قازاقستاندىق دزيۋدوشى سانجار ەرۇلان ۇلى دزيۋدودان جاسوسپىرىمدەر اراسىندا الەم چەمپيونى اتاندى. بۇل تۋرالى Ulys قازاقستان دزيۋدو فەدەراسياسىنىڭ باسپا ءسوز قىزمەتىنە سىلتەمە جاساپ.
90 كەلىگە دەيىنگى سالماق دارەجەسىندە بەلدەسكەن ول فينالدا ۋكراينالىق قارسىلاسى لەبيد دميترونى ۋاقىتىنان بۇرىن يپپون ۇپايىمەن جەڭدى.
الەم رەيتينگىندە 5-ورىندا تۇرعان وتانداسىمىز الەم بىرىنشىلىگىن ەكىنشى اينالىمنان باستادى. جالپى جارىس بارىسىندا ءتورت كەزدەسۋ وتكىزىپ، تورتەۋىندە دە قارسىلاس شاق كەلتىرگەن جوق. العاشقى قارسىلاسى مۋنگۋن ۋچرال ۋۋگانباياردى (موڭعوليا)، ودان كەيىن شيرەك فينالدا گيورگي گەلاشۆيليدى (گرۋزيا) جەڭدى. ال جارتىلاي فينالدا ۋكراينالىق اركاديي سمايلوۆتان باسىم تۇسكەن بولاتىن.
ايتا كەتەرلىگى، جاسوسپىرىمدەر اراسىندا سىنعا تۇسكەن سانجار ەرۇلان ۇلىنىڭ بۇل الەم چەمپيوناتىنداعى العاشقى جۇلدەسى. 17 جاستاعى سانجار بۇعان دەيىن 2024 جىلعى ماۋسىمدا قازاقستان چەمپيوناتىن جانە ازيا كۋبوگىن ۇتقان، سونداي-اق ەۋروپا كۋبوگىندا كۇمىس جۇلدەگەر اتانىپ ۇلگەرگەن.
دزيۋدودان جاسوسپىرىمدەر اراسىنداعى الەم چەمپيوناتى پەرۋدىڭ ليما قالاسىندا ءوتىپ جاتىر. الەم بىرىنشىلىگىنە 48 ەلدەن 403 جاس تاتامي شەبەرى قاتىسۋدا.