بۇگىن قازاقستان رەسپۋبليكاسى ورتالىق سايلاۋ كوميسسياسىنا قازاقستان رەسپۋبليكاسىنىڭ پرەزيدەنتىنىڭ كەزەكتەن تىس سايلاۋىنا كانديداتتاردى ۇسىنۋ اياقتالدى. 9 ماۋسىمدا بولاتىن الامانعا قاتىسۋ ءۇشىن ساياسي پارتيالار مەن قوعامدىق ۇيىمدار اتىنان ۇسىنىلعان 9 ۇمىتكەر كىمدەر؟
ورتالىق سايلاۋ كوميسسياسى باسپا ءسوز حابارلاماسىنا ساي، ورتالىق سايلاۋ كوميسسياسىمەن سايكەستىگى انىقتالعان ءتورت كانديدات قازىرگى ۋاقىتتا ءوز قولداۋىنا قولدارىن جينايدى. 12 وبلىستا، رەسپۋبليكالىق ماڭىزى بار قالالاردا، استانادا كەمىندە 118 140 قول جينالۋى قاجەت. باسقا كانديداتتاردىڭ زاڭناماعا سايكەستىگى الداعى كۇندەرى انىقتالادى.
قول جيناۋدان باسقا كانديداتتار قازىرگى ۋاقىتتا «قازاقستان رەسپۋبليكاسىنىڭ پرەزيدەنتتىگىنە كانديداتتىڭ دەنساۋلىعىنىڭ جاي-كۇيى تۋرالى مەديسينالىق قورىتىندىعا قويىلاتىن تالاپتاردى جانە قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋگە كەدەرگى كەلتىرەتىن اۋرۋلاردىڭ تىزبەسىن بەكىتۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2019 جىلعى 13 ساۋىردەگى № 12/236 نورماتيۆتىك قاۋلىسى جانە قازاقستان رەسپۋبليكاسى دەنساۋلىق ساقتاۋ ءمينيسترىنىڭ بىرلەسكەن بۇيرىعىنا سايكەس دەنساۋلىق جاعدايىن مەديسينالىق كۋالاندىرۋدان وتە الادى، سونداي-اق زايىبىمەن نەمەسە جۇبايىمەن بىرگە تۇرعىلىقتى جەرى بويىنشا مەملەكەتتىك كىرىس ورگاندارىنا ۇسىنۋ مەرزىمى باستالعان ايدىڭ ءبىرىنشى كۇنىنە كىرىستەرى مەن مۇلكى تۋرالى دەكلاراسيانى ۇسىنۋعا مىندەتتى.
كانديداتتاردى تىركەۋ كەزەڭى 11 مامىردا ساعات 18-00-گە دەيىن جالعاسادى.
ال ەندى 9 ۇمىتكەرلەرگە بارىنشا توقتالىپ، ولار تۋرالى بار مالىمەتتى تىزبەكتەپ كورەيىك.
1. تۇگەل سادى-بەك، 64 جاستا
1955 جىلى 1 ناۋرىزدا شىعىس قازاقستان وبلىسى ۇلان اۋدانى امانگەلدى اۋىلىندا تۋعان.
ونى 2019 جىلى 17 ساۋىردە "ۇلى دالا قىراندارى" رەسپۋبليكالىق قوعامدىق بىرلەستىگى ۇسىندى.
1955 جىلدىڭ 23ء-شى اقپانىندا شىعىس قازاقستان وبلىسىنىڭ ۇلان اۋدانىنىڭ امانكەلدى اۋىلىندا دۇنيەگە كەلدى.
1980 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن «جۋرناليست» ماماندىعى بويىنشا بىتىرگەن.
ەڭبەك جولىن قاراپايىم جۇمىسشىدان باستادى. ەكى جىل الماتى قالاسىنداعى ماقتا-ماتا ءيىرۋ فابريكاسىندا سلەسار بولىپ جۇمىس ىستەدى. 1977-1978 جىلدارى اۋداندىق «وركەن-راسۆەت» گازەتىندە اۋدارماشى، 1979 جىلدارى ۇلان اۋداندىق اتقارۋ كوميتەتىنىڭ ۇيىمداستىرۋ ءبولىمىنىڭ نۇسقاۋشىسى، 1979-1984 جىلدارى اۋداندىق كومسومول كوميتەتىنىڭ 1ء-شى حاتشىسى، 1984-1988 جىلدارى اۋداندىق پارتيا كوميتەتىنىڭ ۇيىمداستىرۋ ءبولىمىنىڭ مەڭگەرۋشىسى بولىپ قىزمەت ىستەدى.
