, елімізде жүргізіліп жатқан реформаларға байланысты қабылданды. Бізге парламенттік партия ретінде трансформациядан өту керек. Съезд өткізудегі мақсат тек Жарғыға өзгеріс енгізу емес, партияның саяси беделін одан әрі дамытуға және нығайтуға бағытталған жаңа саяси бағдарламаны қабылдау. Партияны жаңғырту барлық партия органдарының қызметін жетілдіруді, партия ұйымдары басшыларының, әрбір мүшесінің жоғары жауапкершілігі мен міндеттерін нақты орындауын талап етеді»,- деді.

Конференция барысында филиал атқарған жұмысының жылдық қорытындысы шығарылып, «Ауыл» партиясының XXIV съезіне делегаттар сайланды.

Жиын соңында су тасқыны зардабын жоюға белсене қатысқан партия мүшелері грамотамен марапатталды.

Мемлекет басшысы Жетінші сайланған ҚР Парламентінің Мәжілісін тарату және ҚР Парламенті Мәжілісі депутаттарының кезектен тыс сайлауын тағайындау туралы Жарлыққа қол қойды. Онда Мәжіліс депутаттарын кезектен тыс сайлау мерзімі бекітілген.

«1. Жетінші сайланған Қазақстан Республикасы Парламентінің Мәжілісі таратылсын.

2. Қазақстан Республикасы Парламенті Мәжілісі депутаттарының кезектен тыс сайлауы 2023 жылғы 19 наурызға тағайындалсын» делінген Жарлықта.

Сондай-ақ ҚР Президенті Қасым-Жомарт Тоқаевтың Парламент Мәжілісі және мәслихат депутаттарының кезектен тыс сайлауын тағайындау туралы мәлімдемесінде барлық деңгейдегі мәслихаттардың сайлауын Орталық сайлау комиссиясы белгілейтінін атап өтті.
Сонымен қатар ҚР Парламентінің Мәжілісі таратылды.