Сирияда Асад әулетінің 50 жылға созылған билігі құлады. Бұл туралы Ресейдің СІМ сілтеме жасап BBC хабарлады.

24 жыл билеген Башар Асад елден кетті. Сирия 2011 жылдан бері азаматтық соғыс жағдайында өмір сүріп жатқан. «Ислам мемлекеті» террорлық тобы артқа шегінген соң Сирияда Асад билігі күшейгендей еді. 

Қазір Сирия аумағын бірнеше топ бақылап отыр. Алдағы бір-екі ай Сирия халқы үшін шешуші болмақ. Әртүрлі топтар елді бірнеше бөлікке бөліп билікке таласуы мүмкін. Күрдтер де бөлінуге тырысары анық. 

Париж прокуратурасы Павел Дуровқа тағылуы мүмкін 12 эпизодты жариялады. оның ішінде құзырлы органдарға ақпарат беруден бас тарту, алаяқтық пен есірткі сатуға қатысының болуы, балалардың порнографиялық видеоларын сақтауға, киберқылмыстарға, ақша жылыстатуға қатысуы және т. б. бар. 

Прокуратура 8 шілдеде ашылған істі Киберқылмыспен күрес орталығы мен Ұлттық алаяқтықпен күрес басқармасы (ONAF) тергеп жатқанын айтты.

1 қазан кешкісін Иран Израильді ракетамен атқылады. Бұл туралы BBC жазды.

Шабуыл кезінде бүкіл Израиль аумағында дабыл қағылып, тұрғындарға қауіпсіз жерге тығылуға бұйрық берілді.  Израиль әскері Иран 180 ракета жіберді дейді. Ал Иран Ислам революциясы сақшылар корпусының арнайы жасағы бұл шабуылды ХАМАС лидері Исмаил Ханияның, "Хезболла" лидері Хасан Насралланың және Иран жасағының командирі Аббас Нилфрушаның өліміне жауап деп мәлімдеді.

Израиль премьер-министрі Биньямин Нетаньяху ел аумағын баллистикалық ракеталармен атқылаған Иран "үлкен қателік жасады, бұған жауап береді" деп мәлімдеді.