1988-1990 جىلدارى جوعارى پارتيا مەكتەبىندە ەكى جىل كۇندىزگى بولىمىندە وقىپ، «پوليتولوگ»، «سوسيولوگ» دەگەن ماماندىقتارعا يە بولدى. 1990-1992 جىلدارى اۋداندىق باقىلاۋ كوميتەتىنىڭ ءتوراعاسى جانە باسقا دا جاۋاپتى قىزمەتتەردە بولدى. 1992-1994 جىلدارى «ۇلان تاڭى – ۋلانسكيە زوري» گازەتىنىڭ باس رەداكتورى بولىپ جۇمىس ىستەدى. 1994-1998 جىلعا دەيىن الماتى قالاسىندا «قازاقستان تەليەۆيدەنيەسى مەن راديوسى» كورپوراسياسىندا جاۋاپتى قىزمەتتەردى اتقاردى.
1998 جىلدىڭ باسىندا جاڭا ەلوردامىزدىڭ تۇڭعىش باسپا ءسوز حاتشىسى بولىپ تاعايىندالدى.
ساياساتتانۋشى رەتىندە 2001 جىلدان 2002 جىلعا دەيىن رەسپۋبليكالىق حالىقتىق-پاتريوتتىق «مەنىڭ قازاقستانىم» قوزعالىسىنىڭ ءتوراعاسى بولدى. 2002 جىلدان 2004 جىلعا دەيىن حالىقارالىق باسپا ءسوز ورتالىعىنىڭ باسشىسى بولىپ جۇمىس ىستەدى.
2004 جىلدان 2005 جىلدار اراسىندا قازاقستان رەسپۋبليكاسى پارلامەنت سەناتىنىڭ ءبولىم مەڭگەرۋشىسى بولدى.
2004 جىلدان بەرى ق ر ۇلتتىق سپورت تۇرلەرى قاۋىمداستىعىنىڭ 1ء-شى ۆيسە-پرەزيدەنتى، ۇلتتىق ات سپورتى فەدەراسياسىنىڭ پرەزيدەنتى. ق ر جازۋشىلار وداعى، ق ر جۋرناليستەر وداعىنىڭ مۇشەسى. ق ر گۋمانيتارلىق عىلىمدار اكادەمياسىنىڭ اكادەميگى. شىعىس قازاقستان وبلىسى ۇلان اۋدانىنىڭ قۇرمەتتى ازاماتى. قر-نىڭ مادەنيەت قايراتكەرى، قر-نىڭ ەڭبەك سىڭىرگەن جاتتىقتىرۋشىسى.
2003–2005 جج. قازاقستان رەسپۋبليكاسى پارلامەنتى سەناتىنىڭ بۇقارالىق اقپاراتپەن بايلانىس ءبولىمىنىڭ مەڭگەرۋشىسى بولىپ قىزمەت ەتكەن. ءقازىر ق ر ۇلتتىقات سپورتى تۇرلەرى فەدەراسياسىنىڭپرەزيدەنتى بولىپ قىزمەت اتقارادى.
2. توقايەۆ قاسىم-جومارت كەمەل ۇلى، 65 جاستا
1953 جىلى 17 مامىردا الماتى قالاسىندا تۋعان.
2019 جىلعى 23 ساۋىردە "Nur Otan "پارتياسى" قوعامدىق بىرلەستىگى ۇسىنعان.
1953 جىلى 17 مامىردا الماتى قالاسىندا تۋعان. اكەسى – كەمەل توقاي ۇلى توقايەۆ (1923-1986) ۇلى وتان سوعىسىنىڭ ارداگەرى، بەلگىلى جازۋشى، قازاق ادەبيەتىنىڭ دەتەكتيۆتى-شىتىرمان وقيعالى جانرىنىڭ نەگىزىن قالاۋشى. شەشەسى – تۇرار شاباربايەۆا (1931-2000) الماتى شەت تىلدەرى پەداگوگيكالىق ينستيتۋتىندا قىزمەت ەتكەن.
ق.ك.توقايەۆ 1975 جىلى ماسكەۋ مەملەكەتتىك حالىقارالىق قاتىناستار ينستيتۋت بىتىرگەن. كسرو-نىڭ جۇڭگو حالىق رەسپۋبليكاسىنداعى ەلشىلىگىندە ديپلوم الدىنداعى تاعىلىمدامادان وتكەن. 1983-1984 جىلدار ارالىعىندا بەيجىڭ لينگۆيستيكا ينستيتۋتىندا تاعىلىمدامادان ءوتتى. 1992 جىلى رەسەي فەدەراسياسى سىرتقى ىستەر مينيسترلىگىنىڭ ديپلوماتيالىق اكادەمياسىن ءتامامدادى.
