Әйелдер теннисі ассоциациясы жаңартылған рейтингін жариялады. Бұл туралы Sport.kz хабарлады.
Әлемнің бірінші ракеткасы атағын польшалық теннисші Ива ШВЕНТЕК сақтап қалды. Екінші орында беларус қызы Арина СОБОЛЕНКО тұр. Ал біздің Елена РЫБАКИНА америкалық Кору ГАУФФТЫ төртінші орынға ысырып, үшінші орынға көтерілді.
Аустралияның Брисбен қаласында өткен WTA 500 турнирінің финалында Рыбакина Соболенконы жеңген болатын.
Тағы бір теннисші қызымыз Юлия ПУТИНЦЕВА рейтингте 64-орында тұр.
Мемлекет басшысы Қасым-Жомарт Тоқаев Туризм және спорт министрі Ермек Маржықпаевты қабылдады, деп хабарлайды Ulys Ақордаға сілтеме жасап.
Ермек Маржықпаев президентке Қазақстан құрамасының ХХХІІІ жазғы Олимпиада ойындарына дайындығы туралы есеп берген.
Дереккөзге сүйенсек, Қазақстан ұлттық құрамасы спорттың 25 түрінен 92 лицензия иеленген. Парижде барлығы 80 спортшы ел намысын қорғайды.
«Мемлекет басшысы Олимпиада ойындарының спортшыларымызға зор жауапкершілік жүктейтінін атап өтті. Сондай-ақ Қазақстан құрамасы әлем алдында мәдениетті, ұстамды әрі озық үлгілерімен ерекшеленуге тиіс екеніне назар аударды», - делінген хабарламада.
Қуаныш Құрашев Қазақстан Республикасы Ұлттық спорт түрлері қауымдастығының вице-президенті – «Теңге ілу» федерациясының президенті қызметіне тағайындалды.
Қуаныш Нұралыұлы 1984 жылы 23 қазанда дүниеге келген.
Қазақ мемлекеттік Заң академиясын, Экономика және құқык академиясын, Абай атындағы Қазақ ұлттық педагогикалық университетін, Ресей Федерациясы Президентінің жанындағы халық шаруашылығы және мемлекеттік қызмет академиясын бітірген.
Юриспруденция магистрі, заң ғылымының кандидаты.
Еңбек жолын 2003 жылы Алматы қаласында «СловКазстрой» ЖШС бастаған.
Әр жылдары Қазақстан Республикасы Жоғарғы Соты, Қазақстан Республикасы Әділет министрлігі, Қазақстан Республикасы Мәдениет және ақпарат министрлігінің Тіл комитетінде жауапты қызметтер атқарған. Қазіргі таңда Қазақстан Республикасындағы Адам құқықтары жөніндегі уәкілдігінде жауапты қызметте . Жеке секторда да еңбек тәжірибесі мол.
Қазақстан футбол федерациясының президенті Әділет Барменқұлов Футбол үйінде Қазақстан ұлттық құрамасының жаттықтырушылар штабымен кездесу өткізді, деп хабарлайды Ulys.
Бас бапкер Магомед Адиев мұндай шешімді отбасылық жағдайына байланысты қабылдағанын алға тартып, қызметінен кетті.
ҚФФ мұндай бағытқа да дайын болды және келесі аптаның басында жаңа бапкерді таңдайды.
Айта кетейік, Магомед Адиев футболдан Қазақстан ұлттық құрамасының тізгінін 2022 жылдың сәуір айында ұстаған еді. Ол соңғы кездері Шешенстанның «Ахмат» клубын қоса жаттықтырып жүрді.
