ۆاليۋتا باعامى
  • USD -

    539.7
  • EUR -

    630.5
  • RUB -

    6.71
قازاقستاننىڭ ەڭ ۇزىن لاعمانى: الماتىدا جاڭا رەكورد ورناتىلدى
فوتو: الماتى وبل اكىمدىگى 01 مامىر 2025
قازاقستاننىڭ ەڭ ۇزىن لاعمانى: الماتىدا جاڭا رەكورد ورناتىلدى

قازاقستان حالقىنىڭ بىرلىگى كۇنىنە وراي الماتىنىڭ جەتىسۋ اۋدانىندا بىرەگەي ءىس-شارا ءوتتى.

الماتى اكىمدىگىنىڭ مالىمەتىنشە، «اينابۇلاق» شاعىن اۋدانىنداعى № 4 مامانداندىرىلعان بالالار-جاسوسپىرىمدەر سپورت مەكتەبىندە ەل تاريحىنداعى ەڭ ۇزىن — 1704 مەتر بولاتىن لاعمان دايىندالدى جانە بۇل فاكت قازاقستاننىڭ رەكوردتار كىتابىندا رەسمي تىركەلدى. جالپى 19 كەلى ۇننان قامىر يلەنىپ، 50-دەن استام اسپاز تاعامدى ەكى ساعاتتىڭ ىشىندە دايىنداعان.

— اسپازداردىڭ الدىندا قامىردى جىرتىپ الماي دايىنداۋ مىندەتى تۇردى. قيىندىقتارعا قاراماستان ءبىزدىڭ اسپازدار ونى وتە جاقسى دايىندادى، — دەدى جەتىسۋ اۋدانى انالار كەڭەسىنىڭ ءتورايىمى راحيما وماروۆا.

 

RELATED NEWS
جەتىسۋدا  مايلى زىعىر وسىرىلە باستادى
28 ءساۋىر 2025
جەتىسۋدا مايلى زىعىر وسىرىلە باستادى

جەتىسۋ وبلىسى سارقان قالاسىنىڭ ماڭىنداعى شارۋا قوجالىقتارىنىڭ بىرىندە مايلى زىعىر وسىرىلە باستادى. ەگىس ناۋقانىنىڭ بارىسىمەن جۇمىس ساپارى اياسىندا اۋدانعا بارعان وبلىس اكىمى بەيبىت يسابايەۆ تانىستى، دەپ حابارلايدى جەتىسۋ وبلىسى اكىمىنىڭ باسپا ءسوز قىزمەتى.

«عالىم» شارۋا قوجالىعىندا بيىل100 گا مايلى زىعىر ەگىلدى. ءداندى جۇگەرى، سويا، ارپا، بيداي وسىرۋگە بەيىمدەلگەن بۇل شارۋاشىلىق وسى داقىلدى بيىل العاش رەت سەۋىپ وتىر.

- زىعىردىڭ اگروتەحنيكاسىن، تۇقىم نارىعىن زەرتتەي وتىرىپ، ءبىز «ورتاشا ليرينا» سورتىن وتىرعىزدىق. بۇل وتە ءونىمدى، قۇرامىندا مايى كوپ سورت. ءار گەكتارىنان 20-25 س الامىز، ال مايدىڭ مولشەرى كەمىندە 50% بولادى دەپ كۇتىپ وتىرمىز. ايماق اۋماعىندا مايلى داقىلداردى قايتا وڭدەيتىن بىرنەشە كاسىپورىن بار ەكەنىن ەسكەرسەك، شيكىزاتتى وتكىزۋدە قيىندىق تۋىندامايدى دەپ ويلايمىز. الدىن الا كەلىسىمدەر جاساسىپ تا قويدىق. سونىمەن قاتار زىعىر ءداندى داقىلداردىڭ اۋىسپالى ەگىسىنە دە پايدالى، - دەپ اتاپ ءوتتى شق باسشىسى عالىم راحمەتقالييەۆ.