ەڭبەك جولىن 1975 جىلى كسرو-نىڭ سىرتقى ىستەر مينيسترلىگىندە باستاپ، كەڭەس وداعىنىڭ سينگاپۋر رەسپۋبليكاسىنداعى ەلشىلىگىنە جۇمىسقا جولدانعان. 1979 جىلى كسرو سىرتقى ىستەر مينيسترلىگىنىڭ اپپاراتىنا ورالادى. 1984-1985 جىلدار ارالىعىندا كسرو سىرتقى ىستەر مينيسترلىگىندە قىزمەت اتقارىپ، كەيىننەن كەڭەس وداعىنىڭ جۇڭگو حالىق رەسپۋبليكاسىنداعى ەلشىلىگىنە جىبەرىلدى. وندا 1991 جىلعا دەيىن ەكىنشى حاتشى، ءبىرىنشى حاتشى جانە كەڭەسشى لاۋازىمدارىندا قىزمەت ىستەيدى.
1992 جىلى قازاقستان رەسپۋبليكاسىنىڭ سىرتقى ىستەر ءمينيسترىنىڭ ورىنباسارى بولىپ تاعايىندالادى. 1993 جىلى قازاقستان رەسپۋبليكاسىنىڭ سىرتقى ىستەر ءمينيسترىنىڭ ءبىرىنشى ورىنباسارى بولدى. 1994 جىلى ەلىمىزدىڭ سىرتقى ىستەر ءمينيسترى بولىپ تاعايىندالادى. 1999 جىلعى ناۋرىزدا قازاقستان رەسپۋبليكاسى پرەمەر-مينيسترىنىڭ ورىنباسارى بولدى. 1999 جىلعى قازاندا پارلامەنتتىڭ كەلىسىمى بويىنشا قازاقستان رەسپۋبليكاسى پرەزيدەنتىنىڭ جارلىعىمەن پرەمەر-مينيستر بولىپ تاعايىندالدى. 2002 جىلعى قاڭتاردا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى بولدى. 2003-2007 جىلدارى – قازاقستان رەسپۋبليكاسىنىڭ سىرتقى ىستەر ءمينيسترى. بۇل قىزمەتتە جاھاندىق يادرولىق قارۋ-جاراقتى تاراتپاۋ ۇدەرىسىنە بەلسەندى اتسالىستى.
2007 جىلعى قاڭتاردا قازاقستان رەسپۋبليكاسى پارلامەنت سەناتىنىڭ ءتوراعاسى بولىپ سايلاندى. 2008 جىلى قازاقستان پارلامەنتىنىڭ جوعارى پالاتاسىنىڭ سپيكەرى رەتىندە ەقىۇ پارلامەنتتىك اسسامبلەياسىنىڭ ۆيسە-پرەزيدەنتى بولىپ سايلاندى.
2011 جىلعى ناۋرىزدا بۇۇ باس حاتشىسىنىڭ ورىنباسارى، بۇۇ-نىڭ جەنيەۆاداعى بولىمشەسىنىڭ باس ديرەكتورى، سونداي-اق قارۋسىزدانۋ جونىندەگى كونفەرەنسيادا بۇۇ باس حاتشىسىنىڭ جەكە وكىلى بولىپ تاعايىندالدى. سونىمەن قاتار قارۋسىزدانۋ جونىندەگى كونفەرەنسيانىڭ باس حاتشىسى لاۋازىمىن اتقاردى. تمد-نىڭ جانە شانحاي ىنتىماقتاستىق ۇيىمىنىڭ سىرتقى ىستەر مينيسترلەرى كەڭەسىنىڭ ءتوراعاسى بولىپ سايلاندى.
2013 جىلعى 16 قازاندا قازاقستان رەسپۋبليكاسى پارلامەنت سەناتىنىڭ ءتوراعاسى بولىپ قايتا سايلاندى.
2019 جىلعى 20 ناۋرىزدا قازاقستان رەسپۋبليكاسىنىڭ پرەزيدەنتى رەتىندە انت قابىلدادى.
