ۆاليۋتا باعامى
  • USD -

    479.5
  • EUR -

    525
  • RUB -

    5.45
قىزىلوردا وبلىسىندا  «ۇلگىلى ەلدى مەكەن» كونكۋرسى ءوتتى
17 ماۋسىم 2024
قىزىلوردا وبلىسىندا  «ۇلگىلى ەلدى مەكەن» كونكۋرسى ءوتتى

مەملەكەت باسشىسىنىڭ باستاماسىمەن جۇزەگە اسىرىلىپ جاتقان «تازا قازاقستان» رەسپۋبليكالىق ەكولوگيالىق اكسياسى سىر وڭىرىندە قارقىندى تۇردە جالعاسۋدا.
اكسيا اياسىندا ساياباقتار، سكۆەرلەر مەن اللەيالار اۋماقتارىن اباتتاندىرۋ، قوقىستاردان تازارتۋ، اعاش وتىرعىزۋ سىندى جۇمىستار بەلسەندى جۇرگىزىلدى.
 «ۇلگىلى ەلدى مەكەن» كونكۋرسى
مەملەكەت باسشىسىنىڭ «اۋىلدىق اۋماقتاردى دامىتۋ تۋرالى» تاپسىرماسىنا سايكەس، وبلىستاعى ەلدى مەكەندەر اراسىندا تازالىققا، كوركەيتۋ كوگالداندىرۋعا، اباتتاندىرۋعا باعىتتالعان «ۇلگىلى ەلدى مەكەن» وبلىستىق كونكۋرسى ءداستۇرلى تۇردە جىل سايىن وتكىزىلۋدە.
بايقاۋ تۋعان ولكەنى جاسىل-جەلەككە اينالدىرىپ، تابيعاتتى ايالاۋعا جانە ەكولوگيانىڭ جاقسارۋىنا ءوز ۇلەسىن قوساتىن الەۋمەتتىك ماڭىزى بار ەرەكشە جوبا.
2023 جىلى كونكۋرس 2 مارتە كوكتەم جانە كۇز ايلارىندا وتكىزىلىپ، وبلىستىق بيۋدجەتتەن 1 ملرد تەڭگەگە جۋىق قارجى ءبولىندى.
اۋىلدىق ايماقتارعا قاجەتتى ارنايى تەحنيكالار قالدىق تاسىمالداۋشى كولىگى، جول تازالاعىش، جەر قازۋشى، تيەگىش تراكتورلار، اسسەنيزاتور ماشيناسى، جۇك تاسىمالداۋشى كولىگى سەكىلدى 29 تەحنيكا جەڭىمپاز ەلدى مەكەندەرگە تابىستالدى.
العاش رەت وتكىزىلگەن كوكتەمگى كونكۋرسقا 7 اۋدان ورتالىعى، 24 اۋىل قاتىسىپ، «ۇلگىلى اۋدان ورتالىعى» نوميناسياسى بويىنشا 3 اۋدان ورتالىعىنا جانە «ۇلگىلى اۋىل» نوميناسياسى بويىنشا 3 اۋىلعا ارنايى كوممۋنالدىق تەحنيكالار تابىستالدى. كۇزگى كونكۋرستا دا وسىنداي تالاپتارعا ساي جەڭىمپازدار انىقتالدى.
بيىلعى جىلى دا كونكۋرس جالعاسىن تاۋىپ، وبلىستىق بيۋدجەتتەن
436 ملن تەڭگە ءبولىندى. وعان 19 تەحنيكا ساتىپ الىنىپ، كونكۋرس جەڭىمپازدارىنا تابىستالاتىن بولادى. قازىرگى تاڭدا كونكۋرسقا قاتىسۋشى ەلدى مەكەندەردىڭ قۇجاتتارى جيناقتالۋدا.


