ۆاليۋتا باعامى
  • USD -

    454.5
  • EUR -

    488
  • RUB -

    5.01
تۇركى ىنتىماقتاستىق ۇيىمدارىنىڭ رەفورماسى تالقىلاندى
12 ناۋرىز 2019
تۇركى ىنتىماقتاستىق ۇيىمدارىنىڭ رەفورماسى تالقىلاندى

بۇگىن تۇركى تىلدەس مەملەكەتتەر ىنتىماقتاستىق كەڭەسىنىڭ (تۇركى كەڭەسى) باس
حاتشىسى باعدات امىرەيەۆ پەن سىرتقى ىستەر ءمينيسترى بەيبىت اتامقۇلوۆ
كەزدەسىپ، تۇركى ىنتىماقتاستىق ۇيىمدارىن رەفورمالاۋ ماسەلەلەرىن
تالقىلادى. تۇركى كەڭەسىنىڭ دەلەگاسياسى قازاقستانعا ۇيىمعا مۇشە
مەملەكەتتەردىڭ كەدەن قىزمەتتەرى باسشىلارىنىڭ وتىرىسىنا قاتىسۋ ءۇشىن
جۇمىس ساپارمەن كەلگەن. بۇل تۋرالى سىرتقى ىستەر مينيسترلىگىنىڭ باسپا ءسوز
قىزمەتى حابارلادى.
شولپان-اتا قالاسىندا وتكەن تۇركى كەڭەسىنىڭ 6-شى ءسامميتى بارىسىندا
قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تۇركى
ىنتىماقتاستىق ۇيىمدارىن قۇرىلىمدىق رەفورمالاۋ پروسەسىنە
باستاماشىلىق ەتتى. 
«تۇركى تىلدەس مەملەكەتتەردىڭ ىنتىماقتاستىق كەڭەسى - قازىرگى زاماندا ءرولى
ايتارلىقتاي ارتىپ كەلە جاتقان بىرەگەي حالىقارالىق ۇيىم. ۇيىمنىڭ
بارلىق مۇشەلەرى ءۇشىن تۇركى كەڭەسىنىڭ بەدەلى مەن الەۋەتىن ودان ءارى نىعايتۋ
وتە ماڭىزدى. سوندىقتان قازاقستان تۇركىتىلدەس ينتەگراسيانىڭ قازىرگى
ينستيتۋتتارىن وڭتايلاندىرۋ جانە قىزمەتتەرىن قايتا فورماتتاۋ مەن
ورتالىقتاندىرۋ بويىنشا ناتيجەلى جۇمىسقا ۇمىتتەنەدى»، - دەپ اتاپ ءوتتى
مينيستر.
ءوز كەزەگىندە ب. امىرەيەۆ ناۋرىز ايىنىڭ باسىندا ابۋ-دابيدە وتكەن يسلام
ىنتىماقتاستىعى ۇيىمى (يىۇ) سىرتقى ىستەر مينيسترلەرىنىڭ 46-شى
سەسسياسى بارىسىندا تۇركى كەڭەسىنىڭ يىۇ جانىنداعى باقىلاۋشى
مارتەبەسىن الۋىنا جان-جاقتى قولداۋ كورسەتكەنى ءۇشىن قازاقستان ءسىم
باسشىسىنا العىسىن ءبىلدىردى. 
تۇركى كەڭەسىنىڭ باس حاتشىسى كەڭەسكە مۇشە مەملەكەت باسشىلارىنىڭ
ۋاعدالاستىقتارى مەن تاپسىرمالارىن ىسكە اسىرۋ بارىسى تۋرالى حاباردار
ەتتى. ول حاتشىلىقتىڭ ۇيىمدى رەفورمالاۋ ماسەلەسى بويىنشا مۇشە-
مەملەكەتتەردىڭ استانالارىندا بەلسەندى كونسۋلتاسيالار جۇرگىزەتىنىن
حابارلادى. سونىمەن قاتار، جۋىردا بۇل ماسەلە جونىندە اعا لاۋازىمدى
تۇلعالار كوميتەتىنىڭ كەزەكتى وتىرىسى وتەدى. 
باس حاتشى تۇركى كەڭەس مەملەكەتتەرى باسشىلارىنىڭ ازەربايجانداعى
سامميتىنە، وزبەكستانداعى تۇركى مەملەكەتتەرىنىڭ بيزنەس-فورۋمىنا، سونداي-
اق سالالىق مينيسترلىكتەر مەن ۆەدومستۆولاردىڭ باسشىلارى دەڭگەيىندەگى
ءبىرقاتار كەزدەسۋلەرگە دايىندىق بارىسى تۋرالى اڭگىمەلەدى. 
سۇحباتتاسۋشىلار مادەني-گۋمانيتارلىق جوبالاردى جۇزەگە اسىرۋ، باسپا
جانە مۇراعات قىزمەتى تۋرالى پىكىر الماستى.

