Астанадағы өрттен 4 бала көз жұмды

Оқиға

Фото: ТЖМ 17 қараша 2024

Астанадағы өрттен 4 бала көз жұмды

Астанада жеке тұрғын үйде болған өрт салдарынан балалардың қаза табуына байланысты қылмыстық іс қозғалды, деп хабарлайды Ulys.

Қалалық ТЖД тергеу бөлімі оқиғаны тергеумен айналысады.

«Екі қабатты тұрғын үйде өрттің болуына және оның салдарынан балалардың қаза табуына байланысты өрт қауіпсіздігі талаптарының бұзылуы фактісі бойынша ТЖД тергеу бөлімі ҚР Қылмыстық кодексінің 292-бабының 3-бөлігіне сәйкес қылмыстық іс қозғады. Бұл бап өрт қауіпсіздігі талаптарын бұзғаны үшін бес жылдан он жылға дейінгі мерзімге бас бостандығынан айыруды қарастырады, сондай-ақ үш жылға дейінбелгілі бір қызметпен айналысу құқығынан айыру мүмкіндігін қамтиды», – деп хабарлады Астана ТЖД баспасөз қызметі.

Құқық қорғау органдары тергеу аяқталғаннан кейін оқиға бойынша нәтижелерді жариялайтынын мәлімдеді.

Естеріңізге сала кетсек, өрт 2024 жылдың 17 қарашасында Астана қаласындағы жеке екі қабатты тұрғын үйде болған. Өрт үйдің шатырын қамтып, оның бір бөлігі құлап кеткен. Оқиға салдарынан 2 жастан 13 жасқа дейінгі төрт бала қаза тапты. Әкімдіктің мәліметінше, өрт болған үйде екі отбасы тұрған. Қайғылы оқиға болған отбасыға психологиялық, материалдық, тұрғын үй және басқа да қажетті көмек көрсетіледі.

RELATED NEWS

Оқиға

30 шілде 2025

Павлодарда әйел екі баласын терезеден лақтырып жіберген

Павлодар қаласында адам шошырлық оқиға болды. Екі баласын терезеден лақтырып, артынша өзі де секіріп кеткен әйел адам медициналық есепте тұратыны анықталды, деп хабарлайды Ulys.

Полиция әйел мен екі жас баланы жарақаттаған факті бойынша тергеу жүргізіп жатыр. Оқыс оқиғаға қатысты облыстық Полиция департаменті агенттік тілшісіне пікір білдірді.

«30 шілдеде Павлодардағы Нұрмағамбетов көшесіндегі үйдің 4 және 5-қабаттары арасында орналасқан кіреберіс терезесінен екі жас бала мен әйел құлағаны анықталды. Зардап шеккендер кіреберіс есіктің үстіне құлаған, барлығы ауруханаға жеткізілді.

Кісі өлтіру мен суицидке оқталу фактілері бойынша қылмыстық істер қозғалды. Оқиғаның мән-жайы мен себептері тергеу барысында анықталатын болады.

Алдын ала мәліметтер бойынша, әйел мамандандырылған медициналық мекемеде есепте тұрады. Жергілікті жерде жедел-тергеу тобы жұмыс істейді», – делінген департамент хабарламасында.

Оқиға

28 мамыр 2025

Астанада фельдшерді соққыға жыққан ер адам сотталып тынды

Астанада жедел жәрдем қызметкерін соққыға жыққан ер адам сотталып кетті, деп хабарлайды Ulys.

2025 жылғы 29 қаңтарда Астанада жедел жәрдем фельдшеріне шабуыл жасалып, ол жабық бас-ми жарақатын алған. Оқиға шақыртуға келген жедел жәрдем бригадасы мен науқастың туыстарының бірі арасында болған.

Фельдшер сотқа арыз жазып, денсаулығына келтірілген залал үшін материалдық өтемақы талап етті. Прокурор шабуыл жасаған ер адамға 1 жылға бас бостандығын шектеуді сұрады. Ал жәбірленуші бұл жазаны 3 жылға дейін ұзартуды өтінді.

Айыпталушы кінәсін толық мойындады, әрекетіне өкініш білдірді, сондай-ақ оның кішкентай баласы барекені ескерілді. Ауырлататын жағдайлар анықталған жоқ.

Сот Қазақстан Республикасының заңына сәйкес бұл қылмысты орта дәрежелі денсаулыққа қасақана зиян келтіру ретінде бағалап, мынадай шешім шығарды:

1 жыл 6 ай шартты түрде бас бостандығынан айыру (шартты жаза),
материалдық өтемақыны жәбірленушіге өтеу міндеттелді.

Оқиға

28 сәуір 2025

Сырттай 17 жылға сотталған Бергей Рысқалиев Лондонда жүр

Атырау облысының бұрынғы әкімі Бергей Рысқалиев Лондонда сакура гүлдеген маусымды тамашалап жүрген сәтінен видео жариялады. Бірнеше жылдан бері Ұлыбританияда тұрып жатқан экс-шенеуніктің видеосы әлеуметтік желіге тарады, деп хабарлайды Ulys.

Бергей Рысқалиев Лондон орталығында да жиі көзге түсетіні белгілі. Бұған дейін әлеуметтік желіде оның Burberry дүкенінің алдында президент әкімшілігінің бұрынғы басшысы Аслан Мусинмен бірге түскен суреті тараған еді. Аслан Мусин де бүгінде Черногория азаматтығын алып, Еуропада қоныстанған.

Айта кетейік, жуырда Алматы қаласының бұрынғы әкімі Бауыржан Байбектің де Жапониядағы сакура маусымына тамсанған видеосы әлеуметтік желілерде тараған еді.

Бергей Рысқалиев 2006-2012 жылдары Атырау қаласы мен Атырау облысының әкімі болып қызмет етті. 2012 жылы қызметінен кеткеннен кейін оған жемқорлық, ұйымдасқан қылмыстық топ құру, аса ірі көлемде бюджет қаражатын жымқыру айыптары тағылды. Тергеу ісі бес жылға созылып, 2019 жылы сот Рысқалиевті сырттай 17 жылға бас бостандығынан айыру туралы үкім шығарды. Оның ағасы Аманжан Рысқалиев 16 жылға сотталған.

Жаңалықтар

16 қыркүйек 2025