كونكۋرس «ۇلگىلى اۋدان»، «ۇلگىلى اۋىل» جانە «ۇلگىلى ەلدى مەكەن» نوميناسيالارى بويىنشا وتكىزىلەدى. «ۇلگىلى ەلدى مەكەن» نوميناسياسى بويىنشا ءار اۋداننان 1 جەڭىمپاز ەلدى مەكەن انىقتالادى جانە ولارعا اباتتاندىرۋ جوبالارىن قارجىلاندىرۋعا وبلىستىق بيۋدجەتتەن 15 ملن تەڭگەدەن بەرىلەدى. «ۇلگىلى اۋدان» نوميناسياسىنا اۋداندارداعى كەنتتەر مەن قالالار، «ۇلگىلى اۋىل» نوميناسياسىنا تىرەك جانە سەرىكتەس ەلدى مەكەندەر، «ۇلگىلى ەلدى مەكەن» نوميناسياسىنا تىرەك جانە سەرىكتەس ەلدى مەكەندەردەن باسقا، ەلدى مەكەندەر قاتىسادى.
 «ۇزدىك اۋلا» كونكۋرسى
قىزىلوردا قالاسىندا «ۇزدىك اۋلا» نوميناسياسى بويىنشا جىل سايىن ءداستۇرلى تۇردە كونكۋرس ۇيىمداستىرىلىپ كەلەدى.
وتكەن جىلى قالا اكىمدىگىنىڭ ۇيىمداستىرۋىمەن وتكەن كونكۋرس ناتيجەسىمەن قىزىلوردا قالاسى، ابدراحمانوۆ كوشەسىندەگى №19 كوپقاباتتى ءۇيدىڭ اۋلاسى «ۇزدىك اۋلا» نوميناسياسىنىڭ جەڭىمپازى اتاندى.
كوپقاباتتى ءۇيدىڭ اتالمىش نوميناسيانىڭ جەڭىمپازى اتانۋىنا وسى ءۇيدىڭ تۇرعىنى، زەينەتكەر بەردىقوجا كەنجەبايەۆتىڭ ۇلەسى زور. ول ءوز كۇشىمەن كوپقاباتتى تۇرعىن ءۇيدىڭ اۋلاسىنا سوڭعى جىلدارى 100-گە جۋىق اعاش وتىرعىزىپ، اۋلانىڭ جاسىل جەلەككە اينالۋىنا سەپتىگىن تيگىزدى.
قوقىس وڭدەۋ پوليگونى
قىزىلوردا قالاسى اۋماعىنداعى قوقىس پوليگونىنا كورەيا رەسپۋبليكاسىنان ينۆەستور تارتىلىپ، قوقىستى قايتا وڭدەۋ زاۋىتىن سالۋ جوسپارلانۋدا.
بۇگىنگى تاڭدا وڭتۇستىك كورەيالىق ينۆەستورمەن قىزىلوردا وبلىسى اكىمدىگى تاراپىنان مەموراندۋمعا قول قويىلىپ، ءتيىستى قۇجاتتار ازىرلەنۋدە.
زاۋىتقا 8 ملرد تەڭگە شاماسىندا قارجى سالىنىپ، جىلىنا 300 مىڭ توننا قالدىق سۇرىپتالىپ، قايتا وڭدەلەتىن بولادى.
نىسان 2025 جىلدىڭ ءىى توقسانىنا پايدالانۋعا بەرىلەدى دەپ كۇتىلۋدە.
«قىزىلوردا تازالىعى» مەكەمەسى
بۇگىندە قىزىلوردا قالاسىنىڭ تازالىعى مەن اباتتاندىرىلۋىنا جاۋاپتى «قىزىلوردا تازالىعى» مەكەمەسى ەكى اۋىسىممەن جۇمىس اتقارۋدا. تازالىق جۇمىستارىنا ءبىر مەزەتتە 75 ارنايى تەحنيكا مەن 200-دەن استام جۇمىسشى شىعارىلادى.
سوڭعى 2 جىلدا مەكەمەنىڭ ماتەريالدىق-تەحنيكالىق بازاسىن جاڭعىرتۋ ماقساتىندا 2 ملرد 153 ملن تەڭگە ءبولىنىپ، وعان قاجەتتى تەحنيكالار الىندى.
ايتا كەتۋ كەرەك، كوممۋنالدىق سالانىڭ جۇمىسشىلارىنا قولدۋ ءبىلدىرۋ ماقساتىندا ولارعا قوعامدىق كولىكتەردە تەگىن ءجۇرۋ قاراستىرىلعان جانە جىلىنا ءبىر رەت شيپاجايلارعا تەگىن جولداما بەرىلەدى.
بۇدان بولەك، قالانى كوگالداندىرۋ جۇمىستارىنا قاتىستى بيىلعى جىلدىڭ باسىندا قالادا ارنايى «جاسىل قىزىلوردا» كوممۋنالدىق مەملەكەتتىك مەكەمەسى قۇرىلىپ، قالاداعى ورتالىق كوشەلەر، سكۆەر، اللەيالاردى كوركەيتۋ مەن قالانىڭ كوگالداندىرۋ جۇمىستارىن جۇرگىزۋدە.
«جاسىل ەل» ەڭبەك جاساقتارى
بۇگىن وڭىردە رەسپۋبليكالىق «تازا قازاقستان» جالپىۇلتتىق ەكولوگيالىق اكسياسى اياسىندا «جاسىل ەل» جاستار ەڭبەك جاساقتارىنىڭ كەزەكتى ەڭبەك ماۋسىمىنىڭ اشىلۋ سالتاناتى ءوتتى.
شاراعا ەڭبەكشى جاستارمەن قاتار، ۆولونتەرلەر، قالا تۇرعىندارى قاتىستى. «جاسىل ەل» قوزعالىسى جاستاردى ەڭبەككە باۋلىپ قانا قويماي، ورتاق يدەيالار توڭىرەگىندە توپتاستىرۋدا. جاستاردى ىرىكتەۋ كەزىندە حالىقتىڭ الەۋمەتتىك وسال توپتارىنان شىققان بالالارعا وزدەرىن كورسەتۋگە، دەمالىس كەزەڭىندە قوسىمشا تابىس تابۋىنا نازار اۋدارىلىپ كەلەدى.
«جاسىل ەل» جوباسى اياسىندا بيىل 1871 جاس ماۋسىمدىق جۇمىسپەن، ورنالاستىرۋ، قاجەتتى ەكيپيروۆكامەن، بەلگىلەنگەن مولشەردە ەڭبەكاقىمەن قامتاماسىز ەتىلەدى.
قوزعالىس مۇشەلەرىمەن وبلىس كولەمىندە ورنالاسقان مادەني-دەمالىس ورىندارىندا، اللەيا، سكۆەر، الاڭدار مەن پاركتەردەردە كوگالداندىرۋ، اۋماقتاردى قوقىستان تازالاۋ شارالارى اتقارىلادى.
بۇگىنگى شارادا 100-گە جۋىق ەڭبەكشى جاستار قىزىلوردا قالاسىنداعى «ب.شوكەنوۆ ساياباعىندا» تازالاۋ، سىرلاۋ، اكتەۋ جۇمىستارىن جۇرگىزىپ، رەسپۋبليكالىق «تازا قازاقستان» جالپىۇلتتىق ەكولوگيالىق اكسياسىنا ءوز ۇلەستەرىن قوستى.
ايتا كەتۋ كەرەك، مەملەكەت باسشىسىنىڭ باستاماسىمەن جۇزەگە اسىرىلعان ەكولوگيالىق اكسياعا بارلىعى 191 مىڭنان اسا ەرىكتىلەر، قوعام قايراتكەرلەرى، بيۋدجەت سالاسى مەن كاسىپورىن قىزمەتكەرلەرى قاتىستى.
ناتيجەسىمەن، 8 مىڭ توننادان (8426) استام قوقىس قالدىقتارى شىعارىلىپ، ەلدى مەكەندەردەگى 505 سكۆەرلەر مەن پاركتەر، 225 تاريحي مادەني ەسكەرتكىشتەر، 791 الەۋمەتتىك نىساندار، 1130 ونەركاسىپ جانە بيزنەس نىساندارى، 289 سۋ وبەكتىلەرى، 24 445 اۋلالار مەن كوشەلەردىڭ بويى تازارتىلىپ، 900-گە جۋىق تەحنيكا جۇمىلدىرىلىپ، 129 مىڭنان اسا (129 358) ءوڭىردىڭ كليماتىنا سايكەس جەرسىنەتىن قاراعاش، تەرەك جانە سىرتالىنىڭ كوشەتتەرى ەگىلدى.