2007 جىلدان باستاپ «نۇر وتان» پارتياسىنىڭ جانە وسى پارتيانىڭ ساياسي كەڭەسى بيۋروسىنىڭ مۇشەسى. قازاقستان رەسپۋبليكاسى قاۋىپسىزدىك كەڭەسىنىڭ مۇشەسى. توتەنشە جانە وكىلەتتى ەلشى. ساياسي عىلىمدارىنىڭ دوكتورى. دۇنيەجۇزىلىك گۋمانيتارلىق جانە جاراتىلىستانۋ عىلىمدارى اكادەمياسىنىڭ تولىق مۇشەسى. قاۋىپسىزدىك جونىندەگى ميۋنحەن كونفەرەنسياسى «عۇلامالار كەڭەسىنىڭ» مۇشەسى. شەنچجەن ۋنيۆەرسيتەتىنىڭ (قحر) جانە رەسەي فەدەراسياسىنىڭ سىرتقى ىستەر مينيسترلىگى ديپلوماتيالىق اكادەمياسىنىڭ قۇرمەتتى پروفەسسورى. قازاقستاننىڭ حالىقارالىق قاتىناستار جونىندەگى كەڭەسىنىڭ قۇرمەتتى پرەزيدەنتى. جەنيەۆا ديپلوماتيا جانە حالىقارالىق قاتىناستار مەكتەبىنىڭ قۇرمەتتى دەكانى. رەسەي بيوگرافيالىق قوعامىنىڭ تۇجىرىمى بويىنشا 2018 جىلدىڭ «جىل ادامى» لاۋرەاتتارىنىڭ تىزىمىنە ەنگەن. 13 جىل بويى قازاقستاننىڭ ۇستەل تەننيسى فەدەراسياسىن باسقاردى.
حالىقارالىق قاتىناستار ماسەلەلەرىنە ارنالعان 10 كىتاپتىڭ اۆتورى.
قازاقستان رەسپۋبليكاسىنىڭ جانە شەت ەلدەردىڭ كوپتەگەن مەملەكەتتىك ناگرادالارىمەن، سونداي-اق مەدالدارمەن ماراپاتتالعان.
سالاماتتى ءومىر سالتىن ۇستانادى. كوركەم شىعارمالاردى، ساياسي جانە مەمۋارلىق باعىتتاعى ادەبيەتتەردى وقىعاندى ۇناتادى.
اجىراسقان.
ۇلى – تيمۋر.
3. تاسپيحوۆ امانگەلدى ساتىبالدى ۇلى، 59 جاستا
1959 جىلى 20 قاراشادا باتىس قازاقستان وبلىسى كازتال اۋدانى قۋشانكول اۋىلىندا دۇنيەگە كەلگەن.
2019 جىلعى 24 ساۋىردە«قازاقستان رەسپۋبليكاسى كاسىپوداقتار فەدەراسياسى» رەسپۋبليكالىق كاسىپوداقتار بىرلەستىگى ۇسىندى.
تاسپيحوۆ امانگەلدى ساتىبالدى ۇلى 1959 جىلى 20 قاراشادا باتىس قازاقستان وبلىسىندا دۇنيەگە كەلگەن. لەنين اتىنداعى قازاق پوليتەحنيكالىق ينستيتۋتىن ينجەنەر-مەحانيك ماماندىعى بويىنشا بىتىرگەن. ەڭبەك جولىن 1982 جىلى الماتى كولىك قۇراستىرۋ زاۋىتىندا ينجەنەر-تەحنولوگ بولىپ باستاعان. ءار جىلدارى مەملەكەتتىك قىزمەتتە باسشىلىق لاۋازىمداردا جۇمىس اتقارىپ، بيزنەس-قۇرىلىمداردا دا ەڭبەك ەتكەن. باتىس قازاقستان وبلىستىق ءماسليحاتىنىڭ، سونداي-اق ق ر پارلامەنتى سەناتى مەن ءماجىلىسىنىڭ دەپۋتاتى بولعان. 2019 جىلدان باستاپ باتىس قازاقستان وبلىسى كاسىپوداقتارىنىڭ اۋماقتىق بىرلەستىگىنىڭ ءتوراعاسى. «قۇرمەت» وردەنىمەن (2005 جىلى)، مەدالدارمەن ماراپاتتالعان. ۇيلەنگەن، ەكى بالاسى بار.
4. ەسپايەۆا دانيا ءمادي قىزى، 58 جاستا
1961 جىلى 5 ناۋرىزدا اقتوبە وبلىسى مارتوك اۋدانى جايساڭ اۋىلىندا دۇنيەگە كەلگەن.
2019 جىلعى 25 ساۋىردە "اق جول "قازاقستاننىڭ دەموكراتيالىق پارتياسى" قوعامدىق بىرلەستىگى ۇسىنعان.
