Валюта бағамы
  • USD -

    454.5
  • EUR -

    488
  • RUB -

    5.03
«АЛТЫН АДАМ» АНАДОЛЫДА
13 қыркүйек 2019
«АЛТЫН АДАМ» АНАДОЛЫДА

Қазақ тарихының тереңдігі мен бабалар жасаған өркениеттің өресінің биіктігін көрсететін «Алтын адам» Анадолы жерінде. Түркияның астанасы Анкара қаласындағы Анадолы өркениеттер музейінің көрме залында ҚР Ұлттық музейінің «Ұлы дала: тарих және мәдениет» көрмесі ашылды. «Алтын адамның әлем музейлеріне шеруі» атты  халықаралық жоба аясында жүзеге асты.

Қазақстанның Түркиядағы елшілігінің ақпаратына қарағанда, Еуропаның ең үздік музейі деп танылған  Анадолы өркениеттер музейінде өткен көрменің ашылу салтанатына Түркия Республикасы мәдени құндылықтар және музейлер басқармасы директорының орынбасары Сейіт Ахмет Арслан, Қазақстанның Түркиядағы Елшісі Абзал Сапарбекұлы, Қазақстанның Ұлттық музейі директоры Арыстанбек Мұхамедиұлы мен ТҮРКСОЙ Бас хатшысы Дүйсен Қасейінов қатысқан. Қазақстанның Түркиядағы Елшісі Абзал Сапарбекұлы өз сөзінде «Қазақстанның «Рухани жаңғыру» мемлекеттік бағдарламасы аясында Анкараның төрінде, Түркияның ең маңызды музейлерінің бірінде өткізіліп отырған осы мағыналы шараға қош келдіңіздер!
«Алтын адамның әлем мұражайларына шеруі» халықаралық көрме жобасының бауырлас Түркияға келіп жеткені баршамызды ерекше қуантып отыр. «Ұлы дала тарихы және мәдениеті» атты осы көрме арқылы ұлтымыздың баға жетпес қазынасын тамашалаудың таптырмас мүмкіндігіне ие болып отырмыз. Осы іс-шара арқылы түрік көрерменінің де қазақтың бай тарихи және мәдени мұрасымен танысып, тәнті боларына күмәнім жоқ» -деді.

Қазақстан Республикасы Ұлттық музейі халықаралық «Алтын адамның әлем музейлеріне шеруі» турнесі аясында көрме бұған дейін Беларусь, Ресей, Әзірбайжан, Қытай, Польша, Оңтүстік Корея, Татарстан, Өзбекстан және Солтүстік Македония музейлерінде өткен болатын. Қазақстан Республикасы Ұлттық музей директоры Арыстанбек Мұхамедиұлы, көрмеге киімі алтын жапсырмалары және жебе, қар барысы, арқар, жылқы және құс түріндегі алтын тілімшелер әшекейлеп тұрған конус пішінді ерекше бас киімді Алтын адамның реконструкциясын және осы жас сақ жауынгерімен (археологтар пікірінше, 17-18 жастағы) бірге жерленген ерте темір дәуіріндегі (б.д.д. V-IV ғасыр) археологиялық жәдігерлер қойылғанын өз фейсбук парақшасына жазды. Сондай-ақ ол көрмеге Қазақстан Республикасының Ұлттық музей қорларынан 207 зат ұсынылғанына тоқтала келе, «көрмеге қойылған Қазақстанның ежелгі және ортағасырлық өнерінің жауһарлары - бұл Еуразия дала мәдениеті мұрасының өзіндік ерекшелігін бұрынғының есімдері белгісіз шеберлерінің туындыларының аз ғана бөлігі. Көрмеге келген қонақтар Қазақстанның көне мәдениетіне, шеберлердің өнеріне тамсанып, ерекше әсерленіп шығуда»,-деп жазды. Шара аясында Қазақстан мен Түркияның бас музейлері арасында ынтымақтастық туралы хаттамаға қол қойылды. Көрме 12-ші қазанға дейін болады.

 

 

Суреттер Қазақстанның Түркиядағы Елшігінің фейсбук парақшасынан алынды.

RELATED NEWS
ЕРДОҒАН МЕН ГУТТЕРИШ УКРАИНАҒА ТАРАПТАРДЫ  ТАТУЛАСТЫРУ ҮШІН КЕЛДІ
17 тамыз 2022
ЕРДОҒАН МЕН ГУТТЕРИШ УКРАИНАҒА ТАРАПТАРДЫ  ТАТУЛАСТЫРУ ҮШІН КЕЛДІ

Түркия Президенті Режеп Тайып Ердоған мен Біріккен Ұлттар Ұйымының Бас хатшысы Антониу Гуттериш Украинаға келді.

