ۆاليۋتا باعامى
  • USD -

    539.9
  • EUR -

    629.5
  • RUB -

    6.69
ق ر ۇكىمەتى ەكونوميكالىق پاتريوتيزم قاعيداتىن قاتاڭ ۇستانباق
فوتو: ق ر ۇكىمەتى 13 تامىز 2024
ق ر ۇكىمەتى ەكونوميكالىق پاتريوتيزم قاعيداتىن قاتاڭ ۇستانباق

پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا وتاندىق تاۋار وندىرۋشىلەردى قولداۋ ماسەلەسى قارالدى. ونەركاسىپ جانە قۇرىلىس ءمينيسترى قانات شارلاپايەۆ اعىمداعى جاعداي مەن ىسكە اسىرىلىپ جاتقان شارالار تۋرالى باياندادى. شاعىن جانە ورتا بيزنەس سۋبەكتىلەرىن مىسالعا الا وتىرىپ، ساتىپ الۋعا قاتىسۋدىڭ باسىم قۇقىعى ەسەبىنەن ءوندىرىس ءوسۋىنىڭ وڭ سەرپىنى كورسەتىلدى. بۇل تۋرالى ۇكىمەتتىڭ باسپا ءسوز قىزمەتى حابارلادى.

ۇكىمەت مەملەكەت باسشىسى قاسىم-جومارت توقايەۆتىڭ جەر قويناۋىن پايدالانۋشىلاردىڭ، كۆازيمەملەكەتتىك جانە مەملەكەتتىك سەكتوردىڭ ساتىپ الۋ سالاسىنداعى جەرگىلىكتى ونىمدەر مەن قىزمەتتەردىڭ ۇلەسىن 60%-عا جەتىزۋ تۋرالى تاپسىرماسى بويىنشا جۇيەلى كەشەندى جۇمىستار جۇرگىزىپ كەلەدى. بۇگىندە ءبىرقاتار سالا وڭ ناتيجە كورسەتىپ وتىر – يمپورتتىڭ تۇراقتى قىسقارۋى جانە ءوندىرىس كولەمىنىڭ ارتۋى. ماسەلەن، وڭدەۋ ونەركاسىبىندە اكەلىنەتىن ءونىم كورسەتكىشى 7%-عا تومەندەسە، ءوندىرىس كولەمى 4%-عا ارتتى. ماشينا جاساۋدا، مەتالل بۇيىمدارىن، قاعاز ونىمدەرىن وندىرۋدە سىرتقى جەتكىزىلىمدەرگە تاۋەلدىلىك تومەندەدى.

ءقازىر ەكونوميكاسى قارقىندى دامىعان كوپتەگەن مەملەكەت ىشكى نارىقتى قولداۋ جانە قورعاۋ ساياساتىن بەلسەندى جۇرگىزىپ كەلەدى. حالىقارالىق ۆاليۋتا قورى مۇنداي قورعاۋ شارالارىنىڭ جارتىسىنا جۋىعى جۇڭگو، ەۋروپالىق وداق جانە اقش ەكونوميكالارىنا تيەسىلى ەكەنىن اتاپ كورسەتتى. قازاقستان الەمدىك تاجىريبەنى ەسكەرىپ، يمپورتتىق تاۋارلاردىڭ ۇلەسىن تومەندەتە وتىرىپ، ءوز وندىرۋشىلەرىن قولداۋ شارالارىن كەڭىنەن قولدانۋدا، دەپ اتاپ كورسەتتى پرەمەر-مينيستر.

«ۇكىمەت ەكونوميكالىق پاتريوتيزم قاعيداتىن قاتاڭ ۇستاناتىن بولادى. ءبىز قاشاندا وتاندىق ءوندىرۋشىنى قولدايمىز. بۇل – ءاربىر اكىمنىڭ، ءاربىر سالالىق ءمينيستردىڭ مىندەتى. ول تەك ءسوز جۇزىندە عانا ەمەس، ناقتى ءىس جۇزىندە ورىندالۋعا ءتيىس»، — دەپ باسا ايتتى ولجاس بەكتەنوۆ.

