قازاقستان مەن قاتاردىڭ سىبايلاس جەمقورلىققا قارسى قىزمەتتەرى ىنتىماقتاستىقتى كەڭەيتۋدە، دەپ حابارلايدى Ulys.
سىبايلاس جەمقورلىققا قارسى قىزمەت تۇراقتى نەگىزدە حالىقارالىق ىنتىماقتاستىقتى دامىتۋ بويىنشا جۇمىس جۇرگىزەدى.
اعىمداعى جىلدىڭ اقپان ايىندا قازاقستان پرەزيدەنتى قاسىم-جومارت توقايەۆتىڭ قاتارعا جۇمىس ساپارى بارىسىندا ەكى مەملەكەت اراسىنداعى ىنتىماقتاستىقتى ارتتىرۋعا باعىتتالعان ءبىرقاتار ءىس-شارالار بەلگىلەندى. ونىڭ ىشىندە – جەمقورلىققا قارسى بىرلەسكەن كۇرەس جۇمىسى. وسى ماقساتتا ەكى تاراپ «پاراساتتىلىق پەن اشىقتىقتى ىلگەرىلەتۋ جونىندەگى ءوزارا تۇسىنىستىك تۋرالى مەموراندۋمعا» قول قويدى. ونىڭ اياسىندا سىبايلاس جەمقورلىققا قارسى ءىس-قيمىل اگەنتتىگى مەن قاتاردىڭ اكىمشىلىك باقىلاۋ جانە اشىقتىق باسقارماسى جول كارتاسىنا قول قويۋ جوسپارلاندى.
اعىمداعى جىلدىڭ 24 ماۋسىمىندا قاتاردىڭ سىبايلاس جەمقورلىققا قارسى ۆەدومستۆوسىنىڭ (اكىمشىلىك باقىلاۋ جانە اشىقتىق باسقارماسى) باسشىسى حاماد بين ناسەر راشيد ال-ميسنەد مىرزا باستاعان دەلەگاسياسى قازاقستانعا ساپارمەن كەلدى.
ءىس-ساپار اياسىندا سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اسحات ءجۇماعاليدىڭ اكىمشىلىك باقىلاۋ جانە اشىقتىق باسقارماسىنىڭ پرەزيدەنتىمەن ەكىجاقتى كەزدەسۋى ءوتتى.
ءىس-شارا بارىسىندا تاراپتار ەكى ەلدىڭ جەمقورلىققا قارسى قىزمەتتەرىنىڭ جۇمىسى، مەملەكەتتىك ورگانداردىڭ باسىم باعىتتارى تۋرالى ماسەلەلەر كەشەنىن تالقىلادى، سونداي-اق ءوزارا ءىس-قيمىل جونىندەگى جول كارتاسىنا قول قويدى.
قازاقستاننىڭ سىبايلاس جەمقورلىققا قارسى قىزمەتى جەمقورلىقتى جويۋ، اكتيۆتەردى قايتارۋ، بيزنەستى قورعاۋ، قۇقىقتىق كومەك كورسەتۋ، بيۋدجەت قاراجاتى مەن ساتىپ الۋدىڭ ماقساتتى پايدالانىلۋىنا مونيتورينگ جۇرگىزۋ بويىنشا جۇيەلى شارالاردى تانىستىردى.
سونىمەن قاتار اگەنتتىك ءتوراعاسى جەمقورلىققا قارسى ءبىلىم بەرۋ جانە تاربيە، اسىرەسە بالالار مەن جاستار اراسىندا، سونداي-اق سيفرلاندىرۋ بويىنشا جۇرگىزىلىپ جاتقان جۇمىستارعا تولىعىراق توقتالدى.
سونداي-اق، الماتى قالاسىنىڭ اكىمدىگىندە كەزدەسۋ ءوتتى، وندا اكىم ەربولات دوسايەۆ وتاندىق جانە شەتەلدىك ينۆەستورلار ءۇشىن قولايلى ينۆەستيسيالىق احۋالدى قالىپتاستىرۋعا ەرەكشە كوڭىل بولىنەتىنىن اتاپ ءوتتى. بۇل رەتتە بيزنەس الدىندا مەملەكەتتىك ورگاندار جەمقورلىققا قارسى مادەنيەت قالىپتاسقان ۇلكەن جاۋاپكەرشىلىكتى ارقالايدى. وسى باعىتتا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى بەلسەندى ءرول اتقارادى.
اتالعان شارادا ۇلتتىق بانكتىڭ، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ، سونداي-اق ەلەكتروندىق قارجى ورتالىعىنىڭ وكىلدەرى سيفرلىق ۇكىمەتتىڭ قىزمەتى جانە مەملەكەتتىك ساتىپ الۋ جۇيەسىن سيفرلاندىرۋدىڭ ەرەكشەلىكتەرى تۋرالى بايانداما جاسادى.
انتيكور ءتوراعاسى ا. جۇماعالي قاتار باسشىلىعىن اعىمداعى جىلدىڭ سوڭىنا جوسپارلانعان بۇۇ سىبايلاس جەمقورلىققا قارسى كونۆەنسياسىنىڭ نورمالارىن جەدەل ەنگىزۋ ماقساتىندا ورتالىق ازيا ەلدەرى ءۇشىن وڭىرلىك پلاتفورما كونفەرەنسياسىنا قاتىسۋعا شاقىردى.
ءوز كەزەگىندە قاتاردىڭ سىبايلاس جەمقورلىققا قارسى ۆەدومستۆوسىنىڭ باسشىسىنان 2024 جىلعى قاراشادا قاتاردا وتەتىن حالىقارالىق سىبايلاس جەمقورلىققا قارسى كونفەرەنسياعا شاقىرتۋ ءتۇستى.
