ۆاليۋتا باعامى
  • USD -

    509.9
  • EUR -

    552.5
  • RUB -

    5.85
  قانداستارمەن تىكەلەي بايلانىس قۇرۋ ورتالىعى اشىلادى
22 قاڭتار 2019
قانداستارمەن تىكەلەي بايلانىس قۇرۋ ورتالىعى اشىلادى

«وتانداستار» قورى قانداستاردى تىكەلەي ساۋالدارى بويىنشا قابىلدايتىن بايلانىس ورتالىعىن اشپاق. «بۇل تۋرالى قور پرەزيدەنتى نۇرتاي ابىقايەۆ بەلگىلى اقىن، «نۇر وتان» پارتياسى قابىلداۋ ءبولىمىنىڭ حاتشىسى اۋىت مۇقيبەكتى قابىلداۋ بارىسىندا ايتتى»، -دەپ  حابارلايدى اتالعان قوردىڭ باسپا ءسوز قىزمەتى.  

«دايارلانعان جۇمىس جوسپارىمىزدىڭ اياسىندا «وتانداستار» قورى جانىنان ارنايى بايلانىس ورتالىعىن اشپاقپىز. وندا قانداستارىمىزدىڭ وزدەرىن مازالايتىن بارلىق سۇراققا جاۋاپ الۋىنا مۇمكىندىگى بولادى. جوبالىق باسقارۋ ءتاسىلى ارقىلى بۇل ورتالىقتا ەلگە ورالعان جانە ورالۋعا نيەتتى وتانداستارىمىزعا قاجەتتى بارلىق اقپار جيناقتالاتىن بولادى. اتالمىش باستاما الدىمەن استانا مەن الماتىدا، ودان كەيىن ەلىمىزدىڭ باسقا دا ايماقتارىندا ۇيىمداستىرىلادى. جوبانى جۇزەگە اسىرۋ بارىسىندا ورتالىق مەملەكەتتىك ورگاندارى، پروفيلدىك كومپانيالار جانە ۇيىمدارمەن بىرىگىپ جۇمىس ىستەيمىز دەگەن ويدامىن»، - دەدى نۇرتاي ءابىقاي ۇلى. 

كەزدەسۋ بارىسىندا قور باسشىسى اۋىت مۇقيبەكتى 50 جاس مەرەيتويىمەن قۇتتىقتاپ، ءوز وتانىن جانە حالقىن سۇيەتىن ۇلتجاندى ازامات رەتىندە ەلىمىزدىڭ دامۋىنا، تاۋەلسىزدىگىنىڭ نىعايۋىنا باعىتتالعان ءىس-شارالارعا بەلسەنە قاتىسىپ، قولداۋ كورسەتىپ جۇرگەنى ءۇشىن ارنايى العىس حاتپەن ماراپاتتادى.

جۇڭگو جەرىندە دۇنيەگە كەلگەن قازاق اقىنى تاريحي وتانىنا 1998 جىلى ءبىر جولاتا قونىس اۋدارعان.  سودان بەرى شەت ەلدەردە تۇراتىن قانداستارىمىزدىڭ قازاق توپىراعىنا ورالۋىنا، وسى ورايدا تۋىنداعان قيىندىقتاردىڭ وڭتايلى شەشىلۋىنە اتسالىسىپ ءجۇر. قازاق كوشىنىڭ جاناشىرى  رەتىندە «تۇڭعىش پرەزيدەنتتىڭ كوشى-قون قورىن» قۇرۋ ماسەلەسىن 2011 جىلدان باستاپ كوتەرىپ كەلدى.

ءوز كەزەگىندە قوردىڭ ماڭىزدىلىعى تۋرالى ايتا وتىرىپ، اۋىت مۇقيبەك: «وتانداستار» سياقتى قوردىڭ قۇرىلۋ ماسەلەسىن ءبىراز جىلدان بەرى كوتەرىپ كەلدىم. سەبەبى وتانداستارعا كومەك كورسەتەتىن مۇنداي قورلار يزرايل، گەرمانيا سياقتى الەمنىڭ ءبىرقاتار الپاۋىت مەملەكەتتەرىندە بار ەكەن. ەلباسىنىڭ تاپسىرماسىمەن، ول ارمان دا، مىنە، ورىندالدى. كەلەم دەگەن قازاققا، وتاندا قونىستانىپ قالام دەگەن قازاققا ءقازىر بىزدە قيىندىق جوق. ەندى ولاردىڭ ماسەلەلەرىمەن كەشەندى تۇردە اينالىساتىن قوردىڭ پايدا بولعانىنا ءوز باسىم قۋانىشتىمىن»، - دەدى. 