ەسپايەۆا ءدانيا مادي قىزى 1961 جىلى 5 ناۋرىزدا دۇنيەگە كەلگەن. تۇرمىس قۇرعان، ەكى بالاسى بار. الماتى ەسەپ-كرەديت تەحنيكۋمىن (1982)، قازاق مەملەكەتتىك باسقارۋ اكادەمياسىن بىتىرگەن، الماتى ق-سى، (1993) (ماماندىعى «ەكونوميست»). اقتوبە وبلىستىق ءماسليحاتىنىڭ دەپۋتاتى، وتباسى جانە ايەلدەر ىستەرى جونىندەگى كوميسسيا مۇشەسى (08.2008، 2012-2016 قايتا سايلاندى)، «اق جول» پارتياسى اتىنان پارلامەنت ءماجىلىسى دەپۋتاتتىعىنا كانديدات (05.02.2016)، «اق جول» پارتياسىنان VI شاقىرىلىمداعى پارلامەنت ءماجىلىسىنىڭ دەپۋتاتى، ق ر پارلامەنت ءماجىلىسىنىڭ قارجى جانە بيۋدجەت جونىندەگى كوميتەتىنىڭ مۇشەسى (24.03.2016 باستاپ). «قۇرمەت» وردەنى (2011)، ق ر تاۋەلسىزدىگىنىڭ 20 جىلدىعى، «ۇزدىك قارجىگەر» مەدالدارىمەن ماراپاتتالعان.
5. راقىمبەكوۆ تولەۋتاي ساتاي ۇلى، 54 جاستا
1964 جىلى 19 شىلدەدە قاراعاندى وبلىسى جاڭاارقا اۋدانى اتاسۋ كەنتىندە دۇنيەگە كەلگەن.
2019 جىلعى 25 ساۋىردە "اۋىل "حالىقتىق – دەموكراتيالىق پاتريوتتىق پارتياسى" قوعامدىق بىرلەستىگىنەن ۇسىنىلدى.
تولەۋتاي راحىمبەكوۆ 1964 جىلى 19 شىلدەدە قاراعاندى وبلىسىندا دۇنيەگە كەلگەن. ينجەنەر-مەحانيك، زاڭگەر ماماندىعى بويىنشا قازاق اۋىل شارۋاشىلىق ينستيتۋتىن، ە. ا. بۇكەتوۆ اتانداعى قاراعاندى مەملەكەتتىك ۋنيۆەرسيتەتىن بىتىرگەن. قازۇعا اكادەميگى، ەكونوميكا عىلىمدارىنىڭ دوكتورى، قۇرىلىس ماگيسترى.
ەڭبەك جولىن 1986 جىلى قازاق اۋىل شارۋاشىلىعى ينستيتۋتىنىڭ كىشى عىلىمي قىزمەتكەرى، اسپيرانتى بولىپ باستادى.
1987-1989 ج. ج. – "سەلحوزتەحنيكا" جاڭاارقا اب ينجەنەرى، شەبەرى، اعا شەبەرى، اعا ينجەنەر-تەحنولوگ»؛
- اۋىل شارۋاشىلىعىن ەلەكترلەندىرۋ عزي اسپيرانتى؛
- جەزقازعان قالاسىندا ءبىرقاتار كوممەرسيالىق قۇرىلىمداردى باسقاردى؛
- قاراعاندى وبلىسى ساتبايەۆ قالاسى اكىمىنىڭ ورىنباسارى؛
- جەزقازعان مەملەكەتتىك ۋنيۆەرسيتەتىنىڭ دوسەنتى؛
2002-2006 جىلدارى-باسقارما باستىعى، اوك جانە اۋىلدىق اۋماقتاردى دامىتۋدى تالداۋ جانە مەملەكەتتىك رەتتەۋ دەپارتامەنتىنىڭ ديرەكتورى، اۋىل شارۋاشىلىعى ونىمدەرىن قايتا وڭدەۋ، كەدەن-تاريفتىك ساياسات جانە دسۇ دەپارتامەنتىنىڭ ديرەكتورى، قازاقستان رەسپۋبليكاسى اۋىل شارۋاشىلىعى مينيسترلىگىنىڭ اۋىل شارۋاشىلىعى ونىمدەرى نارىعىن رەتتەۋ دەپارتامەنتىنىڭ ديرەكتورى؛
- قازاقستان رەسپۋبليكاسى كولىك جانە كوممۋنيكاسيا مينيسترلىگى كولىك ساياساتى جانە حالىقارالىق ىنتىماقتاستىق دەپارتامەنتىنىڭ ديرەكتورى؛
2007-2009 جج. - " قازاگرويننوۆاسيا "اق پرەزيدەنتى؛
2009 ج. - ق ر پرەمەر-مينيسترى ورىنباسارىنىڭ كەڭەسشىسى؛
2009 ج. - تكش "قازورتالىعى" اق ءتوراعاسى»؛
- قاراعاندى وبلىسى اكىمىنىڭ ورىنباسارى؛
2011-2013 جج. – "تكش قازورتالىعى" اق ءتوراعاسى»؛
"تكش جانە قۇرىلىس ۇلتتىق پالاتاسى" زتب باسقارما ءتوراعاسى»؛
"اتامەكەن" ق ر ۇكپ اگروكومپانيالار ورتالىعىنىڭ ديرەكتورى»؛
پرەمەر-مينيستردىڭ ورىنباسارى – اۋىل شارۋاشىلىعى ءمينيسترىنىڭ كەڭەسشىسى؛
2017 جىلعى ساۋىردەن شىلدەگە دەيىن-قر اۋىل شارۋاشىلىعى ۆيسە-مينيسترى؛
2017 جىلدىڭ قىركۇيەك ايىنان باستاپ "قارجى" كافەدراسىنىڭ پروفەسسورى. س. سەيفۋللين.
