قازاقستاننىڭ 11 ايماعىندا جاڭادان 20 بوگەن سالىنادى. بۇل تۋرالى بۇگىن قازاقستان حالقى اسسامبلەياسىنىڭ «بىرلىك. جاسامپازدىق. ورلەۋ» اتتى ءحححىىى سەسسياسىنىڭ ونلاين فورماتتا ءوتىپ جاتقان وتىرىسىندا ق ر پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى Ulys.
«اپاتتارعا قارسى كۇرەستىڭ ءتيىمدى جۇيەسىن قۇرۋدى كوزدەيتىن كۇردەلى شارۋا شەشىمىن تابۋى كەرەك. سوندىقتان تابيعات اپاتتارىمەن كۇرەسەتىن پارمەندى شارالار قابىلداۋ ءۇشىن مەملەكەت پەن عىلىمنىڭ ىقپالداستىعىن ءىس جۇزىندە قايتادان ءتۇزۋ قاجەت. «مەنىڭ تاپسىرماممەن تارازداعى قازاق گيدرومەليوراسيا-قۇرىلىس ينستيتۋتى قايتا قۇرىلادى. سونداي-اق الماتىداعى سەيسمولوگيا ينستيتۋتىنىڭ الەۋەتى كۇشەيەدى. كليمات وزگەرىستەرىن زەرتتەپ، تەجەۋگە ايرىقشا نازار اۋدارىلادى. سۋ شارۋاشىلىعى سالاسىن باسقارۋ جۇيەسى، ونىڭ ىشىندە «قازسۋشار»، «نۇرا توپتىق سۋ قۇبىرى» سياقتى كومپانيالار دا تۇگەل قايتا قۇرىلادى»، - دەدى پرەزيدەنت جيىندا.
سونىمەن قاتار ول ەلدەگى بوگەتتەر مەن بوگەندەردىڭ بارلىعى دەرلىك وتكەن عاسىردىڭ 50-70 جىلدارى سالىنعانىن جەتكىزدى.
«زامان تالابىنا ساي سۋ قويمالارى تاپشى بولعاندىقتان، بيىلعى تاسقىننىڭ زاردابى ءتىپتى اۋىر بولدى. سوندىقتان قازاقستاننىڭ 11 ايماعىندا جاڭادان 20 بوگەن سالىنادى، تاعى 15-ىنە كۇردەلى جوندەۋ جۇرگىزىلەدى. سوندا 134 ەلدى مەكەندى سۋ باسۋ قاتەرى ەداۋىر ازايادى.
سۋ رەسۋرستارىن باسقارۋ جۇيەسىن دامىتۋ تۇجىرىمداماسىنا تاسقىننىڭ الدىن الۋ جانە ونىڭ سالدارىن ازايتۋ شارالارى قوسىلادى. بۇل شارالار حالىقارالىق تاجىريبەنى ەسكەرە وتىرىپ ازىرلەنەدى»، - دەپ تولىقتىردى مەملەكەت باسشىسى.