19 маусым күні Тблисиде Грузия үкіметаралық православие ассамблеясының 26-ші отырысы басталған болатын. Оған 25 елден жүздей делегация қатысып жатқан. Кеше Грузия Парламентінде өтіп жатқан үкіметаралық православие ассамблеясының отырысының басталуында Грузия Парламенті төрағасының орындығына отырып алып төрағалық етіп отырған Ресей мемлекеттік думасының депутаты Сергей Гавриловтің әрекеті оппазицияның наразылығын тудырды.

Жиынды бел ортадан үзген «Еуропалық Грузия» партиясы өкілдері Ресей делегациясына отырысты тастап шығуын талап етті. Себебі, ол Тбилисиге келер кезде 2008 жылы Ресей мен Грузия арасында болған текетірес кезінде Абхазияда болып, ресей сеператистері арасында белсенді жұмыс істеген деген ақпарат тараған еді. Парламент қабырғасындағы оқиға кешке ушығып, он мыңдаған адам көшеге шығып, Парламент алдында митинг өткізді. Полиция күш қолданып, қақтығыс нәтижесінде екі жақтан жүздеген адам жарақаттанған. Халық  парламент төрағасы Ираклий Кобахидзе мен ішкі істер министрі Георгий Гахарияны қызметтен кетуін талап етуде. Ассамблея президенті Сергей Гавриловтің төрағылығымен 22 маусымға дейін өтуі тиіс ассамблея отырысы осылайша орта жолдан тоқтады. Ал Ресей мемлекеттік думасының депутаты Сергей Гавриловтың өз болса бұл шараны ресейге наразы топтың алдын ала жоспаралап, дайындаған акциясы деп отыр. Ресей ақпарат құралдары да радикалды оппазицияның айқай-шуы деп көрсетіп жатыр.

Бұл оқиғаға қатысты Грузияның бұрынғы президенті Михаил Саакашвили өз фейсбук әлеуметтік желісінде «Өзім құрған грузин полициясын Иванишвилиге бағынғай, халық жағына шығуды шақырамын» деп жазды. Ал Грузия президенті Саломе Зарабишвили «Бүгін болған оқиға үлкен қылмыс, еліміздің ар-намысына қаяу түсіретін оқиға» дей келе «Ресей біздің жауымыз, оккуппант, олардың басқарып отырған қазіргі бесінші коллонасы олардың агрессиясынан әлдеқайда қауіпті болуы мүмкін» деп бітірген өз ойын.

Видео Эхо Кавказа сайтынан алынды