2019 جىلدان بەرى «ۇلتتىق اگرارلىق ءعىلىمي-بىلىم بەرۋ ورتالىعى» كەاق باسقارما ءتوراعاسى.
"قۇرمەت" وردەنىمەن، قازاقستان رەسپۋبليكاسىنىڭ قۇرمەت گراموتاسىمەن ماراپاتتالعان.
قاراعاندى وبلىستىق ءماسليحاتىنىڭ دەپۋتاتى (1999-2003). 2 مەدالمەن، ق ر قۇرمەت گراموتاسىمەن ماراپاتتالعان. ۇيلەنگەن. جۇبايى - راحىمبەكوۆا سالتانات تەمىرقۇل قىزى. قىزدارى - ءاليا (1987 جىلى تۋعان)، ايبوتا (1996 جىلى تۋعان).
6. احمەتبەكوۆ جامبىل اۋجان ۇلى، 58 جاستا
1961 جىلى 11 اقپاندا اقمولا وبلىسى قورعالجىڭ اۋدانى جانتەكە اۋىلىندا دۇنيەگە كەلگەن.
"قازاقستان كوممۋنيستىك حالىق پارتياسى" قوعامدىق بىرلەستىگىنەن 2019 جىلى 26 ساۋىردە ۇسىنىلدى.
قكحپ ورتالىق كوميتەتى ساياسي بيۋروسىنىڭ مۇشەسى
دەپۋتات، ق ر پارلامەنتى ماجىلىسىندەگى «حالىق كوممۋنيستەرى» فراكسياسى جەتەكشىسىنىڭ ورىنباسارى
1961 جىلدىڭ 11 اقپانىندا سەلينوگراد وبلىسى، قورعالجىن اۋدانى، جانتەكە اۋىلىندا دۇنيەگە كەلگەن
ءبىلىمى: سەلينوگراد اۋىل شارۋاشىلىعى ينستيتۋتى (1983)
قازاقستان مەنەدجمەنت، ەكونوميكا جانە بولجاۋ ينستيتۋتى (1994)
ەڭبەك جولى: قورعالجىن سوۆحوزىنىڭ مەحانيگى (1983)؛ قازاقستان كومپارتياسى قورعالجىن اۋداندىق كوميتەتىنىڭ يدەولوگيا ءبولىمىنىڭ نۇسقاۋشىسى (1987-1990)؛ قازاقستان لكجو اك ءبىرىنشى حاتشىسى (1990-1992)؛ قاراعاندى وبلىسى تەڭىز اۋداندىق اكىمدىگى مادەنيەت ءبولىمىنىڭ مەڭگەرۋشىسى (1992-1994)؛ اقمولا وبلىسى قورعالجىن اۋداندىق اكىمدىگى جاستار ءىسى، تۋريزم جانە سپورت ءبولىمىنىڭ مەڭگەرۋشىسى (1994-1995)؛ قورعالجىن اۋداندىق اكىمدىگى مادەنيەت ءبولىمىنىڭ مەڭگەرۋشىسى (1995-1998)؛ اقمولا وبلىستىق «سۇڭقار» اسكەري-تەحنيكالىق ليسەيىنىڭ ۆزۆود كومانديرى، ديرەكتوردىڭ اسكەري-تەحنيكالىق دايىندىق جونىندەگى ورىنباسارى (1998-2001)؛ اۋداندىق ءبىلىم بەرۋ ءبولىمىنىڭ العاشقى اسكەري دايىندىق جانە سپورت جونىندەگى ادىسكەرى (2001-2005)؛ اۋدان اكىمى اپپاراتىنىڭ باس مامانى، ۇيىمداستىرۋ-باقىلاۋ ءبولىمىنىڭ باستىعى (2002-2005)؛ 2012 جىلدان باستاپ قازاقستان رەسپۋبليكاسى پارلامەنت ءماجىلىسىنىڭ V، VI شاقىرىلىمىنىڭ دەپۋتاتى (الەۋمەتتىك-مادەني دامۋ كوميتەتى)
پارتيالىق قىزمەتى: قكحپ ورتالىق كوميتەتى اپپاراتىنىڭ جەتەكشىسى (2005-2007)؛ قكحپ وك حاتشىسى؛ قازاقستان رەسپۋبليكاسى پرەزيدەنتتىگىنە ۇمىتكەر (2011)
7. قوسانوۆ ءامىرجان ساعيدراحمان ۇلى، 54 جاستا
1964 جىلى 13 مامىردا قىزىلوردا وبلىسى ارال اۋدانى ساپاق ستانسياسىندا دۇنيەگە كەلگەن.