 

RELATED NEWS
تۇركى كەڭەسى اقپاراتتىق-كوممۋنيكاسيالىق تەحنولوگيالار بويىنشا مينيسترلەرىنىڭ ءۇشىنشى كەزدەسۋى باستالدى
31 قاڭتار 2019
تۇركى كەڭەسى اقپاراتتىق-كوممۋنيكاسيالىق تەحنولوگيالار بويىنشا مينيسترلەرىنىڭ ءۇشىنشى كەزدەسۋى باستالدى

الماتى قالاسىندا تۇركى كەڭەسى اقپاراتتىق-كوممۋنيكاسيالىق تەحنولوگيالار بويىنشا مينيسترلەرىنىڭ ءۇشىنشى كەزدەسۋى باستالدى. تۇركى كەڭەسىنىڭ باس حاتشىسى باعدات امىرەيەۆتىڭ توراعىلىعىمەن ءوتىپ جاتقان جيىنعا ق ر اقپارات جانە كوممۋنيكاسيالار ءمينيسترى داۋرەن ابايەۆ،   تۇركيانىڭ قاتىناس جانە ينفراقۇرىلىم ءمينيسترى مەحمەت تۋرحان، قىرعىز رەسپۋبليكاسى اقپاراتتىق تەحنولوگيالار جانە بايلانىس مەملەكەتتىك كوميتەتىنىڭ ءتوراعاسى باقىت شارشەمبييەۆ، ازەربايجان رەسپۋبليكاسىنىڭ كولىك، بايلانىس پەن جوعارى تەحنولوگيالار ءمينيسترىنىڭ ورىنباسارى ەلمير ۆەليزادا، سونىمەن قاتار ماجارستانننىڭ ينفوكومۋنيكاسيا، يننوۆاسيا مەن تەحنولوگيالار مينيسترلىگىنىڭ مەملەكەتتىك حاتشىسىنىڭ ورىنباسارى كارولي سوليمار قاتىسۋدا. 
تاراپتار كيبەرقاۋىپسىزدىك، ە-ۇكىمەت، TASIM جوباسى مەن عارىش قىزمەتتەرى سالاسىنداعى ىنتىماقتاستىقتىققا قاتىستى ماسەلەلەردى تالقىلاۋدا. قازاقستاننىڭ اقپارات جانە كوممۋنيكاسيالار ءمينيسترى داۋرەن ابايەۆ سالاداعى الەۋەتتى تولىق پايدالانا الماي وتىرعانىمىزدى ايتتى.

 

 

 

 

 

 

 

 

 

 

«تۇركى كەڭەسىنىڭ» اتاۋى «تۇركىتەكتەس مەملەكەتتەر ۇيىمى» بولىپ وزگەرۋى مۇمكىن
15 قازان 2019
«تۇركى كەڭەسىنىڭ» اتاۋى «تۇركىتەكتەس مەملەكەتتەر ۇيىمى» بولىپ وزگەرۋى مۇمكىن

 

بۇگىن ازەربايجاننىڭ استاناسى باكۋدە تۇركى تىلدەس مەملەكەتتەردىڭ ىنتىماقتاستىعى كەڭەسىنە (تۇرىك كەڭەسى) مۇشە ەلدەر باسشىلارىنىڭ VII ءسامميتى بولىپ ءوتتى

جيىنعا قازاقستاننىڭ تۇڭعىش پرەزيدەنتى — ەلباسى نۇرسۇلتان نازاربايەۆ،  تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان، وزبەكستان رەسپۋبليكاسىنىڭ پرەزيدەنتى شاۆكات ميرزيويەۆ، ازەربايجان رەسپۋبليكاسىنىڭ پرەزيدەنتى يلحام الييەۆ، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ، ۆەنگريانىڭ پرەمەر-مينيسترى ۆيكتور وربان، تۇرىكمەنستان رەسپۋبليكاسى پرەمەر-مينيسترىنىڭ ورىنباسارى    پۋرلي اگامۋرادوۆ پەن تۇركى كەڭەسىنىڭ باس حاتشىسى باعداد امىرەيەۆ قاتىستى.

