Берік Әбдіғалиұлы жаңа қызметке тағайындалды

әлеумет

02 қазан 2019

Берік Әбдіғалиұлы жаңа қызметке тағайындалды

Белгілі саясаткер, идеолог, саясаттанушы ғалым Берік Әбдіғалиұлы Президент Әкімшілігінің және жергілікті Мәслихаттың келісімімен туған өңірі Қарағанды облысы, Ұлытау ауданына әкім болып тағайындалды.

Бұған дейін ҚР Мәдениет және спорт министрлігі Ұлттық архив және Сирек кітаптар мен қолжазбалар орталығы жанындағы «Архив-2025» ғылыми-әдістемелік орталығының басшысы қызметін атқарған Берік Әбдіғалиұлы Ұлттық кеңестің де мүшесі болатын. Ол жаңа әкім қызметімен бірге Президент жанындағы Ұлттық кеңестің мүшесі болып қала береді. Бұдан былай әкімдер корпусынан жалғыз ұлттық кеңестін мүшесі болатын болды.

Берік Әбіғалиұлын туған өңіріне араға 9 жыл салып, қайта әкім ету туралы шешім мемлекет басшысы Қасым-Жомарт Тоқаевтың тамыз айындағы Ұлытауға сапарынан кейін жасалып отыр.

Берік Әбдіғалиұлы (18.09.1971, 2010 жылға дейін – Әбдіғалиев) – белгілі қазақстандық ғалым, қоғам қайраткері, тарихшы, саяси ғылымдарының кандидаты.

1994 жылы әл-Фараби атындағы Қазақ ұлттық университетін "Тарих" мамандығы бойынша бітірген.

1995 жылғы шілде – Американдық ғылымды дамыту агенттігі, мемлекеттік басқару органдарындағы тағылымдама (АҚШ)

1997 жылдың қыркүйегі – Гарвард университеті, . Дж. Кеннеди Мемлекеттік басқару мектебі (АҚШ)

2000 жылы Саяси ғылымдарының кандидаты (ҚР ҰҒА Философия және саясаттану институты).

2017 жылы РФ Президенті жанындағы Ресей халық шаруашылығы және Мемлекеттік қызмет академиясында «Аймақтық және муниципалдық менеджмент» мамандығы бойынша МВА дәрежесін қорғады.

Еңбек жолы:

Берік Әбдіғалиұлы – 1971 жылы 18 қыркүйекте Қарағанды облысы, Ұлытау ауданында туған.

1988 жылы Тараз қаласындағы Бауыржан Момышұлы атындағы №45 мектепті бітірген.

1994 жылы әл-Фараби атындағы Қазақ Ұлттық Университетінен «тарих» мамандығы бойынша жоғары білімін аяқтаған.

1994-1995 – ҚР президенті жанындағы Қазақстан стратегиялық зерттеулер институтында ғылыми қызметкер (ҚСЗИ), 1995-1997 – ішкі саясат бөлімінің меңгерушісі, директордың орынбасары.

1997 жылы ҚР Баспасөз және бұқаралық ақпарат істері жөніндегі ұлттық агенттігінде БАҚ басқармасы бастығының орынбасары болып тағайындалды.

1997-1998 жылдары - ҚР Ақпарат және қоғамдық келісім министрлігі Талдау және жоспарлау басқармасының бастығы.

1998-1999 жылдары - ҚР Мәдениет, ақпарат және қоғамдық келісім министрлігі Ішкі саясат департаментінің директоры орынбасары.

1999 жылдан 2000 жылға дейін ҚР Қауіпсіздік Кеңесінің талдау орталығының меңгерушісі орынбасары.

2000-2001 жылдары-ҚР Президенті жанындағы ҚСЗИ директорының бірінші орынбасары.

2001-2002 жылдары-Теміртау қаласы әкімінің орынбасары (Қарағанды облысы).

2002-2003 жылдары - "Ұлттық зерттеулер институты" ҰУ директоры.

2003-2004 жылдары - "Ақ жол" ҚДП сайлауалды штабының жетекшісі.

2004 жылдан 2005 жылға дейін - "Саяси білім беру қоры" ҚҚ президенті.

2005 жылдан 2006 жылға дейін - "Атамекен" кәсіпкерлер мен жұмыс берушілердің жалпыұлттық Одағындағы кеңесші.

2006 жылы – Украина, Киев облысы, Вышгород қаласы мэрінің кеңесшісі.

2006 жылдан 2007 жылға дейін - "Атамекен" ұлттық даму орталығы " ЖШС директоры.

