ءۇندىستانعا ەمدەلۋگە بارعان قازاقستاندىق ايەل جەكە كلينيكادا سەكسۋالدىق زورلىق-زومبىلىققا ۇشىراعان، دەپ حابارلايدى Ulys Times Of India-عا سىلتەمە جاساپ.
50 جاستاعى قازاقستاندىق قىزىمەن بىرگە وتكەن جۇمادا ءۇندىستانعا ۇشىپ بارعان. ەكى كۇننەن كەيىن ايەلگە وپەراسيا جاسالدى، سودان كەيىن پالاتاعا اۋىستىرىلعان.
ناۋقاستىڭ ايتۋىنشا، 25 جاستاعى سانيتار تحاكۋر سينگح ايەلدىڭ جورگەگىن اۋىستىرعان كەزدە الدىمەن وعان زاڭسىز قول تيگىزگەن. ول سانيتاردىڭ بۇل ارەكەتىن دۇرىس تۇسىنبەدىم بە دەپ ويلاعانىن ايتادى. الايدا سول كۇنى سانيتار ايەلگە بىرنەشە رەت سەكسۋالدى زورلىق-زومبىلىق كورسەتكەن
ايەل بۇل سۇمدىقتى قىزىنا ايتىپ بەرگەن. سودان كەيىن ناۋقاستىڭ قىزى پوليسيا مەن ەمحانا باسشىلىعىن شاقىرعان.
گۋرگاون قالاسىنىڭ پروكۋراتۋراسى تەرگەۋ امالدارىن باستادى. سانيتار قاماۋعا الىندى، كلينيكا ونى جۇمىستان شىعاردى. قۇقىق قورعاۋ ورگاندارى زورلاۋ فاكتىسى بويىنشا قىلمىستىق ءىس قوزعادى.