كەزدەسۋ سوڭىندا نۇرتاي ابىقايەۆ قوعام بەلسەندىسىن دياسپورالىق ساياسات ماسەلەلەرىن شەشۋدە عىلىمي نەگىزدەلگەن ۇسىنىستار شىعاراتىن «وتانداستار» قورىنىڭ عىلىمي ساراپشىلار كەڭەسىنىڭ مۇشەلىگىن ۇسىنىپ، قانداستارعا قولداۋ كورسەتۋدە كۇش بىرىكتىرۋگە شاقىردى. 

 

سۋرەت: mdvc.com.sg

 

RELATED NEWS
ەكى اپتادا ەكى التىن
17 قاڭتار 2019
ەكى اپتادا ەكى التىن

شەتەلدەگى قانداستار اراسىندا قارا ءۇزىپ جۇرگەن تالاي تالانت بار. سولاردىڭ ءبىرى موڭعوليا ەلىندە تۇراتىن جاس پالۋان — سەرىك بەردىمۇرات ۇلى. قازاقستانداعى جارىستارعا ءجيى قاتىسىپ، جارقىراپ كورىنىپ كەلە جاتقان سپورتشىنى مۇقىم قازاق جاقسى تانيدى. ەندى مىنە، KAZNEWS.MN سايتىنىڭ جازۋىنشا، بۇگىن ۋلاانبااتار قالاسىندا سامبودان ەرەسەكتەر اراسىندا وتكەن موڭعوليا بىرىنشىلىگىندە ءوز سالماعىندا چەمپيون اتانعان.

وتكەن اپتا عانا دزيۋدو كۇرەسىنەن سەلەنگە ايماعىنىڭ ءسۇحبااتار قالاسىندا ەرلەر مەن ايەلدەر اراسىنداعى وتكەن موڭعوليا  چەمپيوناتىندا 100 كەلى سالماقتا بەلدەسكەن سەرىك بەردىمۇرات ۇلى قارسىلاس شىداتپاي التىن مەدال العان بولاتىن. سەرىك بەردىمۇرات ۇلى جارتىلاي فينالدا 2017، 2018 جىلعى ەل چەمپيونى گ.التاناباگانادان باسىم ءتۇسىپ، فينالدىق كەزدەسۋدە قارسىلاسى د.سەرەننيامدى اياقتان ءىلىپ شالۋ ءادىسى بويىنشا ۆازاري ۇپايىمەن جەڭگەن ەدى. ال بۇگىن مىنە، سامبودان موڭعوليا چەمپيونى اتاندى. ەستەرىڭىزگە سالا كەتسەك، سەرىك بەردىمۇرات ۇلى سامبودان ەرەسەكتەر اراسىندا ءۇشىنشى رەت ەل چەمپيونى اتانىپ وتىر. ول، بۇعان دەيىن 2014، 2017 جىلدارى چەمپيون بولعان ەدى. ال دزيۋدو كۇرەسى بويىنشا سەرىك بەردىمۇرات ۇلى 100 كەلى سالماق بويىنشا ەل بىرىنشىلىگىنىڭ 2017 جىلى قولا جۇلدەسىنە يە بولعان بولاتىن. وسىلايشا، ول بايان-ولگيي سپورت تاريحىندا العاش رەت دزيۋدودان ەرەسەكتەر اراسىندا ەل چەمپيونى اتاندى. ەكى اپتادا ەكى سالماق بويىنشا موڭعوليا چەمپيونى اتانعان قازاق بالاسىنا ازىرشە تەڭ كەلەر قارسىلاس جوق.

 

ەلوردادا 20 ەلدەگى قازاق دياسپوراسى باس قوسادى
26 قاراشا 2019
ەلوردادا 20 ەلدەگى قازاق دياسپوراسى باس قوسادى

28-قاراشا كۇنى «وتانداستار قورى» جانە «دۇنيەجۇزى قازاقتارىنىڭ قاۋىمداستىعى» شەت ەلدەردەگى قازاق دياسپوراسىنىڭ تاريحي وتانىمەن مادەني-گۋمانيتارلىق جانە ىسكەرلىك ىنتىماقتاستىعىن ودان ءارى دامىتۋ ءۇشىن جاعداي جاساۋ ماقساتىنداعى مەملەكەتتىك تاپسىرما اياسىندا وتانداستاردىڭ قاتىسۋىمەن «وتانداستار. بولاشاققا باعدار» اتتى حالىقارالىق دونگەلەك ۇستەل وتكىزەدى.