RELATED NEWS
ۆانداليزممەن كۇرەس جان-جاقتى جۇرگىزىلۋدە
12 ماۋسىم 2024
ۆانداليزممەن كۇرەس جان-جاقتى جۇرگىزىلۋدە

«تازا قازاقستان» road-ەستافەتاسىنىڭ ءىى-شى كۇنىندە ۆانداليزممەن كۇرەس جالعاسىن تاپتى، دەپ حابارلايدى Ulys.

«AMANAT» پارتياسى جانىنداعى «جاستار رۋحى» جاستار قاناتىنىڭ باستاماسىمەن «تازا قازاقستان» جالپىۇلتتىق ناۋقانى اياسىنداعى road-ەستافەتا جالعاسۋدا.

بۇگىن road-ەستافەتانىڭ ەكىنشى كۇنىندە استانادان شىققان الدىڭعى توپ پەن قاراعاندى بەلسەندىلەرى «سپاسسك» مەموريالدىق كەشەنىنىڭ اۋماعىن قوقىستان جانە ۆانداليزم ىزدەرىنەن تازارتتى. ولار اقسۋ-ايۋلى مەن شەت اۋدانىنىڭ اۋماعىن ءجۇرىپ ءوتىپ، بالقاشقا قاراي بەت الدى. 

«جاستار رۋحى» جاستار قاناتىنىڭ ءتوراعاسى اقەركە يسكاندەروۆا road-ەستافەتا اياسىندا جان-جاقتى جۇمىس جۇرگىزىلەتىنىن ايتتى. 

«بۇگىن road-ەستافەتانىڭ ەكىنشى كۇنىندە قوقىسپەن بىرگە ۆانداليزممەن كۇرەسۋدەمىز. قاراعاندى-بالقاش باعىتىندا كەزدەسكەن ەسكەرتكىشتەردى دە رەتكە كەلتىرۋدەمىز. وزدەرىڭىز بىلەسىزدەر، ۆاندالدىق ارەكەتتەردىڭ جيىلەپ كەتۋىنە بايلانىستى قىلمىستىق كودەكسكە ارنايى باپ ەنگىزىلىپ، قۇقىق بۇزۋشىلىقتاردى جازالاۋ شارالارى كۇشەيتىلدى. بۇل ۆاندالدارمەن كۇرەستە قولدانىلاتىن جاقسى تاسىلگە اينالدى. بىلتىر قازان ايىندا باستاۋ العان ۆانداليزممەن كۇرەس رەسپۋبليكالىق اكسياسى road-ەستافەتادا دا كورىنىس تابۋدا. اۋا-رايىنىڭ قولايسىزدىعىنا قاراماستان بەلسەندىلەردىڭ كوڭىل-كۇيى جاقسى. كەشە استانا-قاراعاندى تاس جولىندا 1 كۇننىڭ وزىندە 13 توننا قوقىس جينادىق. اۆتوكولىكپەن جول بويىندا كەتىپ بارا جاتقاندا قوقىستار كوزگە كورىنبەيدى. ال شىن مانىندە قورشاعان ورتامىزدا قوقىس وتە كوپ. سوندىقتان جاستار اتىنان بارلىعىڭىزدى تازالىققا، سانالى ەكولوگيالىق ورتا قۇرۋعا شاقىرامىن»، - دەدى ول ءوز سوزىندە.

