Валюта бағамы
  • USD -

    444.9
  • EUR -

    484
  • RUB -

    4.97
Биыл 782 қазақстаандық шетелден ұсталды - ІІМ
14 мамыр 2024
Биыл 782 қазақстаандық шетелден ұсталды - ІІМ

Президент Ішкі істер министрі Ержан Сәденовті қабылдады, деп хабарлайды Ақорда.

Қасым-Жомарт Тоқаевқа еліміздегі криминогендік ахуал туралы мәлімет берілді. Ұсынылған ақпаратқа сәйкес жыл басынан бері қылмыс деңгейі төмендеген. Ұрлық, тонау, қарақшылық, бұзақылық, сондай-ақ тұрмыстық зорлық-зомбылық, мас күйінде және көшелерде жасалатын құқық бұзушылықтардың саны айтарлықтай азайған.

Министр қылмыскерлерді іздестіру жұмысының нәтижесі туралы да баяндады. Атап айтқанда, жыл басынан бері 782 адам, оның ішінде 79 азамат шетелде ұсталды. Іздеуде жүрген 16 адам елге экстрадицияланды.

Президентке адам көп жиналатын жерлерде азаматтардың қауіпсіздігін қамтамасыз ету жөнінде ақпарат берілді. Террористік әрекет тұрғысынан алғанда осал екі мыңнан астам нысан, соның ішінде мектептер, жоғары оқу орындары, сауда және ойын-сауық орталықтары, концерт залдары мен басқа да тарихи-мәдени ғимараттар тексерілді.

Сонымен қатар Ержан Саденов көші-қон ісін бақылау жұмыстары жайында есеп берді. Жыл басынан бері елімізге 4,2 миллион шетел азаматы келіп, оның 4 миллионға жуығы шекарадан кері шыққан. Олардың 90 пайызы – ТМД азаматтары.

Мемлекет басшысына ұйымдасқан, кибер және есірткі қылмыстарына қарсы іс-қимыл жөніндегі, сондай-ақ құқық бұзушылықтардың, оның ішінде тұрмыстық зорлық-зомбылықтың алдын алу, су тасқыны салдарын жою, жол қауіпсіздігін қамтамасыз ету, кезектен тыс аттестациялау бағыттарындағы тапсырмаларының орындалу барысы таныстырылды.

Бұдан бөлек, министр көшелердегі қауіпсіздік деңгейін арттыру және құқық бұзушылықтарға мүлде төзбеушілік қағидатын қамтамасыз ету үшін қабылданып жатқан шаралар туралы айтты.

Кездесу соңында Қасым-Жомарт Тоқаев еліміздегі құқықтық тәртіп пен қоғамдық қауіпсіздік деңгейін одан әрі арттыру жөнінде бірқатар тапсырма берді.

RELATED NEWS
Қуандық Бишімбаев 24 жылға сотталды
13 мамыр 2024
Қуандық Бишімбаев 24 жылға сотталды

Әйелін өлтірді деп айыпталған Қуандық Бишімбаевқа қатысты сот процесі аяқталды. Судья Айжан Құлбаева Салтанат Нүкенованы өлтірді деп айыпталған экс-министрге 24 жыл жаза кесті, деп хабарлайды Ulys.

«Жаза мөлшері туралы мәселені судья мен алқабилер ашық дауыс беру арқылы шешті. Сот үкімімен Бишімбаев 24 жылға, Байжанов 4 жылға бас бостандығынан айырылды», - деді судья.

Еске салсақ, 2023 жылы 9 қарашада Астанадағы «Bau» мейрамханасында бұрынғы Ұлттық экономика министрі Қуандық Бишімбаев өзінің жұбайын соққыға жықты. Әйел жедел жәрдем жеткенше көз жұмды. Мұнан соң Ішкі істер министрлігі Қуандық Бишімбаевтың ұсталғанын растады.

Бишімбаев ісімен байланысты 2 полицей жазаланды
27 мамыр 2024
Бишімбаев ісімен байланысты 2 полицей жазаланды

Қуандық Бишімбаевты қылмыс орнында ұстаған полиция қызметкерлері жауапқа тартылды. Бұл туралы ІІМ хабарлады.

Астана қалалық патрульдік полиция полкінің инспекторына қызметтік тәртіпті бұзғаны үшін сөгіс жарияланған. Ол Бишімбаевты ұстаған кезде, әңгіме барысында: «Ол өзі мазаңды алған шығар?» деп сұраған. Осы әңгіменің барлығы видео-тіркеушіге түсіп қалған. Сотта бұл видеодағы әңгіме көпшілік назарына ұсынылған болатын.

Осыдан кейін Астана қаласының полиция департаменті бұл факті бойынша қызметтік тексеру бастаған. Сол тексеріс жақында аяқталып, қызмет тәртібін бұзған ІІМ қызметкеріне қатаң сөгіс жариялаған.

Сонымен бірге қоғамдық орынды ластағаны үшін тағы бір қызметкер сөгіс алған. Ол Бишімбаевпен көшеде тұрғанда жерге түкірген. Оның да бұл әрекеті видео-тіркеушіге жазылып, сотта көпшілікке жария болды.

«ҚР «Құқық қорғау қызметі туралы» Заңының 19, 56-57-баптарына, сондай-ақ қызметтік тәртіпті бұзғаны үшін тәртіптік комиссияның шешіміне сәйкес Патрульдік полиция полкі қызметінің инспекторына сөгіс жарияланды. Қазақстан Республикасы ӘҚБтК-нің 434-2-бабының талаптарын бұзғаны үшін (Қоғамдық орындарды ластау) Астана қаласы ІІБ Есіл ауданының жедел уәкіліне қатаң сөгіс жарияланды», – делінген ІІМ баспасөз хабарламасында.

Еске салсақ, әйел өлтірді деп айыпталған бұрынғы министр Қуандық Бишімбаев 24 жылға сотталған болатын.

Астанада көшеде оқ атқан адам ұсталды
22 мамыр 2024
Астанада көшеде оқ атқан адам ұсталды

Бүгін Астана қаласының полициясы кқшеде оқ атқан адамды ұстады, деп хабарлайды Ulys.

«Полиция қызметкерлері жедел-іздестіру іс-шараларын жүргізіп, «Киа» маркалы автомашинаның ауаға оқ атқан жүргізушісін анықтап, ұстады. «Glock» маркалы тапанша тәркіленіп, сараптама тағайындалды. Бұл факт бойынша қылмыстық іс тіркелді. Тергеу жүріп жатыр», - делінген хабарламада.

Бұған дейін желіде «21 мамырға қараған түні Астанада «Думан» қонақ үйінің жанындағы  автотұрағында белгісіз адам тапаншадан оқ атты» деген хабарлама тараған болатын.

Біз туралы
ulys.kz — ақпараттық, сараптамалық және танымдық бағыттағы материалдарды береді.
 
Мультимедиялық жоба заман талабына сай жасалған. Қазақстанның ақпараттық нарығын сапалы
контентпен қамтамасыз етуге үлес қосуға бағытталған. Мұндағы сараптамалық, танымдық
мақалалар сан саланы қамтиды. Геостратегия, геоэкономика, геосаясат, халықаралық
қатынастар мен елдің ішкі-сыртқы саясаты, экономика, жаһанда болып жатқан тектоникалық
өзгерістер мен тренд тақырыптар ұлттық мүдде тұрғысынан терең талданып қазақ
оқырмандарына жеткізіледі. Орталық Азия мен Түркі әлеміне ерекше көңіл бөлінеді.