اۋداننىڭ المالى اۋىلىنداعى «جۇماعالي» شارۋا قوجالىعىنىڭ ەگىستىكتەرىندە دە كوكتەمگى دالا جۇمىستارى قارقىندى ءجۇرىپ جاتىر. شارۋاشىلىقتا ەگىستىك تە، مال ءوسىرۋ دە قولعا الىنعان. مۇندا 537 باس ءىرى قارا، 600 باس ۇساق مال جانە 630 جىلقى ءوسىرىلىپ وتىر.

- بيىل ءبىز جازدىق ارپا، كۇنباعىس جانە ءبىرىنشى رەت قانت قىزىلشاسىن سەپتىك. ازىرگە قىزىلشانى 38 گەكتاردان باستاپ وتىرمىز. كەلەسى جىلى ۇلعايتۋ جوسپارىمىزدا بار، ويتكەنى بۇل تابىستى داقىل، ءارى وسى داقىلدى وسىرۋشىلەرگە مەملەكەتتىك قولداۋ كورسەتىلەدى. «كونۆيزا سمارت» جوعارى ءونىمدى تۇقىمىن سەۋىپ جاتىرمىز. شارۋاشىلىعىمىزدا قاجەتتى اۋىل شارۋاشىلىعى تەحنيكاسى بار، دەگەنمەن وتكەن جىلى اۋداندا سەرۆيستىك-دايىنداۋ ورتالىعىنا ارناپ ساتىپ الىنعان زاماناۋي تەحنيكا بىزگە ۇلكەن كومەك بولدى، وسى تەحنيكالاردىڭ قىزمەتتەرىن پايدالانىپ وتىرمىز. مىسالى، پنيەۆماتيكالىق سەپكىشتىڭ ارتىقشىلىعى سول، اۆتوپيلوتى بولعاندىقتان ونىڭ جىلدامدىعى جاقسى، ونىمەن كۇندىز دە، تۇندە دە جۇمىس ىستەي الاسىز. وسى تەحنيكانىڭ كومەگىمەن ءبىر كۇندە 30 گا جەر ەگۋگە بولادى، - دەيدى شق باسشىسى ەگەمەن جۇماعالي.

وسى ورايدا بەيبىت يسابايەۆ جەتىسۋ وبلىسىندا وندىرىلەتىن اۋىل شارۋاشىلىعى شيكىزاتىنىڭ 65%-ى وڭىردە قايتا وڭدەلەتىنىن، سونىڭ ىشىندە قانت وندىرىسىنە ەرەكشە كوڭىل ءبولىنىپ وتىرعانىن اتاپ ءوتتى.  

- مىسالى، وتكەن جىلى وبلىستىڭ 5 اۋدانىندا 8 جاڭا سەرۆيستىك-دايىنداۋ ورتالىعى قۇرىلدى، سونىڭ ارقاسىندا 30 شارۋا قوجالىعى قانت قىزىلشاسىن وندىرۋگە قاجەتتى جالپى سوماسى 2،5 ملرد.تەڭگەگە 62 بىرلىك تەحنيكا ساتىپ الۋعا مۇمكىندىك الدى. اۋىل شارۋاشىلىعىن دامىتۋ ءۇشىن، ونىمدىلىكتى ارتتىرۋ ءۇشىن وزىق تەحنولوگيالاردى مەڭگەرۋ كەرەك. بۇعان زاماناۋي اۋىل شارۋاشىلىعى تەحنيكاسى دا ۇلكەن ىقپال ەتەدى، - دەدى وبلىس اكىمى.

وتكەن جىلى سارقان اۋدانىندا 3 جاڭا سەرۆيستىك-دايىنداۋ ورتالىعى قۇرىلدى، ولارعا 4 سەپكىش، 3 قىزىلشا كومباينى جانە 3 پالەك جينايتىن ماشيناسى ساتىپ الىندى. ءقازىر اۋداندا 6 سدو جۇمىس ىستەيدى، وندا 30-عا جۋىق اۋىل شارۋاشىلىعى تەحنيكاسى بار. اۋداندا قانت قىزىلشاسىن ءوسىرۋدىڭ اگروتەحنولوگياسى دامىعانىن ەسكەرسەك، وتكەن جىلى ءتاتتى ءتۇبىر الاڭى 2 ەسەگە ۇلعايتىلدى، ال بيىل تاعى 900 گەكتارعا ارتادى. وسىلايشا، سارقان اۋدانىندا بۇل داقىلدىڭ القابى 3،8 مىڭ گەكتار بولماق.

