Ақтауда құлаған ұшақ: Әзербайжан мамандары Қазақстанға келеді

Оқиға

Фото: Азамат Сәрсенбаев 25 желтоқсан 2024

Ақтауда құлаған ұшақ: Әзербайжан мамандары Қазақстанға келеді

Әзербайжан президенті Ильхам Әлиевтің тапсырмасы бойынша аталған елдің мемлекеттік органдардың өкілдері ұшақ апатына байланысты тергеу жұмыстарын жүргізу үшін Қазақстанға кетті, деп хабарлайды әзербайжандық Аzertag агенттігі.

«Президент Ильхам Әлиевтің тапсырмасы бойынша цифрлық даму және көлік министрі, төтенше жағдайлар министрі, Бас прокурордың орынбасары, денсаулық сақтау министрінің орынбасары, азаматтық авиация мемлекеттік агенттігі директорының орынбасары, «AZAL» әуекомпаниясының вице-президенті және басқа да тиісті мемлекеттік органдардың өкілдері тергеу жүргізу мақсатында оқиға орнына - Қазақстанның Ақтау қаласына кетті», - делінген хабарламада.

RELATED NEWS

Оқиға

26 желтоқсан 2024

Ақтау маңында құлаған ұшақты ресейлік зымыран зақымдаған - Euronews

Ақтау маңында құлаған Azerbaijan Airlines әуе компаниясының ұшағын ресейлік «земля-воздух» зымыраны атып түсірген. Бұл туралы Euronews Әзірбайжан үкіметіндегі дереккөзге сілтеме жасап хабарлады.

Euronews таратқан хабарламаға қарағанда, ұшақ Грозныйға қонбақ болған кезде зымыран ұшырылған, сол кезде олар дронның шабуылын тойтарып жатқан.

Болжам бойынша, зымыран ұшақтың жанында жарылып, оның сынықтары ұшақты зақымдаған.

Euronews ақпарат көздеріне сілтеме жасай отырып, ұшқыштардың апатты жағдайда қону туралы өтініш білдіргенін мәлімдеді. Алайда ұшақтың зақымданғанына қарамастан Ресейдің ешбір әуежайы қонуға рұқсат бермеген.

Еске салсақ, кеше Ақтау маңында ұшақ құлап, 40-қа жуық адам көз жұмды. Оның ішінде қазақстандық 6 адам болды.

Оқиға

11 қазан 2024

Қостанай облысында бір үйдің 5 баласы өртеніп кетті

Қостанай облысындағы Жітіқара қаласында қайғылы оқиға болған. Үй шатыры опырылып құлаған кезде онда ересектердің қарауынсыз қалған 2011, 2016, 2018, 2019, 2022, 2023 жылы туған балалар болған. Өкінішке қарай, үйінділерді тазалау кезінде бес баланың денесі табылды. 2011 жылы туған балалардың үлкені зардап шеккен жоқ. Бұл туралы Ulys ТЖМ сілтеме жасап хабарлайды.

«Бүгін сағат 04:29-да Жітіқара қаласындағы жеке шаруа қожалығының аумағында өрт шығып, салдарынан тұрғын үйдің шатыры опырылып түсті. Құтқарушылар оқиға орнына 7 минут ішінде жетті, үй толығымен өртке оранды. Жалын сағат 06:08-де ауыздықталып, толығымен сөндірілді. Алдын ала мәлімет бойынша, балалардың анасы кешкісін танысына кеткен. Күйеуі түрмеде отыр», - деп хабарлады облыстық ТЖД.

Оқиғаның себептері анықталып жатыр. Өрт-техникалық зерттеу тағайындалды. Апаттар медицинасы орталығы филиалының психологтары туыстарына қажетті психологиялық көмек көрсетіп жатыр.

Оқиға

26 желтоқсан 2024

Ақтау маңында құлаған ұшақта болған қазақтандықтардың есімі жарияланды

Төтенше жағдайлар министрлігі Ақтау қаласы маңындағы әуе апатынан мерт болған қазақстандықтардың аты-жөнін жариялады.

Ұшақ апаты кезінде мерт болған Қазақстан Республикасының азаматтары туралы ақпарат:

— Төлесінов Сәндібек Екібайұлы, 16.11.1988 жылы туған, туған жері: Маңғыстау облысы, Жаңаөзен қаласы;
— Жұмағұлов Бауыржан Жұмабайұлы, 30.09.1985 жылы туған, туған жері: Маңғыстау облысы, Жаңаөзен қаласы;
— Махсудова Галина Растамбековна, 12.01.1978 жылы туған, туған жері: Маңғыстау облысы, Ақтау қаласы;
— Шаймерденова Гаухар Жұмағатқызы, 17.07.1975 жылы туған, туған жері: Алматы қаласы, Астана қаласының тұрғыны;
— Жұмағат Эльдар 23.08.2013 жылы туған, Астана қаласының тұрғыны;
— Джутаева Салима Аманжолқызы, 21.02.1995 жылы туған, туған жері: Қостанай облысының тумасы, тұрған жері Қарағанды қаласы.

Еске салсақ, Бакуден Ресейдің Грозный қаласына бағыт алған әуе кемесі Қазақстан аумағында апатқа ұшырады.

Жаңалықтар

04 ақпан 2025