الدىمەن سامميتكە قاتىسۋشىلار بىرگە ەستەلىك سۋرەتكە ءتۇستى. سوسىن ازەربايجان رەسپۋبليكاسىنىڭ پرەزيدەنتى يلحام الييەۆ ءسامميتتى سالتاناتتى تۇردە اشىپ، القالى باسقوسۋعا كەلگەندەرگە ءوز رازىلىعىن ءبىلدىردى. ودان سوڭ ءسوز العان قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ تۇركى كەڭەسىنىڭ ءتوراعالىعى ازەربايجانعا وتەتىنىن حابارلادى. ىلە-شالا ازەربايجان رەسپۋبليكاسىنىڭ پرەزيدەنتى يلحام الييەۆ قازاقستاننىڭ تۇڭعىش پرەزيدەنتى — ەلباسى، «تۇركى كەڭەسىنىڭ قۇرمەتتى ءتوراعاسى» نۇرسۇلتان نازاربايەۆقا «تۇركى الەمىنىڭ جوعارى وردەنىن» تاپسىردى. ودان كەيىن قازاقستاننىڭ تۇڭعىش پرەزيدەنتى — ەلباسى نۇرسۇلتان نازاربايەۆ،  تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان، وزبەكستان رەسپۋبليكاسىنىڭ پرەزيدەنتى شاۆكات ميرزيويەۆ، ۆەنگريانىڭ پرەمەر-مينيسترى ۆيكتور وربان، تۇرىكمەنستان رەسپۋبليكاسى پرەمەر-مينيسترىنىڭ ورىنباسارى پۋرلي اگامۋرادوۆ پەن تۇركى كەڭەسىنىڭ باس حاتشىسى  باعداد امىرەيەۆ ءسوز سويلەدى. بۇدان كەيىن كەلەسى ءسامميتتى تۇركيا رەسپۋبيكاسىندا وتكىزۋ تۋرالى شەشىم قابىلداندى. ارى قاراي قۇجاتتارعا قول قويۋ راسىمدەرى جاسالدى. سوڭىندا ازەربايجان رەسپۋبليكاسىنىڭ پرەزيدەنتى يلحام الييەۆ تۇركى كەڭەسىنە مۇشە ەلدەر باسشىلارىنىڭ VII ءسامميتىن قورىتىندىلادى. ايتا كەتەرلىگى، بۇل جولى  تۇركى كەڭەسىنە وزبەكستان رەسپۋبليكاسى  تولىققاندى مۇشە بولدى. ءوز كەزەگىندە نۇرسۇلتان نازاربايەۆ «كەڭەستىڭ قۇرامىنا وزبەكستاننىڭ مۇشە بولۋى – بۇكىل تۇركى تىلدەس قاۋىمداستىق ءۇشىن تاريحي ءارى كوپتەن كۇتكەن وقيعا. بۋداپەشتتە تۇركى كەڭەسىنىڭ وكىلدىگىن اشۋ - ىنتىماقتاستىقتىڭ ەۋروپا ۆەكتورىن دامىتۋدا ەرەكشە ماڭىزدى»،-دەدى. سوسىن ول «بولاشاقتا كەڭەسىمىزدىڭ اتاۋىن قايتا قاراۋدى ۇسىنامىن. تۇركى تىلدەس مەملەكەتتەر ىنتىماقتاستىعى كەڭەسىن ۇيىم دەڭگەيىنە دەيىن كوتەرۋگە بولادى دەپ سانايمىن. وسىلايشا، ءبىزدىڭ قۇرىلىمدى «تۇركىتەكتەس مەملەكەتتەر ۇيىمى» دەپ اتاۋعا بولادى»، – دەپ ويىن تۇيىندەدى.

سۋرەتتەر president.az سايتىنان الىندى.

تۇركى ەلدەرىنىڭ  اقپاراتتىق قاۋىپسىزدىك جيىنى باستالدى
29 قاڭتار 2019
تۇركى ەلدەرىنىڭ اقپاراتتىق قاۋىپسىزدىك جيىنى باستالدى

الماتى قالاسىندا تۇركى كەڭەسىنە مۇشە ەلدەردىڭ اقپارات جانە كوممۋنيكاسيالىق تەحنولوگيالار جۇمىس توبىنىڭ ءۇشىنشى وتىرىسى باستالدى. شاراعا كەڭەسكە مۇشە ەلدەر قازاقستان، قىرعىزستان، تۇركيا جانە ازەربايجاننىڭ اقپارات سالاسىنا جاۋاپتى ماماندارى قاتىسۋدا. جيىندى ق ر اقپارات جانە كوممۋنيكاسيالار ۆيسە-مينيسترى دارىن تۇياقوۆ اشىپ بەردى. تۇركى كەڭەسى باس حاتشىسىنىڭ ورىنباسارى ومەر قوجاماننىڭ توراعالىعىمەن ءوتىپ جاتقان جيىندا كيبەرقاۋىپسىزدىك، ە-ۇكىمەت، TASIM جوباسىن جەتىلدىرۋ مەن عارىش قىزمەتتەرى تاقىرىپتارى تالقىلانۋدا. ومەر قوجاماننىڭ ايتۋىنشا، تۇركىتىلدەس ەلدەر اراسىندا اقپاراتتىق ىنتىماقتاستى ارتتىرۋ ماسەلەسىن قازاقستان پرەزيدەنتى نۇرسۇلتان نازاربايەۆ 2015 جىلى استانادا وتكەن تۇركى كەڭەسى باسشىلارىنىڭ سامميتىندە كوتەرگەن بولاتىن. سودان بەرى ءبىراز جۇمىس جاسالدى ءارى جالعاسىن تاۋىپ كەلەدى. ەرتەنگى جيىنعا تۇركى كەڭەسىنە مۇشە ءتورت ەلدىڭ اقپارات سالاسى مينيسترلەرى مەن تۇركى كەڭەسىڭىڭ باس حاتشىسى باعدات امىرەيەۆ سونداي-اق ماجارستان ەلىنىڭ اقپارات سالاسى وكىلدەرى قاتىسادى.

 

 

 

 

 

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.