Ақтауда апатқа ұшыраған ұшақтың қара жәшігі сарапшылар келгеннен кейін ғана ашылады. Бұл туралы Ақтауда өткен баспасөз мәслихатында Азаматтық авиация комитетінің басшысы Талғат Ластаев айтты, деп хабарлайды Lada.kz.
«Халықаралық тергеу алгоритмі бар. Алдымен барлық жиналған мәліметтер негізінде қара жәшіктерді декодтау туралы шешім қабылдайтын комиссия құрылады. Ертең сарапшылар келіп, оларды талдағаннан кейін декодтауды қалай жүргізу керектігі туралы шешім қабылданады», – деді Талғат Ластаев.
Еске сала кетейік, кеше, 25 желтоқсанда Ақтауда Бакуден Грозныйға бағыт алған Әзербайдан әуе компаниясына тиесілі ұшақ апатқа ұшырады. Ұшақ бортында болған 67 адамның 38-і қаза тапты.