جالپى وسى جىلى وبلىستىڭ اگروونەركاسىپتىك كەشەنىن دامىتۋعا 45 ملرد.تەڭگە ءبولىندى، ونىڭ 27 ملرد. تەڭگەسى نەمەسە 59% – سۋبسيديا.

قازاقستاننىڭ ەڭ ۇزىن لاعمانى: الماتىدا جاڭا رەكورد ورناتىلدى
01 مامىر 2025
قازاقستاننىڭ ەڭ ۇزىن لاعمانى: الماتىدا جاڭا رەكورد ورناتىلدى

قازاقستان حالقىنىڭ بىرلىگى كۇنىنە وراي الماتىنىڭ جەتىسۋ اۋدانىندا بىرەگەي ءىس-شارا ءوتتى.

الماتى اكىمدىگىنىڭ مالىمەتىنشە، «اينابۇلاق» شاعىن اۋدانىنداعى № 4 مامانداندىرىلعان بالالار-جاسوسپىرىمدەر سپورت مەكتەبىندە ەل تاريحىنداعى ەڭ ۇزىن — 1704 مەتر بولاتىن لاعمان دايىندالدى جانە بۇل فاكت قازاقستاننىڭ رەكوردتار كىتابىندا رەسمي تىركەلدى. جالپى 19 كەلى ۇننان قامىر يلەنىپ، 50-دەن استام اسپاز تاعامدى ەكى ساعاتتىڭ ىشىندە دايىنداعان.

— اسپازداردىڭ الدىندا قامىردى جىرتىپ الماي دايىنداۋ مىندەتى تۇردى. قيىندىقتارعا قاراماستان ءبىزدىڭ اسپازدار ونى وتە جاقسى دايىندادى، — دەدى جەتىسۋ اۋدانى انالار كەڭەسىنىڭ ءتورايىمى راحيما وماروۆا.

 

جەتىسۋدا 30 سپورتتىق نىسان سالىندى
16 ءساۋىر 2025
جەتىسۋدا 30 سپورتتىق نىسان سالىندى

جەتىسۋ وبلىسى قۇرىلعالى بەرى 30 سپورت نىسانى جاڭادان سالىنىپ، 3-ەۋى كۇردەلى جوندەۋدەن وتكىزىلدى. وسىلايدا ءۇش جىل ىشىندە سپورت سالاسىنىڭ ينفراقۇرىلىمىن جاڭارتۋ دەڭگەيى 55،8% جەتتى. اتاپ ايتقاندا 2022-2024 جىلدار ارالىعىندا ەلدى مەكەندەردە 3 دەنە شىنىقتىرۋ-ساۋىقتىرۋ كەشەنى، 7 سپورت كەشەنى، 2 كۇرەس زالى، 10 بلوك-مودۋلدى سپورت كەشەنى، 2 فۋتبول مانەجى، 2 انگار ۇلگىسىندەگى سپورت كەشەنى، مۇز ارەناسى، ستاديون، سپورتشىلارعا ارنالعان تۇرعىن ءۇي، ۇستەل تەننيسىنىڭ ورتالىعى، ۆولەيبول  ورتالىعى جانە ۆولەيبولشىلارعا ارنالعان تۇرعىن ءۇي سالىندى، -دەپ حابارلايدى جەتىسۋ وبلىسى اكىمىنىڭ باسپا ءسوز قىزمەتى.

سول سياقتى كوكسۋ، سارقان اۋداندارى مەن تالدىقورعان قالاسىنداعى ستاديوندارعا كۇردەلى جوندەۋ جۇرگىزىلدى. سونىڭ ارقاسىندا حالىقتىڭ 1000 ادامعا شاققانداعى سپورت ينفراقۇرىلىمىمەن قامتاماسىز ەتىلۋ كورسەتكىشى 64،1%-عا جەتتى.