Бүгін олар Украина президенті Володимир Зеленскиймен бірге үшжақты кеңес өткізеді. Аталған жиында орыс-украин соғысының дипломатиялық жолмен бітуіне ықпал ету, Украина астығын әлемдік нарыққа шығаруға қатысты жасалған тетіктерді күшейту, сондай-ақ қауіпті жағдайда тұрған Запорожье атом электр стансасының мәселесі талқыланбақ.

Зеленскийдің шақыруын қабыл алып келген Гуттериш ертең  Одесса қаласына барып, келесі күні Ысанбұлға табан тірейді.

Екі әлемдік саясаткердің тараптарды татуластыру талпынысынан жемісті нәтиже күту өте қиын... Тек соңғы екі мәселенің оңалуына ықпал етсе де үлкен олжа болар еді.

Алим Байель назначен Генеральным консулом Казахстана в Стамбуле
20 мамыр 2020
Алим Байель назначен Генеральным консулом Казахстана в Стамбуле

Алим Дауренович Байель (ранее – Баялиев) назначен Генеральным консулом Республики Казахстан в г. Стамбул.

А. Байель родился в 1984 г. Окончил бакалавриат Ближневосточного технического университета (г. Анкара, Турция) по специальности «Бизнес-администрирование». Окончил магистратуру Университета Джорджа Вашингтона (г. Вашингтон, США) по специальности «Государственное управление». Выпускник программы «Болашак». Состоит в Президентском молодежном кадровом резерве.

2012–2014 гг. – эксперт Совета сотрудничества тюркоязычных государств;

2014–2015 гг. – директор центра международных отношений Тюркской академии;

2016 г. – руководитель управления международного сотрудничества Министерства Республики Казахстан по делам государственной службы;

2016–2018 гг. – руководитель управления международного сотрудничества, руководитель управления стратегических разработок Агентства Республики Казахстан по делам государственной службы и противодействию коррупции;

2018–2020 гг. – первый секретарь по политическим вопросам Посольства Республики Казахстан в Турции;

С 1 марта 2020 г. – Генеральный консул Республики Казахстан в Стамбуле.

Түркияда тағы мемлекеттік төңкеріс болуы мүмкін екені айтылуда
15 мамыр 2024
Түркияда тағы мемлекеттік төңкеріс болуы мүмкін екені айтылуда

Түркияда мемлекеттік төңкеріс болуы мүмкін. Осыған байланысты ел президенті Режеп Тайып Ердоған Түркияның барлау және Әділет министрлігінің басшыларымен шұғыл отырыс өткізді, деп хабарлайды Ulys түркиялық басылымдарға сілтеме жасап.

Түрік ұлтшылдарының жетекшісі Девлет Бахчели2016 жылдың шілдесінде елді дүрліктірген мемлекеттік төңкеріс қайталануы мүмкін екенін ескертті.

Бір күн бұрын Анкара Бас прокуратурасы "Айхан Бора Каплан" қылмыстық ұйымына қатысы бар деген күдікпен  үш полицейге қатысты тергеу бастады. Олардың үйлерінде тінту жүргізілді.

Türkiye газеті өз кезегінде "Айхан Бора Каплан" ұйымымен байланыста болды деп айыпталған Анкара қауіпсіздік басқармасында бірқатар полиция қызметкерлерінің жұмыстан шығарылуына байланысты Түркияда үлкен қарсылық көрсетілгенін жазады. Олардың үйлерінде цифрлық материалдарды алу мақсатында тінту жүргізілді.

"Президент Ердоған Әділет министрі Йылмаз Тунджмен және Ұлттық барлау ұйымының басшысы Ибрагим Калынмен Бахчелидің мәлімдемесінен кейін Мемлекет басшысының резиденциясында шұғыл түнгі отырыс өткізді", — деп жазады Türkiye.

Ердоған ел Парламентінде сөз сөйлейді деп күтілуде.

Біз туралы
ulys.kz — ақпараттық, сараптамалық және танымдық бағыттағы материалдарды береді.
 
Мультимедиялық жоба заман талабына сай жасалған. Қазақстанның ақпараттық нарығын сапалы
контентпен қамтамасыз етуге үлес қосуға бағытталған. Мұндағы сараптамалық, танымдық
мақалалар сан саланы қамтиды. Геостратегия, геоэкономика, геосаясат, халықаралық
қатынастар мен елдің ішкі-сыртқы саясаты, экономика, жаһанда болып жатқан тектоникалық
өзгерістер мен тренд тақырыптар ұлттық мүдде тұрғысынан терең талданып қазақ
оқырмандарына жеткізіледі. Орталық Азия мен Түркі әлеміне ерекше көңіл бөлінеді.