Әлеуметтік желіде белгісіз ер адамның кішкентай балаларға лифт ішінде күш көрсеткен видео тараған еді. Оқиғаға Алматы қаласының полиция департаменті түсініктеме берді.
– Бұл дерек бойынша тергеу амалдары жүргізілуде. Ер адам анықталып, полицияға жеткізілді. Оның әрекетіне құқықтық баға берілетін болады. Басқа да мән-жайлары анықталуда, - деді департаменттен.
Қазақстанның басым бөлігінде күн суытып, кей жерінде қар жауды, деп хабарлайды Ulys ТЖМ сілтеме жасап.
«Таңертеңнен бастап ауа райының нашарлауына, яғни қардың жаууына, температураның -3 градусқа дейін төмендеуіне байланысты Республикалық маңызы бар жол учаскесінде көлік құралдарының барлық түрлері үшін қозғалыс жабабылды. «Екатеринбург - Алматы» 1080-1140 км (Колутон станциясы-Новочеркасское ауылы)», - делінген хабарламада.
Бұған қоса Ақмола облысында республикалық және облыстық маңызы бар автомобиль жолдарындағы қозғалыстар уақытша жабылды.
Автожолдардың жабылуы Астрахан және Егіндікөл аудандарындағы учаскелерде белгіленді:
«Екатеринбург-Алматы» 1080-1140 км (Колутон станциясы-Новочеркасское ауылы)
«Егіндікөл-Жолан» 0-61,3 км
«Новочеркасское-Егіндікөл-Жантеке» 43-119 км, 2
«Жалтыр-Макинск» 0-38 км,
«Новочеркасское-Егіндікөл-Жантеке» 0-43 км,
«Новочеркасское-Егіндікөл» -Қайнар 0-52 км.
Әнші Қайрат Нұртас Алматы-Астана бағытындағы ұшақта бұзақылық көрсетіп, жолаушының денсаулығына жеңіл зиян келтірген, деп хабарлайды Ulys.
Жақында танымал әнші Қайрат Нұртас (Айдарбеков) Алматыдан Астанаға ұшатын ұшақтың бортында дау шығарған. Әнші басқа жолаушының денсаулығына жеңіл зиян келтірген. Жәбірленушінің аты - Асылбек Бекқайыров. Бұл жағдайға байланысты әуе кемесінің командирі полицияның көмегіне жүгінуге мәжбүр болды. Құқық қорғау органдарының қызметкерлері екеуін бөлімшеге алып барады. Онда музыкантқа екі әкімшілік құқық бұзушылық - денсаулыққа қасақана жеңіл зиян келтіру және қайта жасалған ұсақ бұзақылық туралы хаттама ресімделді»,- деп жазды Kozachkov telegram арнасы.
Бұған дейін Нұртас сахнада бейәдеп сөздер үшін айыппұл төлеген болатын, сондықтан ол рецидивист болып шықты. Асылбек Бекқайыровқа да хаттама жасалды.
Бұл оқиғаға қатысты Көліктегі полицияның баспасөз қызметі хабарлама жасады.
«Алматы-Астана» бағытындағы әуе рейсінің бортындағы ұсақ бұзақылық және денсаулыққа қасақана жеңіл зиян келтіру фактісі бойынша әкімшілік іс қозғалып, материалдар қарау үшін сотқа жолданды»,- деп хабарлады Көліктегі полиция департаментінің баспасөз қызметі.
Астана қаласының әкімшілік құқық бұзушылық жөніндегі мамандандырылған ауданаралық сотында ӘҚБтК-нің 73-бабының 1-бөлігі бойынша құқық бұзушыға қатысты іс қаралды, деп хабарлайды Ulys.
Істің мән-жайы бойынша, құқық бұзушы үйдегі отбасылық жанжал кезінде бұрынғы жұбайының абыройы мен қадір-қасиетін қорлап, оның атына дөрекі сөйлеген. Осылайша оған құрмет көрсетпей, басқа адамдардың тыныштығын бұзған.
Сот отырысы барысында құқық бұзушы өз кінәсін мойындаған жоқ.
«Ол бұрынғы жұбайы оның өтініші бойынша балаларын беруден бас тартып, олардың қолдарынан ұстап жібермегенін түсіндірді. Ол балаларды әкету үшін еденде отырған әйелдің аяқтарынан тартқан. Ол әдепсіз сөз айтпағанын, оны ұрмағанын атап өтті. Жәбірленушінің айтуынша, бұрынғы күйеуі оны көшіру кезінде заңсыз жүріп, оған шабуыл жасап, денесіне зақым келтірген. Жасалған құқық бұзушылықтың мән-жайлары әкімшілік құқық бұзушылық туралы хаттамамен, бейнежазбамен, жәбірленушінің түсіндірмелерімен расталады», - деп хабарлады Астана соты.