ىشكى نارىقتى قولداۋ جونىندەگى شارالار زاڭنامالىق دەڭگەيدە بەكىتىلەدى. پرەزيدەنت ساتىپ الۋ راسىمدەرىن جۇرگىزۋ كەزىندەگى تالاپتاردى قاتاڭداتاتىن «مەملەكەتتىك ساتىپ الۋ تۋرالى» جاڭا زاڭعا قول قويدى. بۇل رەتتە بۇگىندە ساتىپ الۋ ساپاسىن باقىلاۋدى ودان ءارى كۇشەيتۋدى كوزدەيتىن تۇزەتۋلەر ماجىلىسكە ەنگىزىلدى. وزگەرىستەر جاڭا تەتىكتى – وتاندىق تاۋار وندىرۋشىلەردىڭ ءبىرىڭعاي ءتىزىلىمىن ەنگىزۋدى كوزدەيدى، وعان ءونىم شىعارىپ وتىرعان، وندىرىستىك قۋاتتارى جەتەرلىك، ءارى قاراي دامۋ ءۇشىن الەۋەتى مەن جوسپارلارى بار ناقتى كاسىپورىندار كىرەدى. بۇل پلاتفورمانى قۇرۋدىڭ نەگىزگى ماقساتى – ەلىمىزدىڭ نەگىزگى وندىرىستەرىن جۇيەلەۋ جانە وتاندىق بيزنەستى قورعاۋ. تىزىلىمگە ەنگەن كاسىپورىندار مەملەكەتتىك قولداۋ شارالارىن باسىم تارتىپپەن الاتىن بولادى. بۇل رەتتە ولارعا ءوندىرىستى جاڭعىرتۋ، باسەكەگە قابىلەتتىلىكتى ارتتىرۋ، جالاقىنى ءوسىرۋ بويىنشا قارسى مىندەتتەمەلەر قويىلادى. كومپانيالاردىڭ قىزمەتىن باقىلاۋ ونلاين رەجيمدە سيفرلىق سكرينينگ نەگىزىندە جۇزەگە اسىرىلاتىن بولادى، بۇل سىبايلاس جەمقورلىق تاۋەكەلدەرىن ازايتۋعا مۇمكىندىك بەرەدى. مونيتورينگ سالىق جانە كەدەن قىزمەتتەرى، ەڭبەك ينسپەكسيالارى جانە باسقا دا ۆەدومستۆولار تاراپىنان جۇرگىزىلەتىن بولادى.

ۇكىمەت باسشىسى يمپورتتى الماستىرۋ جۇمىستارىن، ونىڭ ىشىندە وفتەيك-كەلىسىمشارتتار ارقىلى جانداندىرا ءتۇسۋ قاجەتتىگىنە نازار اۋداردى. 

«سامرۇق قازىنا» سياقتى ءىرى سۋبەكتىلەر مەن جەر قويناۋىن پايدالانۋشى كومپانيالار تاراپىنان بيىل 635 ملرد تەڭگەگە 382 ۇزاقمەرزىمدى شارت پەن وفتەيك-كەلىسىمشارتقا قول قويىلدى، بۇل سوڭعى جىلدارداعى رەكوردتىق كورسەتكىش. سونىمەن قاتار جەڭىل ونەركاسىپ، ماشينا جاساۋ، حيميا جانە قاعاز ءوندىرىسى ماتەريالدارىنىڭ 4201 تاۋارىنا مەملەكەتتىك ساتىپ الۋدا باسىمدىق بەرىلۋدە. وتكەن 7 ايدا اتالعان سالالاردا وتاندىق تاۋار وندىرۋشىلەرمەن جاسالعان شارتتار سانى وتكەن جىلدىڭ سايكەس كەزەڭىمەن سالىستىرعاندا 1،4 ەسە ءوستى.

ماسەلەن، Karlskrona LC AB سورعى جابدىقتارىن جەرگىلىكتى ءوندىرۋ تاپسىرىستارىنىڭ ءوسىمى 2024 جىلى وتكەن جىلدىڭ سايكەس كەزەڭىمەن سالىستىرعاندا 30%، 2022 جىلمەن سالىستىرعاندا 70%-دى قۇرادى، دەپ حابارلادى باس ديرەكتور تالعات الپىسبايەۆ. «رادۋگا» زاۋىتىنىڭ جۇكتەمەسى ىسكە اسىرىلىپ جاتقان شارالاردىڭ ارقاسىندا 30%-دان 100%-عا دەيىن ءوستى، ال بيىلعى جەتى ايدا وندىرىلگەن ءونىم كولەمى 3 ەسەگە – 900 توننادان 2 700 تونناعا دەيىن ارتتى، دەپ حابارلادى كاسىپورىننىڭ باس ديرەكتورى دميتريي شاراپايەۆ.