جاستارعا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى جارقىنبەك امانتاي ۇلى قوسىلىپ، ۆانداليزمگە ۇشىراعان ەسكەرتكىشتەردى ولارمەن بىرگە رەتكە كەلتىردى.   

«اكسيانىڭ پايداسى زور. مىسالى كۇنى كەشە 3 قاپ قوقىس جينادىم. بۇگىن جاستاردىڭ قاتارىنا قوسىلدىم. ۆاندالداردان كەيىنگى قالعان ءىزدى جويىپ، تاس جولى اۋماعى مەن وعان قاراستى ايماقتاردى قوقىستاردان تازارتۋدامىز. سونداي-اق اقسۋ-ايۋلى حالقىمەن دە كەزدەسىپ ۇلگەردىك»، - دەدى جارقىنبەك امانتاي ۇلى. 

دەپۋتات اقسۋ-ايۋلىدا ازاماتتاردى قابىلداپ، حالىقتىڭ وزەكتى ماسەلەلەرىنە قۇلاق استى.

سونداي-اق بەلسەندىلەر قاراعاندى-بالقاش تاس جولى مەن ونىڭ اۋماعىن قوقىستان تازارتىپ، سۇرىپتاۋدا. جينالعان قوقىس قاپتارعا سۇرىپتالىپ، «قازاۆتوجول» ماشينالارىنا تيەلىپ، قوقىس پوليگوندارىنا شىعارىلادى.  قاتتى قالدىقتار «قازاقستاننىڭ قايتالاما شيكىزات وڭدەۋشىلەر قاۋىمداستىعى» باسقارماسىنىڭ قولداۋىمەن قايتا وڭدەۋگە جىبەرىلەتىن بولادى. 

«وتە جاقسى باستامانىڭ كۋاگەرى بولىپ وتىرمىز. ەكولوگيامىز ءۇشىن قوقىستى سۇرىپتاۋ وتە ماڭىزدى. وزدەرىڭىز بىلەتىندەي، دامىعان ەلدەر تۇرمىستىق قالدىقتاردى قايتادان وڭدەپ، بارىنشا كادەگە جاراتۋدا. بۇل ءۇردىس بىزگە دە اسا قاجەت. سۇرىپتاۋ – قوقىس كولەمىن ازايتۋعا، تابيعي رەسۋرستاردى ۇنەمدەۋگە جانە ەلدەگى ەكولوگيالىق جاعدايدى جاقسارتۋعا مۇمكىندىك بەرەدى. سوندىقتان جاستار قاناتىنىڭ بۇل باستاماسىنا ءبىز قۋانا قولداۋ بىلدىرۋدەمىز»، - دەيدى قاۋىمداستىق ءتوراعاسى باتىربەك اۋباكىروۆ.

ەسكە سالا كەتەيىك، بىلتىر 20 قازاندا «جاستار رۋحى» جاستار قاناتى قازاقستاننىڭ تاريحي، مادەني جانە تابيعي مۇراسىن ۆانداليزمنەن ساقتاۋعا باعىتتالعان رەسپۋبليكالىق اۋقىمدى اكسيانى باستادى. 2500-دەن استام «جاستار رۋحى» بەلسەندىسى مەن ۆولونتەرى 500-دەن اسا تاريحي، مادەني ەسكەرتكىشتەردى تازارتتى. اكسيا بارىسىندا «تاڭبالى تاس» پەتروگليفتەرىن، «اقباۋىر» شاتقالىن، ش. قۇدايبەردى ۇلىنىڭ، س. سەيفۋلليننىڭ، بوگەنباي باتىر، كەنەسارى حان ەسكەرتكىشتەرىن، «تەكتۇرماس» كەسەنەسىن، «ىبىقتى ساي» شاتقالىن، قوجا احمەت ياسساۋي كەسەنەسى ماڭىنداعى  قورعانىن، «شاقپاق اتا»، «سۇلتان ءۇپى»، «قارامان اتا» جەراستى مەشىتتەرىن قوقىستار مەن جازۋلاردان تازارتتى. اكسيا كۇنى بۇگىنگە دەيىن رەسپۋبليكانىڭ بارلىق ايماقتارىندا جالعاسۋدا.

 

 

جامبىلدىق كەلىندەر «ەڭ تازا اۋلا» كونكۋرسىنا قاتىستى
10 ماۋسىم 2024
جامبىلدىق كەلىندەر «ەڭ تازا اۋلا» كونكۋرسىنا قاتىستى

جامبىل اۋدانى ەرنازار اۋىلىنىڭ كەلىندەرى اراسىندا «ەڭ تازا اۋلا» كونكۋرسى ۇيىمداستىرىلادى، دەپ حابارلايدى  Ulys.

بۇگىندە دارىندى مەكتەپ وقۋشىلارى دا «تازا قازاقستان» اكسياسىنا ءوز ۇلەستەرىن قوسۋدا. بۇل كۇنى تاراز قالاسى ءبىلىم ءبولىمىنىڭ تەحنيكالىق شىعارماشىلىق ورتالىعىنىڭ 600-دەن استام تاربيەلەنۋشىسى قوقىس قالدىقتارىنان جاساعان قولونەر بۇيىمدارىن كوپشىلىك نازارىنا ۇسىنادى.

