قىرعىزستان ۇقمك قازاقستاندىق كاسىپكەر ياسىنجان تايروۆقا ىزدەۋ جاريالادى، دەپ حابارلايدى Ulys قىرعىز ەلىنىڭ ۇقك سىلتەمە جاساپ.
ول ءبىر جىل بۇرىن ولتىرىلگەن قامشى كولبايەۆتىڭ قىلمىستىق توبىن قارجىلاندىردى دەگەن كۇدىككە ىلىنگەن.
قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەتتىڭ (ۇقمك) تحابارلاۋىنشا، تايروۆ كولبايەۆقا $200 مىڭ كولەمىندە قاراجات بەرگەن جانە ىستىقكولدەگى “سيميرام” دەمالىس ورنىنان كوتتەدج بەن بولمەلەردى تۇراقتى تۇردە ۇسىنىپ وتىرعان. ۇقمك حابارلاماسىندا “سيميرام” تايروۆقا تيەسىلى ەكەنى ايتىلعان. بۇعان قوسا، تايروۆ كولبايەۆقا قىمبات زاتتاردى سىيعا تارتقان.
65 جاستاعى قازاقستان ازاماتتىعى بار ياسىنجان تايروۆ قىرعىزستاندا تۋعان.


قىرعىزستاندا بيلىكتى باسىپ الۋ ماقساتىندا جاپپاي تارتىپسىزدىك ۇيىمداستىرماق بولعان 7 ادام قاماۋعا الىندى. بۇل تۋرالى قىرعىز ءىىم حابارلادى.
مالىمەتتەرگە قاراعاندا، بۇل ۇيىمداسقان توپ جاپپاي تارتىپسىزدىكتەر ۇيىمداستىرىپ، بيلىكتى كۇشپەن باسىپ الۋ ماقساتىندا قۇرىلعان.
«ۇلتتىق سپورت ويىندارىن وتكىزەمىز دەگەن سىلتاۋمەن كۇدىكتىلەر 2024 جىلعى 17 قاراشادا وتەتىن جەرگىلىكتى كەڭەس سايلاۋى كۇنى كۇش كورسەتۋگە ۇندەپ، كونستيتۋسياعا قايشى شاقىرۋلاردى ناسيحاتتاپ، كەيىننەن بيلىكتى كۇشپەن باسىپ الۋ ارقىلى جاعدايدى تۇراقسىزداندىرۋدى كوزدەگەن، – دەلىنگەن حابارلامادا.
وسى ءىس بويىنشا جاپپاي تارتىپسىزدىكتەر ۇيىمداستىرۋعا دايىندالۋ فاكتىسى بويىنشا قىلمىستىق ءىس قوزعالعان.
تەرگەۋ بارىسىندا بۇل توپتىڭ 7 مۇشەسى ۇستالدى. ولاردىڭ اراسىندا شەتەلدىك ازاماتتار دا بار.

مەملەكەت باسشىسى قاسىم-جومارت توقايەۆ بىشكەكتەگى «ىنتىماق وردو» عيماراتىنا باردى. بۇل تۋرالى اقوردانىڭ باسپا ءسوز قىزمەتى حابارلايدى.
قاسىم-جومارت توقايەۆتى قىرعىزستان پرەزيدەنتى سادىر جاپاروۆ قارسى الدى.
سالدەن كەيىن تۇركى مەملەكەتتەرى ۇيىمىنىڭ ءسامميتى باستالادى. شارا «ەكونوميكالىق ينتەگراسيا، تۇراقتى دامۋ، سيفرلىق بولاشاق جانە قاۋىپسىزدىك» تاقىرىبىندا وتەدى.

مەملەكەت باسشىسى قىرعىزستاننىڭ سىرتقى ىستەر ءمينيسترى جەەنبەك كۋلۋبايەۆتى قابىلدادى، دەپ حابارلايدى اقوردا.
پرەزيدەنت قىرعىزستان سىرتقى ىستەر ۆەدومستۆوسىنىڭ باسشىسىنا ءىلتيپات بىلدىرە وتىرىپ، بەرىك دوستىق پەن تاتۋ كورشىلىك بايلانىستارعا ارقا سۇيەگەن قازاق-قىرعىز قارىم-قاتىناسى ستراتەگيالىق سەرىكتەستىك جانە وداقتاستىق سيپاتىندا قارقىندى ءارى دايەكتى دامىپ كەلە جاتقانىن اتاپ ءوتتى.
قاسىم-جومارت توقايەۆ بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى تولىققاندى ىسكە اسىرۋدىڭ ماڭىزدىلىعىنا نازار اۋداردى. ونىڭ پىكىرىنشە، بۇل كەلىسىمدەر ستراتەگيالىق سيپاتقا يە ءارى مەملەكەتارالىق ىقپالداستىقتى ايتارلىقتاي نىعايتادى.
جەەنبەك كۋلۋبايەۆ مەملەكەت باسشىسىنا ەكى ەلدىڭ سىرتقى ىستەر ۆەدومستۆوسى باسشىلارىنىڭ اراسىندا وتكەن كەلىسسوزدەردىڭ ناتيجەسى مەن ەكىجاقتى ىنتىماقتاستىقتى تەرەڭدەتۋ بويىنشا بىرلەسە اتقاراتىن جۇمىستىڭ نەگىزگى باعىتتارى جونىندە مالىمەت بەردى.
كەزدەسۋ بارىسىندا ساۋدا-ەكونوميكالىق ىقپالداستىقتى ارتتىرۋعا، كولىك-لوگيستيكا ينفراقۇرىلىمىن دامىتۋعا، ءوزارا ينۆەستيسيالار جانە مادەني-گۋمانيتارلىق بايلانىستاردى ودان ءارى جانداندىرۋعا ايرىقشا ءمان بەرىلدى.
سونداي-اق حالىقارالىق جانە وڭىرلىك كۇن تارتىبىندەگى وزەكتى ماسەلەلەر تالقىلاندى.
