Перизат Қайрат Палестина халқына жинаған қаржыға пәтер мен көлік алған

Қылмыс

Фото: instagram.com/01pk/ 16 қараша 2024

Перизат Қайрат Палестина халқына жинаған қаржыға пәтер мен көлік алған - агенттік

Перизат Қайраттың заңсыз әрекеттері бойынша тағы бір дерек анықталды, деп хабарлайды Қаржы мониторингі агенттігі.

Перизат Қайрат волонтерлік қызметі аясында жасалған құқық бұзушылықтар туралы жаңа мәліметтер жариялады. Агенттік дерегінше, 2023 жылдың қараша айында Перизат Қайрат Палестина халқына гуманитарлық көмек көрсету үшін қаражат жинаған. Алайда 2023 жылдың желтоқсанында жиналған қаржының басым бөлігін жеке қажеттіліктеріне жұмсаған.

«2023 жылдың желтоқсанында Перизат Қ. бұл қаражатқа элиталық «Sensata Plaza» тұрғын үй кешенінен 49 млн теңгеге үш бөлмелі пәтер және 30 млн теңгеге жаңа «Mercedes-Benz EQE 500 4 Matic» көлігін сатып алды. Сонымен қатар қаржының бір бөлігі Біріккен Араб Әмірліктерінде «Rolex», «Prada» және «Fendi» брендтік бутиктерінен әшекей бұйымдар, сағаттар және киім сатып алуға жұмсалған», —делінген хабарламада.

Тергеу мәліметінше, қаржы жымқыру сомасы 200 миллион теңгеден асады. Қазіргі уақытта тергеу жалғасып жатыр. Бұған дейін Перизат Қайраттың ұсталғаны туралы хабарлаған болатынбыз.

RELATED NEWS

Қылмыс

04 наурыз 2025

Ақмола облысында әжесі немересін өлтіріп, денесін үйдің ауласында көмген

Ақмола облысының Щучинск қаласында асырап алынған баланың өліміне байланысты сот үкімі шықты, деп хабарлайды Ulys.

HALYQSTAN хабарлауынша, бес жылға жуық уақыт бойы жан түршігерлік қылмыстың іздері жасырулы болып келген. Бұл атышулы іс бойынша бала асырап алған анасы мен әжесі сот алдында жауап берді.

Бес жасар баланың денесі үйдің бақшасына жерленген, ал бұл сұмдық оқиға тек өткен көктемде ғана анықталды. Қылмыстың беті күтпеген қателіктің арқасында ашылған.

Асырап алған анасы басқа баласын денесі көгеріп жүргендіктен ауруханаға алып келген, алайда құжаттарды шатастырып алған. Кейінірек оның төрт жыл бойы қайтыс болған балаға тиесілі туу туралы куәлікті қолданып жүргені анықталды.

Басты күдікті 65 жастағы әжесі бірден қамауға алынса, 29 жастағы асырап алған анасы да уақытша ұстау изоляторына жіберілді.

Сот жабық есік жағдайында өтіп, үкім шықты. Баланың әжесі – 21 жылға, өгей анасы 4 жылға бас бостандығынан айырылды.

Қылмыс

26 наурыз 2025

Павлодарда туысқан қарындасын зорлаған жеткіншек 10 жылға сотталды

Былтыр жазда Павлодар облысы Шарбақты ауданындағы ауылдардың бірінде туысқан ағасы зорлап, артынан жүкті болған қыз босанған еді. Бүгін Павлодар облысында осы іске қатысты сот өтті, деп хабарлайды Ulys.

Күдікті болған 17 жастағы бала кәмелет жасына толмағандықтан, сот оны 10 жылға бас бостандығынан айырды. Соттың бүгінгі шешімі әзірге заңды күшіне енген жоқ.

Жазда оқушы қыздың босанғаны белгілі болған соң Павлодао облысындағы бала құқықтары жөніндегі уәкіл Сәуле Шәкенова 12 жасар қыздың ауылына барған. Қыз бала отбасымен Павлодар облысы Шарбақты ауданы Галкино ауылында өмір сүріп жатыр. Атажұртқа көшіп келген қандастарды Қазақстанға ерте көшіп келген туыстары осы ауылға қоныстандырған көрінеді.

Қылмыс

09 қаңтар 2025

Қазақстандағы дропперлердің 90 пайызы шетелдіктер

2024 жылы Қазақстандағы «дропперлердің» 90 пайызы резидент емес адамдар. Бұл туралы Қаржы мониторинг агенттігінен мәлім етті, деп хабарлайды Ulys Қаржылық мониторинг агенттігіне сілтеме жасап.

Қылмыстық кірістерді заңдастыру үшін биыл осындай 6,2 мың адамның картасы қолданылған екен.

«Бұл карталар арқылы айналымның жалпы сомасы 24 миллиард теңгеге жетті. Ақшаны заңсыз жылыстатқысы келгендер үшінші тұлғаларға тіркелген байланыс операторларының SIM карталарын пайдаланған. Көбінесе «дроп-карталар» есірткі саудасы, кибералаяқтық, заңсыз құмар ойындар және басқа да қылмыстық әрекеттерге байланысты схемаларда қолданылған», - деп хабарлайды ҚМА.

Жаңалықтар

13 мамыр 2025