Ulys اتالعان كومپانيانىڭ مالىمدەمەسىن تولىق جاريالايدى.
***
قىزمەتكەرلەردىڭ زاڭسىز ەرەۋىلگە شىعۋىنا بايلانىستى كومپانيا كۇن سايىن ميلليونداعان قارجىعا شىعىنعا باتۋدا، بۇل سومما بۇگىنگى تاڭدا 1 ميلليارد تەڭگەدەن استى. وسىعان دەيىن حابارلانعانداي، جۇمىس ورىندارىنا ورالعىسى كەلمەيتىن قىزمەتكەرلەردى سوتتىڭ شەشىمىمەن جۇمىستان بوساتۋىنا كومپانيانىڭ تولىق قۇقى بار. جۇمىسقا شىقپاعانداردىڭ باسىم بولىگى مۇنى ءوز قالاۋىنسىز، دەسترۋكتيۆتى ەلەمەنتتەردىڭ قىسىمىمەن جاساپ جاتقاندارىن جاقسى بىلەمىز.
ال، ىشكى تۇيسىگىنە سەنىپ، جۇمىسقا ورالعان ازاماتتارعا ريزاشىلىعىمىزدى بىلدىرەمىز. (ولاردىڭ سانى 120). ءبىز كومپانيامىزدىڭ قارجىلىق تۇراقتىلىعىن نىعايتىپ، سىزدەردىڭ ەڭبەك جاعدايلارىڭىزدى جاقسارتىپ، ەڭبەكاقىلارىڭىزدى تۇراقتى جانە ۋاقىتىلى الۋلارىڭىز ءۇشىن بار كۇشىمىزدى سالامىز دەپ سەندىرگىمىز كەلەدى.
كاسىپورىننىڭ جابدىقتارىن جانە تەحنيكاسىن جاڭارتۋ پروسەسى ءجۇرىپ جاتىر. تەحنيكاعا ارنالعان جاڭا جىلى بوكستەردىن قۇرىلىسىن باستاپ، ەڭبەك جاعدايىن جاقسارتۋ ءىسى جوسپارلانۋدا.
ءوز مىندەتتەرىن ورىنداۋ ءۇشىن جۇمىسقا ورالعان قىزمەتكەرلەرىمىز كومپانيانىڭ قازىرگى جاعدايىن تۇزەتۋگە زور ۇلەستەرىن قوسۋدا. قالعان ازاماتتاردى دا قاتارعا قوسىلىپ، بىرنەشە جىل ەڭبەك ەتكەن ۇجىمىنا، ءوز جۇمىستارىنا ورالۋعا شاقىرامىز. ءبىز زاڭ اياسىندا قازىرگى ورىن العان جاعدايدان بىرگە شىعۋدىڭ جولىن قاراستىرۋىمىز كەرەك.
سونداي-اق، بۇگىنگى تاڭدا جاڭا قىزمەتكەرلەردى جۇمىسقا قابىلداۋعا ىشكى دايىندىق جۇمىستارىنىڭ باستالعانىن حابارلايمىز.
دۇرىس تاڭداۋ جاسايتىندارىڭىزعا سەنەمىز جانە زاڭسىز ارەكەتتەر جاساعاندار ءۇشىن جاۋاپكەرشىلىكتىڭ بار ەكەنىن ەسكەرتەمىز.
***
ەسكە سالساق، بۇل تۋرالى ءبىز بىرنەشە اقپارات بەرگەن ەدىك.