ماسەلەن، ورتالىق شاكىرتتەرى ۇستازدارىمەن بىرگە جينالعان قوقىس قالدىقتارىنان 200-دەن اسا ءتۇرلى كارتينا، قۋىرشاقتار مەن ىدىستار ازىرلەگەن. وقۋشىلار مۇنداي جۇمىستاردى الداعى ۋاقىتتا دا جالعاستىرۋدى كوزدەپ وتىر.

سونىمەن قاتار ءبىلىم بەرۋ ۇيىمدارىنىڭ جاس عالىمدارى ەكولوگيانى جاقسارتىپ، ادامداردىڭ تۇرمىس-تىرشىلىگىن ارتتىرۋعا باعىتتالعان جوبالار ازىرلەگەن. اتاپ ايتقاندا، تاراز قالاسى №7 مەكتەپ-گيمنازياسىنىڭ وقۋشىسى د.تاراسەنكونىڭ «جاياۋ جۇرگىنشىلەر وتكەلدەرىنىڭ قاۋىپسىزدىگىن ارتتىرۋ»، مەركى اۋدانى م.اۋەزوۆ اتىنداعى مەكتەپ-ليسەيىنىڭ وقۋشىسى ج.جەڭىسحاننىڭ «تازا قالا سىزدەن باستالادى»، جۋالى اۋدانى ءا.بوكەيحان اتىنداعى №15 مەكتەپ-ليسەيىنىڭ وقۋشىسى ا.وڭداسىننىڭ «اقىلدى ەسو-جىلىجاي»، مەركى اۋدانى №44 مەكتەبىنىڭ وقۋشىلارى ا.ەركىن قىزى مەن ءو.ەڭسەبەكتىڭ «ەكىنشى ءومىر سىيلا!» اتتى قوقىس وڭدەيتىن زاۋىت جوبالارى «كونە تاراز» ەتنو-مادەني كەشەنىندەگى «كورمە» زالىندا تانىستىرىلادى.

جامبىل اۋدانى ەرنازار اۋىلىنىڭ كەلىندەرى اراسىندا «ەڭ تازا اۋلا» كونكۋرسى ۇيىمداستىرىلادى. بايقاۋعا 35 جاسقا دەيىنگى 9 كەلىن قاتىسادى. كونكۋرستىڭ ماقساتى – تازالىقتى ساقتاۋ، تۇرعىندار اراسىندا ەكولوگيالىق مادەنيەتتى قالىپتاستىرۋ، حالىقتىڭ بىرلىگىن، تاتۋلىعىن ارتتىرىپ، ۇرپاقتار ساباقتاستىعىن جاراسىمدى جالعاستىرۋ.

ارنايى قۇرىلعان كوميسسيا كونكۋرسقا قاتىسۋشىلاردىڭ جۇمىستارىنا باعا بەرىپ، جەڭىمپازداردى سىيلىقتارمەن ماراپاتتايدى.

سونداي-اق وبلىستىڭ بارلىق اۋدانىندا «ەڭ تازا كوشە»، «ەڭ تازا اۋلا»، «ەڭ بەلسەندى ۆولونتەر» كونكۋرستارى وتكىزىلەدى. اتاپ ايتقاندا، بايزاقتا «ەڭ ۇزدىك ۆولونتەر»، سارىسۋ، قورداي اۋدانىندا «ەڭ ۇزدىك اۋلا»، ت.رىسقۇلوۆتا «ەڭ بەلسەندى تۇرعىن»، تالاستا «ەڭ ۇزدىك كوشە»، شۋدا «ەڭ ۇزدىك اۋلا سىپىرۋشى» كونكۋرسى ۇيىمداستىرىلادى.

سونىمەن قاتار ۆولونتەرلەردىڭ، بەلسەندى ازاماتتاردىڭ، تۇرعىنداردىڭ قاتىسۋىمەن تاراز قالاسى مەن اۋدانداردا سەنبىلىكتەر، تازالىق جۇمىستارى وتكىزىلەدى. اتاپ ايتقاندا، تاراز قالاسىنداعى «مامىر» ساياباعىندا 200-دەن استام قالا تۇرعىنىنىڭ قاتىسۋىمەن سانيتارلىق-تازالىق جۇمىستارى، تالاس وزەنىنىڭ بويىندا، ايشا ءبيبى كوشەسىندە تازالىق جۇمىستارى، ب.مومىش ۇلى كوشەسىندەگى ايالدامالاردى بوياۋ، جۋۋ جۇمىستارى، «ۇلى دالا» شاعىن اۋدانىندا «ءبىزدىڭ اۋلا» اتتى تازالىق جۇمىسى، «قاراسۋ» شاعىن اۋدانىنداعى «اۋليە بۇلاق» كانالىن تازالاۋ جۇمىستارى جۇرگىزىلەدى.

وسىنداي اكسيالار بارلىق اۋداندا ۇيىمداستىرىلادى. اتاپ ايتقاندا، بايزاق اۋدانىنىڭ ورتالىق ساياباعىندا، جامبىل اۋدانى ايشا ءبيبى كەسەنەسىنىڭ ماڭىندا، قورداي اۋدانىنىڭ ورتالىعىندا، مەركى اۋدانىندا «سىپاتاي باتىر»، سارىسۋ اۋدانىندا «شوقاي داتقا» كەسەنەلەرىنىڭ ماڭىندا، شۋ قالاسى تەمىرجولشىلار ساياباعىندا وتەدى.