مەملەكەتتىك ساتىپ الۋدى رەتتەۋ ماسەلەسىندە ۇكىمەت باسشىسى ءبىرقاتار مىندەتتەر قويدى. وزەكتى ماسەلەلەردىڭ ءبىرى – قازاقستاندىق تاۋارلار كاتالوگتارىنىڭ قايتالانۋى، بۇل ءونىمدى يمپورتتاۋعا جانە ودان ءارى ونى وتاندىق تاۋار رەتىندە ساتۋعا مۇمكىندىك بەرەدى. 

قارجى مينيسترلىگى حالىقارالىق ستاندارتتارعا سايكەس كەلەتىن مەملەكەتتىك ساتىپ الۋدىڭ ەلەكتروندى كاتالوگىن ازىرلەدى.

پرەمەر-مينيستر قارجى مينيسترلىگىنە ساۋدا جانە ينتەگراسيا مينيسترلىگىمەن جانە باسقا دا مۇددەلى مەملەكەتتىك ورگاندارمەن بىرگە ساراپتاپ، تاۋارلاردىڭ، جۇمىستار مەن قىزمەتتەردىڭ ارتىق كاتالوگتارىن جويۋدى تاپسىردى. 

سونداي-اق ونەركاسىپ مينيسترلىگىنە مەملەكەتتىك ورگاندارمەن جانە ۇيىمدارمەن بىرلەسىپ، وتاندىق شيكىزات پەن ماتەريالداردى پايدالانۋ بويىنشا ءىرى مەردىگەر كومپانيالاردىڭ مىندەتتەمەلەرىنە مونيتورينگ جۇرگىزۋدىڭ پارمەندى تەتىگىن ازىرلەسىن. قازاقستاندىق ونىمدەر بولا تۇرا، يمپورتتىق تاۋارلاردى ساتىپ الۋ جالعاسىپ كەلەدى، مۇنى دوعارۋ كەرەك، دەپ اتاپ ءوتتى ولجاس بەكتەنوۆ.

RELATED NEWS
ازىق-تۇلىك دۇكەندەرى قوسىلعان قۇن سالعىنان بوساتىلماق
09 ءساۋىر 2025
ازىق-تۇلىك دۇكەندەرى قوسىلعان قۇن سالعىنان بوساتىلماق

پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين قانداي قىزمەتتەر مەن تاۋارلار قوسىلعان قۇن سالىعىنان بوساتىلاتىنىن ءتۇسىندىردى، دەپ حابارلايدى Ulys.

ونىڭ ايتۋىنشا، الەۋمەتتىك ماڭىزى بار ازىق-تۇلىك، كىتاپ باسىپ شىعارۋ، ارحەولوگيا قوسىلعان قۇن سالىعىن تولەۋدەن بوساتىلادى.

«الەۋمەتتىك سالادا، دەنساۋلىق ساقتاۋ سالاسىندا ۇكىمەت قوسىلعان قۇن سالىعىنان بوساتىلعان دارى-دارمەكتىڭ الەۋمەتتىك ءتىزىمىن ايقىندايدى. قوسىلعان قۇن سالىعى تەك اقىلى مەديسينالىق قىزمەتتەرگە سالىنادى. قوسىلعان قۇن سالىعىنىڭ مولشەرلەمەسى 10% بولادى. الەۋمەتتىك سالاداعى كورپوراتيۆتىك تابىس سالىعى 2026 جىلدان باستاپ 5% جانە 2027 جىلدان باستاپ 10% بولادى. ال بانك وپەراسيالارىنا قوسىلعان قۇن سالىعى سالىنادى. ولاردىڭ قىمباتتاۋىنا جول بەرمەۋ ءۇشىن باسەكەلەستىكتى قورعاۋ اگەنتتىگى ۇكىمەتپەن بىرلەسىپ قازىرگى باعالاردىڭ دۇرىستىعىنا تالداۋ جۇرگىزەدى»، - دەدى جۇمانعارين ءماجىلىستىڭ جالپى وتىرىسىندا.

سونىمەن قاتار، ارناۋلى سالىق رەجيمى بويىنشا رۇقسات ەتىلگەن ءتىزىم ەمەس، تىيىم سالىنعان ءتىزىم ەنگىزىلەدى. تىيىم سالىنباعاننىڭ بارىنە رۇقسات ەتىلەدى.

