پرەزيدەنتتىڭ تاپسىرمالارىن ورىنداۋ شەڭبەرىندە قازاقستاندا ەلگە قايتارىلعان زاڭسىز شىعارىلعان اكتيۆتەر ەسەبىنەن الەۋمەتتىك جوبالاردى ىسكە اسىرۋ بويىنشا جۇمىس جالعاسىپ جاتىر. ۇكىمەت ارناۋلى مەملەكەتتىك قوردان شىمكەنت قالاسىنداعى «سايرام كومەكشى مەكتەپ-ينتەرنات-كوللەدجى» كەشەنى ءۇشىن جاتاقحانا سالۋعا 2،6 ملرد تەڭگەدەن استام قاراجات ءبولدى. بۇل تۋرالى ۇكىمەتتىڭ باسپا ءسوز قىزمەتى حابارلادى.

ۇكىمەتتىڭ باسپا ءسوز قىزمەتى حابارلاعانداي، عيمارات 300 ورىنعا ەسەپتەلگەن. جوبادا ۇلدار مەن قىزدارعا ارنالعان بولەك بلوكتار، مەديسينالىق بلوك، اسحانا، ويىن بولمەلەرى جانە باسقالارى قاراستىرىلعان.

جاتاقحانا بارلىق زاماناۋي تالاپتارعا ساي بولادى. بۇگىندە «سايرام كومەكشى مەكتەپ-ينتەرنات-كوللەدجى» ارنايى كەشەنىندە 363 ادام وقىپ جاتىر. جاڭا عيماراتتىڭ قۇرىلىسى 120 وقۋشىعا ارنالعان جاتاقحاناداعى ورىن تاپشىلىعىن جويۋعا مۇمكىندىك بەرەدى. نىسان 1975 جىلى سالىنعان. قازىرگى ۋاقىتتا ورىن تاپشىلىعىنا بايلانىستى وقۋ ورنىنداعى كەيبىر كابينەتتەر بالالارعا ارنالعان جاتىن بولمەلەرى رەتىندە قاراستىرىلعان.

67 وقۋشى ۇيدە وقۋعا ءماجبۇر. جاڭا جاتاقحانا بالالاردىڭ ءومىر سۇرۋىنە جانە ولاردىڭ ساپالى ءبىلىم الۋىنا قولايلى جاعداي جاسايدى.

بۇعان دەيىن ۇكىمەت اقمولا وبلىسىنىڭ زەرەندى اۋىلىندا سپورت كەشەنىن، تۇركىستان وبلىسىنىڭ تەمىرلان اۋىلىندا مۋزىكا مەكتەبىن، ارقالىق قالاسىندا دارىندى سپورتشى بالالارعا ارنالعان سپورت كەشەنىن، استانادا تىرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعىن، الماتىدا ەرەكشە قاجەتتىلىكتەرى بار ادامدارعا ارنالعان جاتتىعۋ ورتالىعىن، اقتوبە قالاسىندا ەرەكشە بالالارعا ارنالعان ارنايى بالاباقشا، اتىراۋ وبلىسىنىڭ جامانسور اۋىلىندا مەكتەپ سالۋ، ريددەر قالاسىندا كوپبەيىندى اۋرۋحانا كەشەنىنىڭ قۇرىلىسىن اياقتاۋ سەكىلدى جوبالاردى ىسكە اسىرۋ ءۇشىن قاراجات ءبولۋ تۋرالى شەشىم قابىلداعان بولاتىن. جۇمىس جالعاسىپ جاتىر.

شىمكەنت قالاسىنداعى سايرام كومەكشى مەكتەپ-ينتەرنات-كوللەدجىنىڭ تاربيەلەنۋشىلەرى ءۇشىن 300 ورىندىق جاتاقحانا سالىنادى. ۇكىمەت ارناۋلى مەملەكەتتىك قوردان وسى ماقساتتارعا 2،6 ملرد تەڭگەدەن استام قارجى ءبولدى. وسىنىڭ ارقاسىندا جاتاقحانادا ورىن تاپشىلىعى ماسەلەسى شەشىلەدى. قازىرگى جاتاقحانا تەك 120 ادامعا ارنالعان، وقۋشىلار سانى – 363، ال 67 وقۋشى ۇيدە وقۋعا ءماجبۇر.

«بۇل جەردەگى ەڭ قيىن ماسەلە – جاتاقحانا. 120 بالاعا ارنالعان عيماراتتا 360 بالا ونىڭ ىشىندە ەرەكشە قاجەتتىلىكتەرى بار بالالار وقىپ، تۇرىپ جاتىر. ماسەلەنى شەشۋ ءۇشىن 300 ورىنعا ەسەپتەلگەن جاتاقحانا قۇرىلىسىنا جوبالاۋ-سمەتالىق قۇجاتتاما دايىندالدى. عيمارات قوسىمشا ۇي-جايلارمەن جابدىقتالادى»، — دەپ اتاپ ءوتتى شىمكەنت قالاسى ءبىلىم باسقارماسىنىڭ مامانى ەرلان ءپىرىمقۇلوۆ.

زاماناۋي جاتاقحانا سالۋ ەرەكشە بالالارعا ارنالعان مەكەمەنىڭ باستى ماسەلەسىن شەشەدى.

«مەنىڭ ەرەكشە بالام ءۇشىنشى سىنىپتا وقىپ جاتىر. ەگەر مۇندا زاماناۋي جاتاقحانا سالىنسا، بارلىق اتا-انا العىسىن بىلدىرەر ەدى. مەملەكەت تاراپىنان بۇگىنگى تاڭدا بۇل ءبىلىم بەرۋ مەكەمەسىنە قولداۋ كورسەتىلەدى، قاجەتتى جابدىقتار، جاقسى وقۋ-ادىستەمەلىك بازا بار. مۇنداعى ماسەلە تەك جاتاقحاناداعى ورىنداردىڭ جەتىسپەۋشىلىگىندە. وسى قاجەتتىلىك جاقىن ارادا شەشىلەدى دەپ ۇمىتتەنەمىز»، - دەيدى شىمكەنت قالاسى «سايرام كومەكشى مەكتەپ-ينتەرنات-كوللەدجى» تاربيەلەنۋشىسىنىڭ اناسى ديلنورا حادجيمەتوۆا.

 https://kaz.inform.kz/news/shimkentte-zansiz-shigarilgan-aktivter-esebnen-300-orindik-zhatakhana-salinadi-a99982/