2024 جىلى وڭىردەگى ءجول جوندەۋ جۇمىستارىنا 23،1 ملرد تەڭگە ءبولىندى. 469،6 شاقىرىم جول جوندەۋ جۇمىستارى اتقارىلادى. ونىڭ ىشىندە، 155،3 شاقىرىم جەرگىلىكتى ماڭىزى بار اۆتوجول، 286،2 شاقىرىم ەلدى مەكەن كوشەلەرى مەن 28،1 شاقىرىم جاياۋ جۇرگىنشىلەر جولى. تاراز قالاسىندا 140 شاقىرىمنان اسا جول ورتاشا جوندەۋدەن وتەدى. ونىڭ ىشىندە 67،8 شاقىرىمدى قۇرايتىن 117 كوشە، 20،2 شاقىرىم جاياۋ جۇرگىنشىلەر جولى، 73،8 شاقىرىم بولاتىن شاعال جولدى جوندەۋ جوسپارلانعان.

ەسكە سالا كەتەيىك، «تازا قازاقستان» اكسياسى باستالعاننان بەرى وڭىردە 1 770 سەنبىلىك ءوتىپ، وعان 220 مىڭ ادام قاتىستى.

ناتيجەسىندە 60 تاريحي-مادەني ەسكەرتكىش، 143 ساياباق پەن سكۆەر، 816،6 شاقىرىم كانالدار مەن ارىقتار، 3،1 مىڭ شاقىرىم كوشە مەن 109،1 مىڭ اۋلا تازارتىلدى. 11،4 مىڭ توننا قوقىس شىعارىلدى. 60 مىڭعا جۋىق كوشەت وتىرعىزىلىپ، 49 سۋبۇرقاق ىسكە قوسىلدى.

2024 جىلعا اباتتاندىرۋ، كوگالداندىرۋ جانە سانيتارلىق تازالاۋ جۇمىستارىنا جالپى 10،3 ملرد تەڭگە قاراستىرىلعان.

اكسيا جىل سوڭىنا دەيىن جالعاسىپ، تۇرعىن ۇيلەر، جولدار، دەمالىس ساياباقتارى اباتتاندىرىلىپ، جوندەلەتىن بولادى.

سۋ تاسقىنىنان زارداپ شەككەن كاسىپوداق مۇشەلەرى ماراپاتتالدى
30 مامىر 2024
سۋ تاسقىنىنان زارداپ شەككەن كاسىپوداق مۇشەلەرى ماراپاتتالدى

كاسىپوداقتار فەدەراسياسىنىڭ ءتوراعاسى بقو-دا سۋ تاسقىنىنان زارداپ شەككەن كاسىپوداق مۇشەلەرىنە سەرتيفيكاتتار تابىستادى

 

 

 

قازاقستان رەسپۋبليكاسى كاسىپوداقتار فەدەراسياسىنىڭ ءتوراعاسى ساتىبالدى داۋلەتاليننىڭ سۋ باسقان ايماقتارعا جۇمىس ساپارى باتىس قازاقستان وبلىسىندا جالعاستى.

 

29 مامىردا ورالدا قركف ءتوراعاسى كاسىپوداق مۇشەلەرىمەن – سۋ تاسقىنى كەزەڭىندە اپاتتىڭ ءقاۋىپتى دەڭگەيگە جەتكەن اۋدانداردىڭ تۇرعىندارىمەن كەزدەستى.

 

ساتىبالدى داۋلەتالين جيىنعا قاتىسۋشىلار الدىندا ءسوز سويلەپ، تابيعي اپات اكەلگەن شىعىن مەن زالالدىڭ اۋقىمى زور ەكەنىن ايتتى. كاسىپوداقتار فەدەراسياسىنىڭ ءتوراعاسى بۇكىل ەل ءۇشىن كۇردەلى كەزەڭدە مەملەكەت پەن قوعام كورسەتكەن الەۋمەتتىك جاۋاپكەرشىلىكتىڭ ماڭىزدىلىعىن اتاپ ءوتتى. ساتىبالدى داۋلەتالين الەۋمەتتىك سەرىكتەستەر تاراپىنان قابىلدانىپ جاتقان شارالارعا توقتالا كەلە، قازىرگى تاڭدا پرەزيدەنتتىڭ تاپسىرماسى بويىنشا ۇكىمەت سۋ تاسقىنىنىڭ سالدارىن جويۋ جانە زارداپ شەككەن قازاقستاندىقتارعا كومەك كورسەتۋ بويىنشا اۋقىمدى جۇمىستار اتقارىپ جاتقانىن ەسكە سالدى.