وتكەن جىلى ىسكە قوسىلعان نىسانداردىڭ ىشىندە «جەتىسۋ» كاسىبي ۆولەيبول كلۋبىنا ارنالعان قازاقستاندا بالاماسى جوق زاماناۋي ۆولەيبول ورتالىعىن، سونداي-اق سپورتشىلارعا ارناپ ينۆەستور سالعان ءتورت قاباتتى تۇرعىن ءۇيدى ەرەكشە اتاۋعا بولادى. ونداعى ەكى بولەك جاتتىعۋ زالىندا «جەتىسۋ» كۆك ەرلەر، ايەلدەر كوماندالارىنىڭ نەگىزگى قۇرامى جانە جاستار دۋبل-قۇرامدارى جاتتىعادى. ايەلدەر كومانداسىنىڭ ۆولەيبولشىلارى وزدەرىنىڭ ۆولەيبول بازاسىنىڭ بولۋى ولاردىڭ بيىلعى جىلعى قازاقستان چەمپيوناتىندا جەڭىسكە جەتۋىنە زور ىقپال ەتكەنىن ايتادى

- تالدىقورعاندا كاسىبي ۆولەيبولدى ودان ءارى دامىتۋ ءۇشىن تاماشا جاعداي جاسالىپ، كومەك كورسەتىلىپ وتىر. ءبىزدىڭ ءوز زاماناۋي جاتتىعۋ بازامىزدىڭ بولعانى بىزگە ۇلكەن كومەك بولدى. ءبىز ساتسىزدىكتە دە، جەڭىستە دە بىرگە بولدىق، سول ۇيىمشىلدىعىمىزدىڭ ارقاسىندا، جاسالعان جاعدايلاردىڭ ناتيجەسىندە «جەتىسۋ» كلۋبىنىڭ بۇرىنعى داڭقىن قايتارىپ الا الدىق، - دەيدى  كوماندا كاپيتانى كارينا دەنيسوۆا.

ەسكە سالساق، جەتىسۋ» ۆولەيبول قىزدار كومانداسى 2024-2025 جىلدارداعى ماۋسىمدا ءۇشىنشى جەڭىسىنە قول جەتكىزىپ وتىر، ياعني ق ر چەمپيوناتىن توعىزىنشى رەت، سول سياقتى كۋبوگىن دا توعىزىنشى مارتە، سۋپەركۋبوكتى ءتورتىنشى مارتە ۇتىپ الدى.

ءوڭىردىڭ سپورت كلاستەرىن تولىقتىرعان تاعى ءبىر زاماناۋي نىسان – تالدىقورعاندا ينۆەستوردىڭ قاراجاتى ەسەبىنەن سالىنعان وبلىستاعى تۇڭعىش ۇستەل تەننيسى ورتالىعى. نىسان حالىقارالىق تالاپتار مەن ستاندارتتارعا سايكەس كەلەدى. وندا ەرەكشە قاجەتتىلىكتەرى بار سپورتشىلار ءۇشىن بارلىق جاعداي جاسالعان.

سونداي-اق 31 مىڭ حالقى بار تەكەلى قالاسىندا وتكەن جىلى اشىلعان دەنە شىنىقتىرۋ-ساۋىقتىرۋ كەشەنى دە قازىرگى كەزدە جەمىستى جۇمىس ىستەپ تۇر، مۇنداي كەشەن ءتىپتى وبلىس ورتالىعىندا جوق. 

- بۇگىندە مۇندا اۋىر اتلەتيكا، بوكس، باسكەتبول، ساداق اتۋ، دزيۋدو، كومبات دزيۋ-دزيۋسۋ، كاراتە شينكيوكۋشينكاي سياقتى سپورتتىڭ 7 تۇرىنەن 551 سپورتشى جاتتىعادى. سونىڭ ىشىندە مەن باسكەتبولدان جاتتىقتىرۋشىمىن. وسى عيمارات ءقازىر تەكەلى قالاسىنىڭ وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنىڭ تاربيەلەنۋشىلەرى ءۇشىن مىقتى بازا بولىپ وتىر. بالالارمەن جاڭا ويىن زالىندا جاتتىعۋ وتكىزەمىز. سپورت كەشەنى اشىلعاننان بەرى وبلىس جانە قازاقستان چەمپيوناتتارىنا قاتىسىپ جاقسى ناتيجە كورسەتتىك. الدا دا ءالى تالاي جەڭىستى جول بار دەپ ويلايمىن. مۇنداي زاماناۋي جابدىقتالعان نىساندار اسىرەسە جاستاردى سالاۋاتتى ءومىر سالتىن ۇستانۋعا، سپورتقا باۋلۋعا اسا قاجەت، - دەيدى جاتتىقتىرۋشى الىبەك مۇقانوۆ.