كەزدەسۋ اياسىندا قاتاردان كەلگەن دەلەگاسيا وكىلدەرى ەلىمىزدىڭ مادەني جانە تاريحي قۇندىلىقتارىمەن تانىستى.
ءىس-شارا قورىتىندىسى بويىنشا تاراپتار جەمقورلىقتىڭ سەبەپتەرى مەن سالدارىن نەعۇرلىم ءتيىمدى تالداۋ، ىنتىماقتاستىقتى نىعايتۋ جانە ەكى ەلدىڭ دامۋى ماقساتىندا تاجىريبە الماسۋدى جالعاستىرۋعا كەلىستى.
Transparency International «سىبايلاس جەمقورلىقتى قابىلداۋ يندەكسى» حالىقارالىق رەيتينگىندە 2024 جىلى قازاقستان ناتيجەلەرىن تاعى دا جاقسارتتى، دەپ حابارلايدى Ulys انتيكورعا سىلتەمە جاساپ.
الەم بويىنشا ورتاشا بالل – 43، ال «شىعىس ەۋروپا جانە ورتالىق ازيا» ايماعىندا (19 ەل) 35 بولدى.
قازاقستان رەيتينگىنىڭ 2016 جىلدان باستاپ ايتارلىقتاي وسكەن ەل رەتىندە اتاپ ءوتىلدى – 11 باللعا (29 باللدان) ءوسۋ.
«ورتالىق ازيا ءوڭىرى ەلدەرىنىڭ ىشىندە قازاقستان ەڭ جوعارى پوزيسيانى يەلەنەدى جانە رەيتينگتى جاقسارتقان جالعىز ەل بولىپ سانالادى. يندەكستە قازاقستاننان كەيىن ءۇندىستان (38)، يندونەزيا (37)، ارگەنتينا (37)، سەربيا (35)، ۋكراينا (35)، برازيليا (34)، تايلاند (34)، تۇركيا (34)، بەلارۋس (33)، رەسەي (22) جانە ت.ب. ەلدەر ورنالاسقان. جەمقورلىقتى قابىلداۋ يندەكسى قازاقستاننىڭ رەيتينگىن شىعارۋ ءۇشىن 9 ءتۇرلى ۇيىمنىڭ دەرەكتەرى پايدالانىلعان كومپوزيتتىك يندەكس بولىپ سانالادى. رەيتينگ مەملەكەتتىك سەكتورداعى سىبايلاس جەمقورلىقتى قابىلداۋدىڭ ساراپتامالىق جانە بيزنەس-باعالاۋلارىنا نەگىزدەلگەن»، - دەلىنگەن انتيكور حابارلاماسىندا.
قازاقستان فۋتبول فەدەراسياسىنىڭ بۇرىنعى باسشىلىعىنا قاتىستى تەرگەۋ ءجۇرىپ جاتىر، دەپ حابارلايدى Ulys.
قارجى مونيتورينگى اگەنتتىگى بارمەنقۇلوۆقا، سونداي-اق فەدەراسيانىڭ ءبىرقاتار بۇرىنعى قىزمەتكەرلەرىنە قاتىستى تەرگەۋ ارەكەتتەرى مەن ءتىنتۋ جۇمىستارىن جۇرگىزىپ جاتىر.
بارمەنقۇلوۆ 2021-2024 جىلدار ارالىعىندا قفف باسشىسى قىزمەتىن اتقارعان.19 قاراشادا ۇيىمنىڭ كەزەكتەن تىس وتىرىسىندا ول قىزمەتىنەن كەتتى.
ب ا ق تاراپىنان كەلىپ تۇسكەن سۇرانىستارعا بايلانىستى، قما قازاقستان فۋتبول فەدەراسياسىنىڭ بۇرىڭعى باسشىلىعىنا قاتىستى سوتقا دەيىنگى تەرگەۋدى باستاعانىن راستايدى،- دەلىنگەن قارجى مونيتورينگى اگەنتتىگى حابارلاماسىندا.
پارلامەنت ءماجىلىسىنىڭ بۇرىنعى ءتوراعاسى نۇرلان ءنىعماتۋليننىڭ اعاسى ارعىن نىعماتۋلين تەرگەۋ باستالعانعا دەيىن ەلدەن كەتىپ قالعان. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى دارحان قۇراقبايەۆ مالىمدەدى، دەپ حابارلايدى Ulys.
«ءبىز ونىڭ قازاقستاندا ەمەس ەكەنىن بىلەمىز. تەرگەۋ باستالعانعا دەيىن ەلدەن كەتىپ قالعان. ول قازاقستاندا ەمەس. ونى ىزدەۋ جانە ەلگە قايتارۋ بويىنشا شارالار ءجۇرىپ جاتىر. ىزدەۋ شارالارى بارلىق ەلدى قامتيدى، وعان مەملەكەتارالىق ىزدەۋ جاريالانعان»، - دەدى قۇراقبايەۆ سەنات كۋلۋارىندا جۋرناليستەردىڭ سۇراعىنا جاۋاپ بەرىپ.
ەستەرىڭىزگە سالايىق، ناۋرىز ايىنىڭ باسىندا 69 جاستاعى ارعىن نىعماتۋلينگە ىزدەۋ جاريالانعانى حابارلاندى. ونى ىزدەۋگە پروكۋراتۋرا باستاماشى بولعان، ال ىزدەۋ شارالارىن انتيكور جۇرگىزەدى.
