قىتايدىڭ وڭتۇستىك-باتىسىندا ورنالاسقان شيگاسزە قالاسىندا ماگنيتۋداسى 6،8 بالدىق جەر سىلكىنىسى بولدى، دەپ حابارلايدى سينحۋا.
جەر سىلكىنىسىنىڭ سالدارىن جويۋ جونىندەگى جەرگىلىكتى شتابتىڭ حابارلاۋىنشا، 53 ادام قازا تاۋىپ، تاعى 62 ادام ءارتۇرلى دارەجەدە جاراقات العان.
قىتايدىڭ سەيسمولوگيالىق جەلى ورتالىعىنىڭ مالىمەتىنشە، جەر سىلكىنىسىنىڭ وشاعى سولتۇستىك ەندىكتىڭ 28،50 گرادۋسى مەن شىعىس بويلىقتىڭ 87،45 گرادۋسىنىڭ كوورديناتاسىندا ورنالاسقان. گيپوسەنتر 10 كم تەرەڭدىكتە جاتقان.
پرەزيدەنت قاسىم-جومارت توقايەۆ قازاقستانعا مەملەكەتتىك ساپارمەن كەلگەن قحر ءتوراعاسى سي ءسزينپيندى ەلوردا اۋەجايىندا قارسى الدى، دەپ حابارلايدى اقوردا.
مارتەبەلى قوناقتى سالتاناتپەن قارسى الۋ ءۇشىن اۋەجايدا قۇرمەت قاراۋىلى روتاسى ساپ تۇزەپ تۇردى. سونداي-اق قازاقستان مەن جۇڭگو حالىقتارىنىڭ شىنايى دوستىعىنىڭ بەلگىسى رەتىندە بالالار ەكى ەلدىڭ جالاۋىن جەلبىرەتىپ، قوشەمەت كورسەتتى.
بالالار ءتوراعا سي سزينپين باستاعان قحر دەلەگاسياسىنا ءىلتيپات ءبىلدىرىپ، جۇڭگو تىلىندە ءان شىرقادى. ساپار اياسىندا جوعارى دەڭگەيدە ەكىجاقتى كەلىسسوزدەر جۇرگىزىلەدى جانە ءبىرقاتار ماڭىزدى قۇجاتقا قول قويىلادى دەپ جوسپارلانىپ وتىر.
بۇعان دەيىن حابارلانعانىنداي، 2-4 شىلدە كۇندەرى پرەزيدەنت قاسىم-جومارت توقايەۆتىڭ شاقىرۋىمەن جۇڭگو حالىق رەسپۋبليكاسىنىڭ ءتوراعاسى سي سزينپين قازاقستانعا مەملەكەتتىك ساپارمەن كەلەدى. ول سونداي-اق، شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24ء-شى وتىرىسىنا قاتىسادى.
بىر-بىرىنە باستى ساۋدا-ەكونوميكالىق سەرىكتەسكە اينالعان قوس مەملەكەتتىڭ باسشىلارىنىڭ كەزدەسۋىندە قانداي ءمان بار؟ Kazinform ءتىلشىسى تالداپ كوردى.
قازاقستان اۋماعىندا 13 733 شەتەل ازاماتى ەڭبەك ەتەدى. بۇل تۋرالى ەڭبەك مينيسترلىگى حابارلادى.
شەتەل جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 564 رۇقسات (ءبىرىنشى سانات)، قۇرىلىمدىق بولىمشە باسشىلارى ءۇشىن 2 599 رۇقسات (ەكىنشى سانات).
تارتىلعان شەتەلدىك جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى — تيىسىنشە ولار 5 592 جانە 549 ادام.
سونداي-اق ماۋسىمدىق جۇمىستارعا 1 639 ادام، ال كورپوراتيۆتىك اۋىستىرۋ اياسىندا 2 790 ادام تارتىلدى.
قازىرگى ۋاقىتتا قازاقستاندا شجك پايدالاناتىن 1 762 جۇمىس بەرۋشى بار.
وندا 455،5 مىڭنان استام قازاقستان ازاماتى جۇمىس ىستەيدى، بۇل — قىزمەتكەرلەردىڭ جالپى سانىنىڭ 99 پايىزى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا — 4 222 ادام (30،7%)، اۋىل، ورمان جانە بالىق شارۋاشىلىعى — 1 686 ادام (12،2%)، اكىمشىلىك جانە كومەكشى قىزمەتتەر — 1 652 (12%)، تاۋ — كەن ونەركاسىبى جانە كارەر قازۋ — 1 276 ادام (9،2%)، وڭدەۋ ونەركاسىبى — 1 300 ادام (9،4%)، كاسىبي، عىلىمي جانە تەحنيكالىق قىزمەت — 806 ادام (5،8%).
ەڭبەك ميگرانتتارى كەلەتىن نەگىزگى ەلدەر: جۇڭگو — 4 059 ادام (29،6%)، وزبەكستان — 1 815 ادام (13،2%)، ءۇندىستان — 1 192 ادام (8،6%)، تۇركيا — 1 068 ادام (7،7%).
ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى.
2024 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0،23% نەمەسە 22 مىڭ مولشەرىندە بەلگىلەندى.
قىتايدا شەتەلدىكتەردىڭ بالا اسىراپ الۋ تاجىريبەسىن توقتاتۋ تۋرالى شەشىم قابىلدادى، دەپ حابارلايدى ۆۆس.
جۇڭگو ءسىم وكىلى ماو نين بەيجىڭ بۇدان بىلاي شەتەلدىكتەرگە ەلدە بالا اسىراپ الۋعا رۇقسات بەرمەيتىنىن ايتتى، تەك قانداس تۋىستارى بالا نەمەسە وگەي بالانى اسىراپ الۋى مۇمكىن.
پەكين سونىمەن قاتار شەتەلدىك ۇكىمەتتەر مەن وتباسىلارعا جۇڭگو بالالارىن اسىراپ العىسى كەلگەنى ءۇشىن العىس ايتتى. سوڭعى 13 جىلدا شەتەلدىكتەر كەم دەگەندە 150 مىڭ جۇڭگو بالاسىن اسىراپ الدى. ولاردىڭ كوپشىلىگى امەريكا قۇراما شتاتتارىنا كەتكەن، امەريكالسق وتباسىلار قىتايدان 82 674 بالا اسىراپ الدى.