 

بۇگىندە باتىس قازاقستان وبلىسىندا سۋ تاسقىنى جاعدايى تۇراقتالىپ، 8،5 مىڭنان استام ادام ۇيلەرىنە ورالدى. وبلىستا سۋ تاسقىنىنىڭ زارداپتارىن جويۋ جۇمىستارى جالعاسۋدا. 8 882 ادام جالپى سوماسى 3،3 ملرد. تەڭگەگە 100 اەك مولشەرىندە ءبىرجولعى الەۋمەتتىك كومەك الدى. قازاقستان بويىنشا بارلىعى 100 اەك مولشەرىندە ءبىرجولعى تولەمدەردى 11 ملرد تەڭگەدەن استام سوماعا 30 770 وتباسى الدى. بۇگىنگى تاڭدا 432 وتباسىعا قيراعان تۇرعىن ءۇيدىڭ ورنىنا جاڭا ۇيلەر مەن پاتەرلەر بەرىلدى، 1862 جاڭا ءۇيدىڭ قۇرىلىسى جۇرگىزىلۋدە، ونىڭ 394ء-ى باتىس قازاقستان وبلىسىندا سالىنۋدا.

 

ەلىمىزدىڭ بارلىق سالالارى مەن وڭىرلەرىنەن كاسىپوداقتار فەدەراسياسى مەن ونىڭ فيليالدارى توتەنشە جاعداي كەزىندە مەملەكەتپەن ءبىرتۇتاس مايدان بولىپ، زارداپ شەككەندەرگە كومەك كورسەتۋگە بىردەن كىرىستى.

 

"سۋ تاسقىنى زالالىن جويۋ – بارلىق كۇشتەر مەن رەسۋرستاردى بىرىكتىرۋدى تالاپ ەتەتىن ورتاق مىندەت. ەلىمىزدە تابيعي اپات بولعان العاشقى كۇننەن باستاپ كاسىپوداقتار مەملەكەتتىك ورگاندارمەن تىعىز بايلانىستا جۇمىس ىستەپ، اپاتتىڭ سالدارىمەن كۇرەسۋ جۇمىستارىن اتقاردى. كاسىپوداقتار قاراجات جيناۋدى، گۋمانيتارلىق كومەكتى ۇيىمداستىرىپ، ۋاقىتشا باسپانامەن قامتاماسىز ەتۋگە كومەكتەستى»، - دەپ اتاپ ءوتتى قازاقستان رەسپۋبليكاسى كاسىپوداقتار فەدەراسياسىنىڭ ءتوراعاسى.

 

كاسىپوداقتار زارداپ شەككەندەرگە كومەك رەتىندە 225 ميلليون تەڭگە ماتەريالدىق كومەك پەن 14 ميلليون تەڭگەگە جۋىق تاۋارلىق كومەك كورسەتتى.

 

سونىمەن قاتار، قازاقستان رەسپۋبليكاسى كاسىپوداقتار فەدەراسياسى كاسىپوداق شيپاجايلارىنان مۇقتاج جاندارعا 269 ورىن ءبولۋ تۋرالى شەشىم قابىلدادى. قركف شيپاجايلارىنا 179 ادام ورنالاستىرىلدى، ولارعا ەم قابىلداۋعا، پسيحولوگيالىق جانە قاجەتتى قۇقىقتىق كومەك الۋعا مۇمكىندىك بەرىلدى.

 

ءوز كەزەگىندە بقو كاسىپوداق ورتالىعىنىڭ ءتوراعاسى ايگۇل ەسەكەنوۆا حابارلاعانداي، تج كەزىندە باتىس قازاقستان وبلىسىنىڭ "اقجايىق" شيپاجايىندا سۋ تاسقىنىنا قارسى جۇمىستاردى جۇرگىزۋگە كەلگەن 100 اسكەري قىزمەتشى ورنالاستىرىلدى.

 

ونىڭ ايتۋىنشا، ايماقتىق كاسىپوداق جەتەكشىلەرى مەن كاسىپوداق بەلسەندىلەرى وبلىستىق قوعامدىق شتاب پەن ەرىكتىلەر قوزعالىسىنىڭ جۇمىسىنا بەلسەنە اتسالىستى. كاسىپوداق ۇيىمدارىنان بقو حالقىن قولداۋعا شامامەن 14 ملن. تەڭگە گۋمانيتارلىق جانە 5 ملن. تەڭگەدەن استام ماتەريالدىق كومەك ءتۇستى.

 

كەزدەسۋدە قرفب باسشىسى كاسىپوداقتىڭ 45 مۇشەسىنە تۇرمىستىق تەحنيكانى ساتىپ الۋعا 100 مىڭ تەڭگە نومينالدى سەرتيفيكاتتار تابىستادى. ولاردىڭ قاتارىندا ءبىلىم بەرۋ، دەنساۋلىق ساقتاۋ، مادەنيەت، تكش، سونداي-اق ەنەرگەتيكا جانە ماشينا جاساۋ سالالارىنىڭ قىزمەتكەرلەرى بار.

 