قوردىڭ باسپا ءسوز قىزمەتىنىڭ حابارلاۋىنشا، جيىنعا ق ر پرەمەر-مينيسترىنىڭ ورىنباسارى  ب. ساپاربايەۆ مەن ق ر اقپارات جانە قوعامدىق دامۋ ءمينيسترى د. ابايەۆ قاتىسادى. ەڭ باسىسى — حالىقارالىق شاراعا 20 ەلدەگى قازاق دياسپورالارىنان 150 دەلەگات كەلەدى. «وتانداستار قورى» كەاق پرەزيدەنتى ن. ابىقايەۆ قوردىڭ ىسكە قوسقان جانە جۇزەگە اسىرعان جوبالارى،  ولاردىڭ ناتيجەلەرى، وتانداستارمەن جۇمىستىڭ 2020 جىلعا ارنالعان جوسپارى جايلى ءسوز سويلەيدى. سونىمەن قاتار، شەت ەلدەردەگى قازاق قاۋىمداستىقتارىنىڭ جەتەكشىلەرى دە ءوز ۇيىمدارى جايلى ايتادى. شارا اياسىندا دۇنيەجۇزى قازاقتارىنىڭ قاۋىمداستىعى مەن قور وكىلدەرى قىزمەتتەرىنىڭ نەگىزگى باعىتتارى، ونىڭ ىشىندە شەت ەلدەردەگى قانداستارمەن مادەني-گۋمانيتارلىق جانە ىسكەرلىك بايلانىستى كەڭەيتۋ ءارى نىعايتۋدى كوزدەگەن «وتانداستار» قورىنىڭ نەگىزگى جوبالارىنىڭ ءبىرى «قازاق ءۇيى» قازاق مادەني-ىسكەرلىك ءۇيىنىڭ قۇرامىنا كىرەتىن ىسكەرلىك ۇيلەرى مەن مادەني ورتالىقتارىنىڭ  الەم بويىنشا جەلىسىن قۇرۋ جوسپارى تالقىلانادى. بىرلەسكەن جۇمىستىڭ ناقتى ۇسىنىستارى ازىرلەنەدى. قاتىسۋشىلارعا قازاقستاننىڭ ينۆەستيسيالىق الەۋەتى مەن وڭىرلەردە بيزنەستى دامىتۋ ءۇشىن جاسالعان جاعدايلار جايىندا اقپارات بەرىلەدى.  «اتامەكەن» ىسكەرلىك ءۇيىنىڭ پانەلدىك سەسسياسىندا ىسكەرلىك ءۇيىنىڭ ماقساتى مەن مىندەتى، وتانداستاردى كونسۋلتاسيالىق قولداۋ ورتالىعىنىڭ جۇمىسى جايلى ايتىلادى. شەت ەلدەردە وتكىزىلگەن بيزنەس فورۋمدار قورىتىندىلانادى. تۇركيا، شۆەسيا، ەۋروپا ەلدەرىنەن كەلگەن قانداس كاسىپكەرلەر ءسوز سويلەيدى. «قازاگرو»، «بايتەرەك» حولدينگتەرى مەن «قازاقينۆەست» ۇاق ءوز تاراپتارىنان قانداس كاسىپكەرلەردى قولداۋ مۇمكىندىكتەرىمەن بولىسەدى. شەت ەلدەردەگى ءقازاقتىلدى ب ا ق وكىلدەرىنىڭ قاتىسۋىمەن وتەتىن پانەلدىك سەسسيادا شەت ەلدەردەگى ءقازاقتىلدى ب ا ق پەن جۋرناليستەردىڭ ءوزارا ىنتىماقتاستىق ماسەلەسى تالقىلانادى. «اباي» مادەني ورتالىعىنىڭ پانەلدىك سەسسياسىندا مادەني ورتالىقتىڭ  ماقساتى مەن مىندەتى، شەت ەلدەردە قازاق مادەنيەتى مەن ونەرىن دامىتۋ، ءبىلىم بەرۋ جوبالارىن ىسكە اسىرۋ، ەلىمىزدە تۋريستىك كلاستەردى دامىتۋ جانە ەلىمىزدىڭ تۋريستىك تارتىمدىلىعىن ارتتىرۋ، بارلىق ەلدە قازاق ادەبيەتى ورتالىعىنىڭ جەلىسىن قۇرۋ ماسەلەلەرى تالقىلانادى. «وتانداستار» قورىنىڭ جوباسى – «الەمدەگى تانىمال قازاقتار تۋرالى» كىتابى مەن «مۇزبالاق» انيماسيالىق ءفيلمى تانىستىرىلادى. «جاس قازاق» جاستار كلۋبىنىڭ پانەلدىك سەسسياسىندا شەت ەلدەردەگى قازاق جاستارىن تاريحي وتانىن اينالاسىنا شوعىرلاندىرۋ جانە ولارعا جان-جاقتى قولداۋ كورسەتۋ،  دياسپورالىق جانە جاستار ساياساتى سالاسىنداعى ءوزارا ارەكەتتەستىك جانە سەرىكتەستىك اياسىن كەڭەيتۋ، جاس بەلسەندىلەردى تانىستىرۋ، دوستىعىن نىعايتۋ،  ولاردىڭ بويىندا تاريحي وتانىنا دەگەن پاتريوتتىق سەزىمدەرىن قالىپتاستىرۋ، قازاقستان رەسپۋبليكاسىنىڭ بارلىق جاستار ۇيىمدارىنىڭ ءىس-شارالارىنا دياسپورا وكىلدەرىن قاتىستىرۋ، ءوزارا بىرىككەن جۇمىس جوسپارىن قۇرىپ، بىرلەسە جۇمىس ىستەۋ ماسەلەسى تالقىلانادى. «قازاق ەلى» جاستار كلۋبى جۇمىسىنىڭ جوسپارى بەكىتىلەدى. 