جۇمانعارين اۋىل شارۋاشىلىعى تاۋارىن وندىرۋشىلەر ءۇشىن ءبارى وزگەرىسسىز قالاتىنىن اتاپ ءوتتى. ياعني، 70% جەڭىلدىك قالادى. ال وڭدەۋ ونەركاسىبىنە كورپوراتيۆتىك تابىس سالىعىنىڭ 20% مولشەرلەمەسى بويىنشا سالىق سالىنادى.

ققس كوتەرۋ: ۇكىمەت ماجىلىسكە 20 اقپانعا دەيىن ۇسىنىس ەنگىزەدى
06 اقپان 2025
ققس كوتەرۋ: ۇكىمەت ماجىلىسكە 20 اقپانعا دەيىن ۇسىنىس ەنگىزەدى

بۇگىن سەنات قابىرعاسىندا ۆيسە-پرەمەر، ۇلتتىق ەكونوميكا ءمينيسترى سەرىك جۇمانعارين قوسىمشا قۇن سالىعىن كوبەيتۋ تۋرالى ۇسىنىستى ماجىلىسكە 20 اقپانعا دەيىن ەنگىزەتىنىن ايتتى، دەپ حابارلايدى Ulys

جوبانى 20 اقپانعا دەيىن ماجىلىسكە ەنگىزۋىمىز كەرەك. ءقازىر ماجىلىستە سالىق كودەكسىنە تولىقتىرۋلار ەنگىزۋ تۋرالى زاڭ جوباسى جاتىر. سوعان قوسىمشا رەتىندە ءبىزدىڭ تۇزەتۋلەر ەنەدى، - دەپ ءمالىم ەتتى ول.

قازاقستاندا 2،3 مىڭنان استام عىلىمي جوبا قارجىلاندىرىلادى 
11 ناۋرىز 2025
قازاقستاندا 2،3 مىڭنان استام عىلىمي جوبا قارجىلاندىرىلادى 

ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك رەسپۋبليكانىڭ عىلىمي الەۋەتى تۋرالى باياندادى. بۇل تۋرالى ۇكىمەتتىڭ باسپا ءسوز قىزمەتى حابارلادى.

ول بۇگىنگى تاڭدا ەلىمىزدىڭ عىلىمي الەۋەتى – 25،5 مىڭ عالىمدى قۇرايتىنىن، ونىڭ 46%-ى 40 جاسقا دەيىنگى ماماندار ەكەنىن اتاپ ءوتتى. عىلىم سالاسىندا 425 ۇيىم جۇمىس ىستەيدى.

«ەندى گرانتتىق كونكۋرستار جىل سايىن وتكىزىلەدى، بۇرىن 3 جىلدا ءبىر وكىزىلەتىن. سونىمەن قاتار مەملەكەتتىك قولداۋ تەتىكتەرى كەڭەيتىلدى: پوستدوكتورانتتار مەن جاس عالىمدارعا گرانتتار، ازىرلەمەلەردى كوممەرسيالاندىرۋدى قارجىلاندىرۋ، ىرگەلى ينستيتۋتتاردى تىكەلەي قارجىلاندىرۋ، شەتەلدىك تاعىلىمدامالار جانە مەگا-گرانتتار ەنگىزىلدى. قازىرگى ۋاقىتتا 264 عىلىمي-تەحنيكالىق باعدارلاما، 2،3 مىڭنان اسا عىلىمي جوبا جانە 208 كوممەرسيالاندىرۋ جوباسى قارجىلاندىرىلۋدا. 1،4 مىڭنان استام عالىم شەتەلدە عىلىمي تاعىلىمدامادان ءوتتى»،

 — دەدى ساياسات نۇربەك.

مينيستر جاس عالىمدارعا ارنالعان گرانتتار كونكۋرستارىنىڭ ارقاسىندا 2 مىڭنان استام زەرتتەۋشى 835 جوبانى جۇزەگە اسىرۋعا مۇمكىندىك العانىن ايتتى. 

 

 

 

 

مينيستر دوباۆيل، چتو بلاگوداريا كونكۋرسام گرانتوۆ دليا مولودىح ۋچەنىح بولەە 2 تىس. يسسلەدوۆاتەلەي پولۋچيلي ۆوزموجنوست رەاليزوۆات 835 پروەكتوۆ.  

 

📱 @KZgovernment

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.