سۋ تاسقىنى سالدارىن جويۋ بارىسىندا قۇتقارۋشىلار مەن ەرىكتىلەردىڭ جانقيارلىق ۇلەسى كاسىپوداقتار فەدەراسياسىنىڭ «ەڭبەك وزاتى» مەدالىمەن ەرەكشە اتالىپ ءوتىلدى. بقو تجد اۆاريالىق-قۇتقارۋ جاساعىنىڭ باسشىسى اسقار قىلىشيەۆ، وبلىستىق كوپسالالى اۋرۋحانانىڭ جانساقتاۋ جانە انەستەزيولوگيا بولىمشەسىنىڭ مەدبيكەسى ريتا ۋاليتدەنوۆا، تەرەكتى اۋدانى اڭقاتى ورتا مەكتەبىنىڭ ەكونوميكالىق ءبولىمىنىڭ مەڭگەرۋشىسى سابىرجان ارالبايەۆ، بايتەرەك اۋدانىنىڭ جەكە كاسىپكەرى ولەگ تيۋرين، بايتەرەك اۋدانى يانۆارسيەۆو اۋىلدىق وكرۋگى اكىمى اپپاراتىنىڭ جۇرگىزۋشىسى، ەرىكتى سامات جانتۋلين، تەرەكتى اۋدانى «سەنىم» وتباسى ورتالىعىنىڭ»  ءتوراعاسى انار قايرەكەنوۆا، ورال سپورت كەشەنىنىڭ ادىسكەرى جانبوز بايداۋلەت، ورال قالاسىنداعى كىتاپحانا مەڭگەرۋشىسى گاندي شامكەلوۆا، تەرەكتى اۋداندىق بالالار مەن جاسوسپىرىمدەر سپورت مەكتەبىنىڭ سپورتشىسى قانات ەرمۇحانوۆ، سونىمەن قاتار م.وتەمىسوۆ اتىنداعى باتىس قازاقستان ۋنيۆەرسيتەتىنىڭ №3 جاتاقحانا كومەندانتى ءالفيا عۇماروۆا قركف ماراپاتىنا يە بولدى.

 

جيىنعا قاتىسۋشىلار كاسىپوداقتار فەدەراسياسىنىڭ ءتوراعاسى ساتىبالدى داۋلەتالينگە قيىن كەزەڭدە قولداۋ كورسەتىپ، قىزمەتتەرىن لايىقتى باعالاعانى ءۇشىن العىستارىن ءبىلدىردى.

 

باتىس قازاقستان وبلىسى قوعامدىق شتابىنىڭ باسشىسى ەربول سالىقوۆ قركف ءتوراعاسى مەن بۇكىل كاسىپوداق قوعامداستىعىنا العىسىن ءبىلدىرىپ، جان-جاقتى قولداۋ كورسەتە وتىرىپ، كاسىپوداقتار وزدەرىنىڭ كۇش-قۋاتى مەن بىرلىگىن كورسەتىپ، قيىن كەزەڭدەردە بىرلەسە ارەكەت ەتۋ ماڭىزدى ەكەنىن راستادى.

 

«توتەنشە جاعداي باستالعالى ءبىزدىڭ وتانداستارىمىز، كاسىپوداقتار، كاسىپكەرلەر جانە باسقا دا قۇرىلىمدار كومەك قولىن سوزدى. وسى ۋاقىت ىشىندە وڭىرگە 2000 توننادان استام گۋمانيتارلىق كومەك جەتكىزىلدى»، - دەدى ول.

جيىن سوڭىندا قازاقستان رەسپۋبليكاسى كاسىپوداقتار فەدەراسياسىنىڭ ءتوراعاسى ساتىبالدى داۋلەتالين سۋ باسقان ەلدى مەكەندەردەگى ءومىردىڭ تەز ارادا قالپىنا كەلتىرىلىپ، ادامداردىڭ بۇرىنعى ومىرىنە ورالاتىنىنا سەنىمدى ەكەنىن جەتكىزدى. ول ءوز تاراپىنان كاسىپوداقتار فەدەراسياسى الداعى ۋاقىتتا دا قاراپايىم ەڭبەكشىلەردىڭ ءومىر ءسۇرۋ ساپاسىن جاقسارتۋعا باعىتتالعان جۇمىستاردى جالعاستىرا بەرەتىنىن مالىمدەدى.

«بۇگىنگى ماقساتىمىز – جۇمىسشىلارعا لايىقتى ەڭبەك جاعدايىن جاساۋ. قركف باس كەڭەسى 2024 جىلدى «لايىقتى ەڭبەك جىلى» دەپ جاريالادى. بۇگىنگى تاڭدا لايىقتى ەڭبەك جاعدايلارى – بۇل لايىقتى جالاقى، ءقاۋىپسىز ەڭبەك جانە تۇراقتى جۇمىسپەن قامتۋ. كاسىپوداقتار فەدەراسياسى لايىقتى جاعدايلار مەن ەڭبەكاقىنى قامتاماسىز ەتۋگە باعىتتالعان ءبىرقاتار شارالارعا باستاماشى بولدى، ەڭ تومەنگى جالاقىنى رەتتەۋدىڭ جانە حالىقتىڭ تابىسىن ارتتىرۋدىڭ جاڭا تەتىكتەرىن ۇسىندى. ەلىمىزدە كاسىپوداقتار فەدەراسياسىنىڭ باستاماسىمەن ەڭ تومەنگى جالاقى دەڭگەيى كوتەرىلىپ، ەڭ تومەنگى جالاقىنى ەسەپتەۋ ادىستەمەسى جانە 2030 جىلعا دەيىنگى ءقاۋىپسىز ەڭبەك تۇجىرىمداماسى قابىلداندى. مەملەكەتتىڭ بۇل قادامدارى ەڭبەكشىلەردىڭ ءال-اۋقاتىن ارتتىرۋعا باعىتتالعان كاسىپوداق باستامالارىنا قولداۋ كورسەتۋدىڭ ءبىر كورىنىسى بولدى»، - دەدى ساتىبالدى داۋلەتالين.

 

 

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.