2007 жылдан - ҚР Президенті Әкімшілігінің Қазақстан Халқы ассамблеясы хатшылығының бас инспекторы.

2008 жылдың наурызынан - ҚР Президенті Әкімшілігінің Ішкі саясат бөлімі меңгерушісінің орынбасары.

2008-2010 жж. – «Мемлекеттік тілдің дамуы бойынша Президент қоры» қоғамдық қорының директоры.

2010 жылы – Қарағанды облысы, Ұлытау ауданының әкімі.

2010 жылдан 2012 жылға дейін – Қарағанды облысы, Жезқазған қаласы әкімі.

2012 жылы – ҚР Бірінші Вице-премьерінің кеңесшісі.

2012 жылдан 2013 жылға дейін – Қостанай облысы, Арқалық қаласы әкімі.

2013 жылы – Қарағанды облысы әкімінің орынбасары.

2016-2017 жылдары – ҚР Президенті жанындағы ҚСЗИ директорының кеңесшісі, бас ғылыми қызметкер.

2016 жылдан бастап ҚР Қорғаныс министрлігі, ҚР Қарулы Күштері Әскери-тарихи мұражайының бас ғылыми қызметкері,

2017 жылдың мамыр айынан 2019 жылдың мамыр айына дейін – ҚР Ұлттық музейінің «Қасиетті Қазақстан» ғылыми-зерттеу орталығының жетекшісі.

2019 жылдан қаңтардан - қыркүйектің 30-ына дейін – ҚР Мәдениет және спорт министрлігі Ұлттық архив және Сирек кітаптар мен қолжазбалар орталығы жанындағы «Архив-2025» ғылыми-әдістемелік орталығы жетекшісі қызметін атқарды.

RELATED NEWS

әлеумет

05 қаңтар 2025

1 қаңтардан бастап зейнетақы мен жәрдемақы көлемі өсті

2025 жылғы 1 қаңтардан бастап мемлекеттік жәрдемақылар мен базалық зейнетақы төлемдерінің барлық түрінің мөлшері 6,5 пайызға, ынтымақты зейнетақы 8,5 пайызға көтерілді, - деп хабарлайды ҚР Еңбек және халықты әлеуметтік қорғау министрлігі.

2025 жылғы 1 қаңтардан бастап базалық зейнетақының ең төмен мөлшері ең төмен күнкөріс деңгейінің 65 пайызынан 70 пайызға дейін ұлғайтылды, бұл 32 360 теңге болып, оның ең жоғары мөлшері ең төмен күнкөріс деңгейінен 105-тен 110 пайызға дейін арттырылып, 50 851 теңге болады.

Мысалы, 2019 жылы зейнеткерлікке шыққан 69 жастағы зейнеткердің 2024 жылы бюджеттен төленетін зейнетақы мөлшері 156 856 теңге болды, оның ішінде базалық зейнетақы төлемі – 45 578 теңге, ынтымақты зейнетақы – 111 278 теңге. 2025 жылғы 1 қаңтардан бастап өсімді ескере отырып, осы зейнеткер үшін зейнетақының жалпы сомасы 171 588 теңгеге дейін ұлғайды, оның ішінде базалық зейнетақы – 50 851 теңге, ынтымақты зейнетақы – 120 737 теңге болды. Аталған сомаларға БЖЗҚ-дағы төлемдер кірмейтінін атап өту маңызды.

Сондай-ақ 2025 жылғы 1 қаңтардан бастап мемлекеттік жәрдемақылардың мөлшері ұлғайды:

1, 2, 3 бала туғанда берілетін жәрдемақы 140 296 теңгеден 149 416 теңгеге дейін, 4 және одан да көп бала туғанда берілетін жәрдемақы – 232 596 теңгеден 247 716 теңгеге дейін ұлғайды;
мөлшері балалар санына байланысты берілетін көпбалалы отбасыларға арналған жәрдемақы 4 баласы бар отбасылар үшін 59 183 теңгеден 63 030 теңгеге дейін, 10 баласы бар отбасылар үшін – 147 680 теңгеден 157 280 теңгеге дейін артты;
I топ мүгедектігі бар адамдарға арналған жәрдемақы 95 496 теңгеден 101 702 теңгеге дейін, II топ – 76 397 теңгеден 81 362 теңгеге дейін, III топ – 52 089 теңгеден 55 474 теңгеге дейін өсті.

Сондай-ақ, Мемлекеттік әлеуметтік сақтандыру қорынан (бұдан әрі – МӘСҚ) асыраушысынан айырылу және еңбекке қабілеттілігінен айырылу бойынша төлемдер мөлшері 6,5 пайызғңа артты. Аталған төлемдер міндетті әлеуметтік сақтандыру жүйесіне қатысушыларға бюджеттен берілетін мемлекеттік жәрдемақыларға қосымша жүзеге асырылады.