 

«اتامەكەن» شەت ەلدەردە تۇراتىن ەتنيكالىق قازاقتاردى قولدايدى
24 قاراشا 2019
«اتامەكەن» شەت ەلدەردە تۇراتىن ەتنيكالىق قازاقتاردى قولدايدى

«اتامەكەن» ۇكپ جانە «وتانداستار قورى» كوممەرسيالىق ەمەس اكسيونەرلىك قوعامى اراسىندا ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويۋ ءراسىمى ءوتتى.

قوردىڭ باسپا ءسوز قىزمەتىنىڭ حابارالۋىنشا، كەلىسىمگە «وتانداستار» قورىنىڭ پرەزيدەنتى نۇرتاي ابىقايەۆ پەن پالاتانىڭ باسقارما ءتوراعاسى ابىلاي مىرزاحمەتوۆ قول قويدى.

اتاپ وتەيىك، «وتانداستار» قورى - شەت ەلدەردە تۇراتىن ەتنيكالىق قازاقتار مەن وتانداستاردى قولداۋ جۇمىسى بويىنشا مەملەكەتتىك ورگاندار جانە ۇكىمەتتىك ەمەس ۇيىمدارمەن ناقتى باعىتتاردى ايقىنداپ، سەرىكتەستىك تانىتىپ قىزمەت ەتىپ كەلە جاتقان ۇيىم.

مەموراندۋم «اتامەكەن» ۇكپ مەن قوردىڭ كوپتەگەن باعىتتا تىعىز بايلانىستا جۇمىس اتقارۋى ءۇشىن قۇقىقتىق نەگىز بەكىتتى. ماسەلەن، قۇرىلىمىندا call-ورتالىق پەن وڭىرلىك قوعامدىق قابىلداۋى بار ۇيىمنىڭ وتانداستاردى اقپاراتتىق قولداۋ ورتالىعىنا «اتامەكەندە» جيناقتالعان كاسىپكەرلىك تۋرالى ءبىلىم بانكىن پايدالانۋ، بيزنەستى قۇرۋ جانە دامىتۋ، پالاتا جۇزەگە اسىراتىن باعدارلامالار بويىنشا وقۋ، ينۆەستورلار مەن ستارتاپتاردى ىزدەۋ مۇمكىندىگى تۋدى.

سونىمەن قاتار ىنتىماقتاستىق اياسىندا «مەنىڭ اتامەكەنىم» جانە بيزنەس سالاسىنداعى شەتەلدىك قازاقتاردىڭ ۇيىمدارىن الەم بويىنشا ءبىر جەلىگە بىرىكتىرەتىن «اتامەكەن» ىسكەرلىك ءۇيى» جوباسىن ىسكە اسىرۋ ماسەلەلەرى دە قامتىلدى. ەتنيكالىق قازاقتاردىڭ تاريحي وتانىنا جاپپاي كوشۋىن ىنتالاندىرۋدى قاراستىراتىن «تەمىر قازىق» باعدارلاماسىنا دەربەس باسىمدىق بەرىلدى.

«وتانداستار» قورى مەن «اتامەكەن» ۇكپ بىرلەسكەن جۇمىسىنىڭ الداعى باعىتتارى «وتانداستار. بولاشاققا باعدار» حالىقارالىق دوڭگەلەك ۇستەل اياسىندا وتەتىن «اتامەكەن» ىسكەرلىك ءۇيىنىڭ» پانەلدىك سەسسياسىندا كەزىندە ناقتىلانادى.  اتالعان شارا بيىل 28 قاراشادا نۇر-سۇلتان قالاسىندا وتەدى، جيىنعا 20 ەلدەگى قازاق دياسپوراسىنان 150 دەلەگات قاتىسادى.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.