"ۇلت تاعدىرى "بىرىككەن ۇلتتىق-پاتريوتتىق قوزعالىسى" قوعامدىق بىرلەستىگىنەن 2019 جىلى 26 ساۋىردە ۇسىنىلدى.
قوسانوۆ ءامىرجان ساعيدراحمان ۇلى 1964 جىلى 13 مامىردا قىزىلوردا وبلىسى ساپاق اۋىلىندا دۇنيەگە كەلگەن. كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىندە ءبىلىم العان.
1989 جىلى ۋنيۆەرسيتەتتى بىتىرگەن سوڭ “سوسياليستىك قازاقستان” گازەتىندە ءتىلشى بولىپ قىزمەت اتقارعان.
1991 جىلى قازاقستان رەسپۋبليكاسىنىڭ جاستار ءىسى جونىندەگى مەملەكەتتىك كوميتەتتە قىزمەت اتقارعان.
ءامىرجان قوسانوۆ 1964 جىلى قىزىلوردا وبلىسى ساپاق اۋىلىندا دۇنيەگە كەلگەن. بەلگىلى ساياساتكەر. نەگىزگى ماماندىعى جۋرناليست. 1994-1997 جىلدارى اكەجان قاجىگەلدين باسقارعان ۇكىمەتتىڭ باسپا ءسوز حاتشىسى بولدى. 1998 جىلى قاجىگەلدين باسقارعان قازاقستان حالىق پارتياسى ءتوراعاسىنىڭ ورىنباسارى، 2005 جىلى جالپىۇلتتىق سوسيال-دەموكراتيالىق پارتيا ءتوراعاسىنىڭ ورىنباسارى قىزمەتىن اتقاردى. «ازات» جالپىحالىقتىق سوسيال-دەموكراتيالىق پارتياسىنىڭ باس حاتشىسى بولدى. 2009 جىلى جسدپ مەن ازات پارتيالارى قوسىلدى. پارتيا باسشىلىعىندا بولدى. كەيىن وپپوزيسيالىق ۇيىمداردان كوڭىلى قالعان ساياساتكەر ۇلتشىلدار قاتارىنا قوسىلدى. 2018 جىلدىڭ مامىر ايىندا "جاڭا قازاقستان فورۋمى" قوعامدىق ۇيىمى قۇرىلىپ، وعان "ۇلت تاعدىرى"، "التىنبەك سارسەنباي ۇلى قورى"، "بولاشاق" جاستار قوزعالىسى ءتارىزدى بىرنەشە قوعامدىق ۇيىم بىرىكتى. ءامىرجان قوسانوۆ ءقازىر اتالعان ۇيىمنىڭ مۇشەسى.
8. ەرعالييەۆ تالعات فايزۋللا ۇلى، 52 جاستا
1966 جىلى 15 شىلدەدە اقمولا وبلىسى قورعالجىڭ اۋدانى جانتەكە اۋىلىندا دۇنيەگە كەلگەن.
"قازاقستان قۇرىلىسشىلار وداعى" زاڭدى تۇلعالار بىرلەستىگى 2019 جىلدىڭ 27 ساۋىرىندە ۇسىنىلدى.
1966 جىلى سەلينوگراد وبلىسىندا تۋعان. اگروتەحنيكالىق ۋنيۆەرسيتەتتى بىتىرگەن، ينجەنەر-مەحانيك. وقىتۋشى بولىپ جۇمىس ىستەگەن جانە كاسىپكەرلىك قىزمەتپەن اينالىسقان.
1991-1992 جج. – قازاق مەملەكەتتىك اگروتەحنيكالىق ۋنيۆەرسيتەتىنىڭ وقىتۋشىسى، ينجەنەرلىك-پەداگوگيكالىق فاكۋلتەتى دەكانىنىڭ ورىنباسارى.
