ومبى قالاسىندا تۇراتىن قانداستارىمىز بەن وتانداستاردىڭ باسىن قوسقان بيزنەس-فورۋم ءوتتى. بۇل شارا شەت ەلدە تۇراتىن ەتنيكالىق قازاقتار مەن سول ەلدەرگە قونىس اۋدارعان وتانداستارىمىزبەن بايلانىس ورناتۋ جانە نىعايتۋ جونىندە قازاقستاننىڭ تۇڭعىش پرەزيدەنتى–ەلباسى بەرگەن تاپسىرمانى جۇزەگە اسىرۋ ماقساتىندا قۇرىلعان «وتانداستار قورى» باعدارلاماسىنىڭ ءبىر بولىگى.
«وتانداستار قورى» تاراتقان اقپاراتقا ساي، قوردىڭ ءبىرىنشى ۆيسە-پرەزيدەنتى تالعات ادۋوۆ فورۋمعا قاتىسۋشىلارعا قور قۇرىلىمى مەن ونىڭ جۇمىس ىستەۋ مەحانيزمدەرى تۋرالى ايتىپ بەردى. جيىن قوناقتارى الەمدەگى قازاق دياسپوراسىن بىرىكتىرەتىن قۇرامىنا «اتامەكەن» ىسكەرلىك ءۇيىن مەن «اباي» مادەني ءۇيى كىرەتىن «قازاق ءۇيى» مادەني- ىسكەرلىك ءۇيى جوباسىنا ەرەكشە نازار اۋداردى. تالعات مۇباراكۇلىنان كەيىن ءسوز العان "وتانداستار قورى" كەاق بيزنەس جانە جوبالاردى اكسەلەراسيالاۋ دەپارتامەنتىنىڭ كەڭەسشىسى ءازىمحان اۋساتوۆ «اتامەكەن» ىسكەرلىك ءۇيى قىزمەتىن تاپتىشتەپ ايتىپ، ونىڭ شەت ەلدەگى قانداس كاسىپكەرلەرگە بەرەرى جايلى اڭگىمەلەدى. فورۋمعا قاتىسۋشىلار بۇل اقپاراتتى قىزىعۋشىلىقپەن قابىلدادى جانە قىسقا مەرزىمدە "اتامەكەن" ىسكەرلىك ءۇيىنىڭ دامۋىنا قاتىستى ءوز ۇسىنىستارىن ۇسىناتىندىقتارىن جەتكىزدى. بۇدان ءارى بيزنەسكە شاقىرىلعان ساراپشىلار "ومارتا" رەسپۋبليكالىق بال شارۋاشىلىعىنىڭ ۆيسە-پرەزيدەنتى ءنۇرادىل عابيت ومارتا بيزنەسىن ۇيىمداستىرۋ ەرەكشەلىكتەرى، مەملەكەتتىك جانە مەملەكەتتىك ەمەس قولداۋلار، ونى قازاقستان مەن شەت ەلدەردە دامىتۋ الەۋەتى تۋرالى، ال «Astana hub» وكىلى قانات كەلدىبەكوۆ سەو «Saccess LLP» ج ش س ازىرلەگەن، ۇيالى تەلەفونداعى باعدارلاما ارقىلى باسقارىلاتىن يننوۆاسيالىق زاماناۋي قۇلىپتاردى تانىستىردى. قاتىسۋشىلار تاراپىنان ءسوز العان ومبى قازاقتارى قاۋىمداستىعىنىڭ وكىلى الينا سمىكوۆا ەتنيكالىق بەلگىسى بار ءونىم شىعاراتىن شەبەرحانا ۇيىمداستىرىپ، ونى رەسەي وڭىرلەرىنە تاراتۋ مۇمكىندىگىن قاراستىرۋ جايلى، رينات توكەنوۆ مەملەكەت-جەكەمەنشىك سەرىكتەستىگى بويىنشا ۇلتتىق نىشاندا بالاباقشا قۇرۋدى، ونداي مەكەمەنىڭ ءقازىر وتە قاجەت ەكەنى تۋرالى ايتتى. سەرىك راحىموۆ بولسا رەسەيدەن قازاقستانعا استىق پەن قيىرشىق تاس جەتكىزۋدەگى قيىندىقتار جايلى ايتىپ، قور وكىلدەرىنىڭ وسى ماسەلەنىڭ شەشىلۋىنە كومەكتەسۋىن سۇرادى. ماحاببات كوپتۇروۆ بولسا ومبى وڭىرىنە قازاقستاندىق بالدى تاراتۋ بويىنشا ديلەرلىك جەلى قۇرۋعا قىزىعۋشىلىق ءبىلدىردى. بيزنەس فورۋمعا قاتىسۋشىلار جيىن سوڭىندا ومبى ءوڭىرى قازاقتارىنىڭ وبلىستا «اباي» مادەني ءۇيىنىڭ قۇرىلۋىنا قولداۋ كورسەتۋگە، «وتانداستار» قورى ۇيىمداستىراتىن ءىس-شارالار مەن جوبالارعا قاتىسۋعا جانە بيزنەس ىنتىماقتاستىققا ءوز ۇسىنىستارىن ازىرلەۋگە دايىن ەكەندىكتەرىن جەتكىزدى.