ال بيىل وبلىستا 3 سپورتتىق نىساندى سالۋعا جەرگىلىكتى بيۋدجەتتەن قارجى بولىنگەن. بۇل رەتتە الاكول اۋدانى لەپسى اۋىلىندا 160 ورىندى دەنە شىنىقتىرۋ-ساۋىقتىرۋ كەشەنى مەن جاتاقحانانىڭ قۇرىلىسى جۇرگىزىلىپ جاتىر. سونداي-اق وسى جىلى الاكول اۋدانى قابانباي اۋىلىنا 80 ورىندى سپورتتىق كەشەن تۇرعىزىلادى. تالدىقورعان قالاسىندا كوركەم گيمناستيكاعا ارنالعان زالدىڭ قۇرىلىسى باستالعان. وعان قوسا بيىلعى ناۋرىز ايىنان قاراتال اۋدانى كالپە اۋىلىندا ينۆەستور ەسەبىنەن بلوكتى-مودۋلدى ۇستەل تەننيسى كەشەنى سالىنا باستادى. سونىمەن قاتار قاراتال اۋدانى المالى اۋىلىندا، كەربۇلاق اۋدانى قاراشوقى، سارىباستاۋ اۋىلدارىندا، كوكسۋ اۋدانى تالاپتى اۋىلىندا جىلدام سالىناتىن بلوكتى-مودۋلدى سپورت كەشەندەرىن سالۋ جوسپاردا بار.

جالپى وڭىردە بۇقارالىق سپورتپەن قاتار بالالار مەن جاسوسپىرىمدەر سپورتىنا دا ەرەكشە ءمان بەرىلىپ كەلەدى.

سونىمەن 2022 جىلدان بەرى وبلىستا بوكس جانە دزيۋدو بويىنشا وليمپيادا رەزەرۆىنىڭ مامانداندىرىلعان بالالار مەن  جاسوسپىرىمدەر سپورت مەكتەپتەرى، وليمپيادالىق، وليمپيادالىق ەمەس سپورت تۇرلەرىنەن جوعارعى سپورت شەبەرلىگى مەكتەپتەرى، «جەتىسۋ» ۆولەيبول، حوككەي، ۇلتتىق سپورت تۇرلەرىنەن كلۋبتار اشىلدى. قىسقى سپورت تۇرلەرىن دامىتۋدا ماقساتىندا 2024 جىلدىڭ باسىنان تالدىقورعان قالاسىنىڭ №1 وليمپيادالىق رەزەرۆتەگى مامانداندىرىلعان بالالار مەن جاسوپىرىمدەر مەكتەبىندە كەرلينگ، شورت  ترەك جانە شايبالى حوككەي بويىنشا بولىمشەلەر اشىلدى. سونىمەن قاتار ءساۋىر ايىندا تالدىقورعان قالاسىنىڭ №1 ورمبجم-سىندا جانە ەسكەلدى، كوكسۋ اۋداندارىنىڭ سپورت مەكتەپتەرىندە شايبالى حوككەي سپورت تۇرىنەن بولىمشەلەر اشىلدى. وعان قوسا وبلىس اكىمىنىڭ تاپسىرماسى بويىنشا وڭىردە العاش رەت بيىلدان باستاپ اۋلا جانە مەكتەپ كوماندالارى اراسىندا فۋتبول، ۆولەيبول جانە باسكەتبولدان وبلىستىق بالالار ءتۋرنيرىن وتكىزۋدى باستايمىز. قازىرگى كەزدە وبلىس بويىنشا 560-تان استام كوماندادان وتىنىمدەر قابىلداندى. ىرىكتەۋ جارىستارى 19 ساۋىردە باستالادى، ال وبلىستىق كەزەڭدى ماۋسىم ايىندا وتكىزۋ جوسپارلانعان.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.