1993-1999 جج. – ساۋدا كومپانياسىنىڭ ديرەكتورى.
1999-2002 جج. – قاراشاعاناق كەن ورنىندا «اكسايينۆەستستروي» كومپانياسىنىڭ باسشىسى.
2004 جىلى «سترويكلاسس» قك ءجشس-ىن قۇرعان، جوبا-مەنەدجەرى.
2010 جىلدان بەرى «اق جول» قازاقستان دەموكراتيالىق پارتياسى ورتالىق كەڭەسىنىڭ وڭىرلىك ساياسات بويىنشا حاتشىسى.
2012-2016 جىلدارى بەسىنشى شاقىرىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «اق جول» قازاقستان دەموكراتيالىق پارتياسىنىڭ مۇشەسى، پارتيالىق ءتىزىم بويىنشا سايلانعان.
2017 جىلدان بەرى "قازاقستان قۇرىلىسشىلار وداعى" زاڭدى تۇلعالار بىرلەستىگىنىڭ ءتوراعاسى.
ۇيلەنگەن، ءۇش بالاسى بار
9. الييەۆ جۇماتاي، 66 جاستا
1952 جىلى 20 ماۋسىمدا جامبىل وبلىسى سارىسۋ اۋدانى بايقادام اۋىلىندا دۇنيەگە كەلگەن.
"حالىق دەموگرافياسى" قوعامدىق بىرلەستىگى 2019 جىلدىڭ 26 ساۋىرىندە ۇسىنىلدى.
قۇجاتتار ق ر وسك-عا 2019 جىلعى 28 ساۋىردە ۇسىنىلعان.
1952 جىلى 20 ماۋسىمىندا جامبىل وبلىسىندا دۇنيەگە كەلگەن. لەنينگرادتىڭ مەملەكەتتىك ۋنيۆەرسيتەتىن، الماتى حالىق شارۋاشىلىعى ينستيتۋتىن ءتامامداعان، فيلوسوف، ەكونوميست. فيلوسوفيا عىلىمىنىڭ دوكتورى، پروفەسسور، قازاقستان رەسپۋبليكاسى ءاعا اكادەميگى، حاا اكادەميگى.
ۋنيۆەرسيتەتتى بىتىرگەننەن كەيىن الماتى مەملەكەتتىك دارىگەرلەر ينستيتۋتىندا ءمۇعالىم بولىپ ەڭبەك ەتكەن. 1977-1982 جىلدارى – قلكجو الماتى قالالىق كوميتەتىنىڭ نۇسقاۋشىسى، قلكجو فرۋنزە اۋداندىق كوميتەتىنىڭ ەكىنشى حاتشىسى، قكپ الاتاۋ اۋداندىق پارتيا كوميتەتىنىڭ نۇسقاۋشىسى قىزمەتتەرىن اتقارعان. 1982-1983 جىلدارى – الماتى قالالىق ءسۇت زاۋىتىندا اعا تەحنولوگ-ينجەنەر، باس ينجەنەردىڭ ورىنباسارى. 1983-1997 جىلدارى – الماتى ساۋلەت جانە قۇرىلىس ينستيتۋتىندا اعا ءمۇعالىم، الماتى مال دارىگەرلىك ينستيتۋتىنىڭ الەۋمەتتىك-ەكونوميكا پاندەرى كافەدراسىنىڭ مەڭگەرۋشىسى، قازماۋ گۋمانيتارلىق دايارلاۋ ورتالىعى باسشىسى. 1997-2001 جىلدارى – ورتالىق-ازيا ۋنيۆەرسيتەتىنىڭ رەكتورى، پرەزيدەنتى. 2001-2008 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالىقتارى اسسامبلەياسى حاتشىلىعىنىڭ مەڭگەرۋشىسى، قازاقستان حالقى اسسامبلەياسى ءتوراعاسىنىڭ ورىنباسارى. 2008-2012 جج. – ورتالىق-ازيا ۋنيۆەرسيتەتىنىڭ قامقورشى كەڭەسiءنىڭ ءتوراعاسى، پروفەسسور، «تۇراقتى قازاقستان» قوعامدىق قورىنىڭ باسشىسى. 2012-2016 جىلدارى قازاقستان رەسپۋبليكاسى پارلامەنتى ءماجلىسىنىڭ دەپۋتاتى. قازاقستان حالقى اسسامبلەياسىنان سايلانعان.
III، II دارەجەلى «بارىس» وردەندەرىنىڭ يەگەرى.