Төлемдердің мөлшері жеке санаттарға және мыналарға байланысты болады:

соңғы 2 жылда МӘСҚ-ға әлеуметтік аударымдар жүргізілген орташа айлық табыс;
еңбекке қабілеттілігінен айырылу коэффициенттері;
асырауындағы адамдар саны;
міндетті әлеуметтік сақтандыру жүйесіне қатысу өтілі және табысты алмастыру.

әлеумет

27 желтоқсан 2024

Жаңа жылдан бастап елімізде кедейлік шегі басқаша есептеледі

Еңбек және халықты әлеуметтік қорғау министрлігі «Кедейлік шегінің мөлшерін айқындау туралы» бұйрыққа тиісті өзгерістер енгізді, деп хабарлайды Ulys.

2025 жылдан бастап Қазақстанда атаулы әлеуметтік көмек тағайындау үшін кедейлік шегі жаңаша есептеледі.

2025 жылғы 1 қаңтардан бастап кедейлік шегі медианалық табыстың 35 пайызын құрайды. Бірақ оның мөлшері өңірлік ең төменгі күнкөріс деңгейінің 70%-ынан төмен болмауға тиіс.

Айта кетері, қазір кедейлік шегі ең төмен күнкөріс деңгейінің 70 пайызы мөлшерінде айқындалады.

Бұйрық 6 қаңтарда күшіне енеді.

әлеумет

12 сәуір 2025

Енді бірнеше жұмыста қатар істеген әйелдер декреттік төлемді аз алатын болады

Биыл сәуір айынан бастап Қазақстанда декреттік төлемдерді есептеу тәртібіне қатысты өзгеріс күшіне енді. Енді жүктілік пен босануға байланысты әлеуметтік төлем 7 ең төменгі жалақыдан аспайтын орташа айлықпен есептеледі. Яғни бір емес, бірнеше жұмыста қатар істеп, айына 595 мың теңгеден артық табыс тауып жүрген жүкті әйел декретке шыққанда ең көп дегенде 2 499 000 теңге алады. Ал кейбір аналардың 3 391 500 теңге алуға да құқығы бар.

Мысалы, қызметкер әйел жұмысынан 2025 жылғы сәуірде декретке шықса, оның орташа айлық кірісін анықтау кезінде 2024 жылғы сәуірден 2025 жылғы наурызға дейінгі кезең ескеріледі.

«Егер соңғы 12 айдағы орташа айлық кіріс 595 000 теңгеден көп болса (жұмыс берушілердің санына қарамастан), онда ол әйелге жүктілікке және босануға байланысты әлеуметтік төлем былай тағайындалады: емхана парағы 126 күнге берілген жағдайда – 2 499 000 теңге; емхана парағы 170 күнге берілген жағдайда – 3 391 500 теңге», - деп түсіндірді Еңбек және халықты әлеуметтік қорғау министрлігі.

Айта кетері, ядролық сынақтың зардабын тартқан аймақта тұратын және жеңілдіктер мен өтемақыларға құқығын растайтын куәлігі бар әйелдерге емхана парағы 170 күнге беріледі. Яғни осы санатқа кіретін аналардың декреттік төлемі 3,4 миллион теңгені құрайды.

Дегенмен орташа айлық кірісі 595 мың теңгеден асатын әйелдер жұмыс беруші арқылы қосымша төлем ала алады. Еңбек кодексіне сәйкес, жұмыс беруші Қордан төленген соманы шегеріп, орташа жалақысын сақтай отырып, жүктілікке және босануға байланысты демалысқа ақы төлейді. Бұл еңбек шартында немесе ұжымдық шартта, жұмыс берушінің актісінде көзделуі мүмкін. Егер мұндай ереже болмаса, қызметкер оны сол құжаттарға енгізуді талап етуге құқылы.

Ал соңғы 12 айдағы орташа табысы 595 мың теңгеден төмен әйелдер үшін жүктілікке және босануға байланысты әлеуметтік төлемді тағайындау тәртібі өзгермейді.

Сегізінші сәуірден күшіне енген бұл өзгерістердің жұмыс істемейтін әйелдерге еш қатысы жоқ. Олар сол күйі сәби дүниеге келгенде мемлекеттен берілетін біржолғы төлем мен бала күтіміне байланысты жәрдемақыны ала береді.

Бала туғанда берілетін біржолғы мемлекеттік жәрдемақы: