Валюта бағамы
  • USD -

    474.3
  • EUR -

    517.5
  • RUB -

    5.41
Әскери бөлімдегі сарбаздың комаға түсуі: Тоқаев тапсырма берді
Tengrinews.kz 17 маусым 2024
Әскери бөлімдегі сарбаздың комаға түсуі: Тоқаев тапсырма берді

Президент Қасым-Жомарт Тоқаев Жамбыл облысы Отар ауылындағы әскери бөлімде мерзімді қызметін өтеп жатқан сарбаздың комаға түсуіне қатысты анасының әлеуметтік желілерде жариялаған үндеуімен танысты. Бұл туралы Қазақстан Президентінің кеңесшісі – баспасөз хатшысы Берік Уәли желіде жазды.

«Мемлекет басшысы болған оқиғаның мән-жайын мұқият зерттеп, кінәлі адамдарды жазалауды талап етті. Президент Қорғаныс министріне армияда мұндай жағдайға жол бермеу қажет екенін ескертіп, тергеу амалдарын бақылауға алуды тапсырды», - деді Берік Уәли.

Айта кетейік, «Оңтүстік» өңірлік қолбасшылығының сарбазы Қордай орталық аудандық ауруханасының жансақтау бөліміне түсті. Оқиға 9 маусым күні болған.

Жамбыл облыстық денсаулық сақтау басқармасы баспасөз қызметінің берген мәліметіне сүйенсек, сарбаздың жағдайы әзірге әлі де ауыр жағдайда.

 

RELATED NEWS
Қазақстанның бір бөлігінде қар жауып, жол жабылды
25 мамыр 2024
Қазақстанның бір бөлігінде қар жауып, жол жабылды

Қазақстанның басым бөлігінде күн суытып, кей жерінде қар жауды, деп хабарлайды Ulys ТЖМ сілтеме жасап.

«Таңертеңнен бастап ауа райының нашарлауына, яғни қардың жаууына, температураның -3 градусқа дейін төмендеуіне байланысты Республикалық маңызы бар жол учаскесінде көлік құралдарының барлық түрлері үшін қозғалыс жабабылды. «Екатеринбург - Алматы» 1080-1140 км (Колутон станциясы-Новочеркасское ауылы)», - делінген хабарламада.

Бұған қоса Ақмола облысында республикалық және облыстық маңызы бар автомобиль жолдарындағы қозғалыстар уақытша жабылды. 
Автожолдардың жабылуы Астрахан және Егіндікөл аудандарындағы учаскелерде белгіленді:

«Екатеринбург-Алматы» 1080-1140 км (Колутон станциясы-Новочеркасское ауылы)
«Егіндікөл-Жолан» 0-61,3 км
«Новочеркасское-Егіндікөл-Жантеке» 43-119 км, 2
«Жалтыр-Макинск» 0-38 км,
«Новочеркасское-Егіндікөл-Жантеке» 0-43 км,
«Новочеркасское-Егіндікөл» -Қайнар 0-52 км.

Қазақстандық журналисті Киевте атып кетті: Тоқаев пікір білдірді
19 маусым 2024
Қазақстандық журналисті Киевте атып кетті: Тоқаев пікір білдірді

Бүгін Ақордада өткен салтанатты марапаттау рәсімі кезінде Қасым-Жомарт Тоқаев Киевте Қазақстан журналисіне жасалған қастандық әрекетке пікір білдірді, деп хаабарлайды Ақорда.

— Елімізде заң үстемдігін нығайтып жатырмыз, яғни барлық салада, ең алдымен, Заң үстемдігін қамтамасыз ету — басты міндет. Бұл мәселе бойынша менің көзқарасым — айқын. Мұны өздеріңіз де жақсы білесіздер. Қазақстанда Заң мен тәртіп бәрінен биік тұруға тиіс. Сондықтан қоғамдағы барлық қарама-қайшылықтар мен келіспеушіліктерді тек қана құқықтық тұрғыдан, яғни тиісті заңнамаға және негізгі халықаралық нормаларға сәйкес шешу қажет. Кеше Қазақстан азаматы Айдос Садықовқа қатысты Киевте болған қылмысқа да дәл осы ұстаным тұрғысынан қараған жөн. Мен дипломатиялық арналар мен құқық қорғау органдары арқылы осы оқыс оқиға бойынша Украина тарапына ресми сұрату жіберу туралы нақты тапсырма бердім. Сондай-ақ қажет болған жағдайда Қазақстанның ресми органдары істің ақиқатына жетуге жәрдем беру үшін тергеу жұмысына қатысуға дайын екенін айтқым келеді, — деді Президент. 

Айта кетейік, кеше Украинаның Киев қаласында сол елде босқын есебінде тұрып жатқан журналист Айдос Садықовты әлдебіреулер көлігінде атып кеткен болатын. Оның  жағдайы ауыр деп бағалануда. 

Алматыда әйел суицид жасамас бұрын қызын өлтірген
25 маусым 2024
Алматыда әйел суицид жасамас бұрын қызын өлтірген

Алматыдағы Орталық мәдениет және демалыс саябағындағы әйел кішкентай қызын тұншықтырып өлтіріп, сосын өзіне қол салған, деп хабарлайды Ulys.

Алматыда айналмалы шеңберден құлап мерт болған жас келіншек, өз-өзіне қол жұмсамас бұрын кішкентай қызын өлтірген.

Алматы облысының полициясы ақпаратты растады.

«Кәмелетке толмаған баланың өліміне қатысты тергеу амалдары жүргізіліп жатыр. Тергеу мүддесі үшін басқа мәліметтер жария етілмейді», – деп атап өтті ведомстводан.

Біз туралы
ulys.kz — ақпараттық, сараптамалық және танымдық бағыттағы материалдарды береді.
 
Мультимедиялық жоба заман талабына сай жасалған. Қазақстанның ақпараттық нарығын сапалы
контентпен қамтамасыз етуге үлес қосуға бағытталған. Мұндағы сараптамалық, танымдық
мақалалар сан саланы қамтиды. Геостратегия, геоэкономика, геосаясат, халықаралық
қатынастар мен елдің ішкі-сыртқы саясаты, экономика, жаһанда болып жатқан тектоникалық
өзгерістер мен тренд тақырыптар ұлттық мүдде тұрғысынан терең талданып қазақ
оқырмандарына жеткізіледі. Орталық Азия мен Түркі әлеміне ерекше көңіл бөлінеді.