«وتانداستار» قورىنىڭ قىزمەتكەرلەرى سونىمەن بىرگە "ءمولدىر" قازاق مادەنيەتىنىڭ ءسىبىر ورتالىعى ۇيىمداستىرۋىمەن جانە رەسەيدەگى قازاق ۇلتتىق-مادەني قوزعالىسىنىڭ 30 جىلدىعىنا ارنالعان «ەۋرازيالىق كەڭىستىكتەگى قازاقتار: تاريح، مادەنيەت جانە الەۋمەتتىك-مادەني ۇدەرىستەر» اتتى حالىقارالىق عىلىمي-تاجىريبەلىك كونفەرەنسياعا قاتىستى. كونفەرەنسياعا ومبى، التاي ولكەلەرى، تومسك، تۇمەن وبلىستارى مەن رەسەيدىڭ باسقا دا وڭىرلەرىنەن وكىلدەر قاتىستى. كونفەرەنسياعا قاتىسۋشىلارمەن پىكىر الماسۋ بارىسىندا قور وكىلدەرى ۇيىمنىڭ ماقساتتارى مەن مىندەتتەرى، رەسەيدىڭ قازاق قوعامدىق ۇيىمدارىمەن ىنتىماقتاستىق تاجىريبەسى تۋرالى اڭگىمەلەدى. "ءمولدىر" ءسىبىر قازاق مادەنيەتى ورتالىعىنىڭ باسشىسى التىناي ءجۇنىسوۆا قوعامدىق ۇيىمنىڭ قورمەن ىنتىماقتاستىعىنا ارنالعان ستەندتە ورنالاسقان «وتانداستار قورى» كەاق ىنتىماقتاستىق تۋرالى مەموراندۋمدى ەرەكشە ماقتانىشپەن كورسەتتى.
بۇدان سوڭ «وتانداستار» قورىنىڭ قىزمەتكەرلەرى حالىق مادەنيەتى جوعارى مەكتەبى ومبى فيليالى رەكتورىنىڭ كەڭەسشىسى قايىرتاي ءامىرعازيننىڭ شاقىرۋىمەن ەتنوبيزنەس سالاسىندا جۇمىس ىستەيتىن مامانداردى دايىندايتىن وقۋ ورنىنا باردى. قوناقتارعا مەكەمە تۇلەكتەرى مەن وقۋشىلارىنىڭ جۇمىستارى، وبلىستاعى ءتۇرلى حالىقتاردىڭ ەتنيكالىق ستيلىندە، ونىڭ ىشىندە ءداستۇرلى قازاق ونەرى سالاسىندا جاسالعان بىلعارى، مەتالل جانە اعاشتان جاسالعان بۇيىمدار كورسەتىلدى. ىسكەرلىك كەزدەسۋ بارىسىندا ومبى ءوڭىرىنىڭ كاسىپكەرلەرىمەن بىرلەسە وتىرىپ، ەتنوكومپونەنتپەن ساۋدا-cاتتىق جارمەڭكەلەرىنە قاتىسۋ جانە تاۋار الماسۋ بويىنشا كاسىپكەرلىك باستامالاردى دامىتۋ تۋرالى ۇسىنىستار ءتۇستى.
«وتانداستار» قورىنىڭ وكىلدەرى ومبى ءىسساپارى بارىسىندا ومبى سۋرەتشىسى، ومبى سۋرەتشىلەر وداعىنىڭ بۇرىنعى ءتوراعاسى امانگەلدى شاكەنوۆ ەسكەرتكىشىنىڭ اشىلۋ سالتاناتىنا دا قاتىستى. قازاقستان رەسپۋبليكاسىنىڭ ومبى قالاسىنداعى كونسۋلدىعى اۋماعىنا جاقىن ورنالاستىرىلعان ەسكەرتكىشتىڭ اشىلۋ راسىمىنە قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ، ومبى وبلىسىنىڭ ۆيسە-گۋبەرناتورى بويكو، ومبى قالاسى مەرىنىڭ ورىنباسارى تەرپۋگوۆا قاتىستى.
"وتانداستار" قورىنىڭ قورىتىندى ىسكەرلىك كەزدەسۋىنە ومبى وبلىسى قازاقتارىنىڭ ومبى وڭىرلىك ۇلتتىق-مادەني اۆتونومياسىنىڭ پرەزيدەنتى بوتا باكۋلين، قازاقتاردىڭ تۇمەن وڭىرلىك ۇلتتىق-مادەني اۆتونومياسىنىڭ پرەزيدەنتى ەسەنعالي يبرايەۆ، قازاقتاردىڭ التاي ولكەلىك ۇلتتىق-مادەني اۆتونومياسىنىڭ ءتوراعاسى مۇرات بەكمۇراتوۆ، "ومبى قازاقتارى" قوعامدىق ۇيىمىنىڭ ءتوراعاسى قۋانىش ەلەۋتايەۆ، قازاق ەتنومادەنيەتىن ساقتاۋ جانە دامىتۋ جونىندەگى كوممەرسيالىق ەمەس ۇيىمدار وداعىنىڭ ءتوراعاسى گەنناديي تەمىرجان ۇلى الىبەكوۆ قاتىستى. كەزدەسۋ اتالعان وڭىرلەردىڭ "اتامەكەن" ىسكەرلىك ءۇيىن دامىتۋعا، وڭىرلەر كاسىپكەرلەرىن وسى جوبانى ىسكە اسىرۋعا تارتۋعا ارنالدى.
