ۇكىمەت وتىرىسى ءوتىپ جاتىر، دەپ حابارلايدى Ulys.
جيىندا پرەمەر-مينيستر ولجاس بەكتەنوۆ تاسقىننان زارداپ شەككەن تۇرعىندارعا تۇرمىستىق تەحنيكا الۋعا قاراجات بەرىلەتىنىن ايتتى.
«زارداپ شەككەندەرگە كەلگەن شىعىندى وتەۋ تارتىبىنە تۇزەتۋلەر بەكىتىلدى. كەشە مەن ءتيىستى قاۋلىعا قوي قويدىم. قازىرگى ۋاقىتتا 11 مىڭعا جۋىق وتباسى 100 ايلىق ەسەپتىك كورسەتكىش مولشەرىندە تولەم الدى. بۇل – ۇلكەن جۇمىستىڭ باسى عانا. وعان قوسىمشا تاعى 150 ايلىق ەسەپتىك كورسەتكىشكە دەيىن تولەيتىن بولامىز (اەك -3692 تەڭگە - اۆت). وعان ادامدار توڭازىتقىش، ۇستەل، ورىندىقتار، ىدىس-اياق، كيىم-كەشەك سياقتى جوعالعان ءبىرىنشى كەزەكتەگى قاجەتتى زاتتاردى ساتىپ الا الادى»، - دەدى ۇكىمەت باسشىسى.
سونداي-اق، ول كاسىپكەرلەردىڭ شىعىنى وتەلەتىنىن ايتتى.
«ەشكىم دە كومەكسىز قالمايدى بۇل ماسەلەلەردىڭ بارلىعى پرەزيدەنتتىڭ جانە مەنىڭ جەكە باقىلاۋىمدا.»، - دەدى ۇكىمەت باسشىسى.