ساۋد ارابياسىنىڭ مەككە جانە ءمادينا قالالارى سۋ استىندا قالدى، دەپ حابارلايدى Dailymail.
«مەتەورولوگيالىق باسقارما مەككە، ءمادينا جانە دجيددا قالالارى ءۇشىن «قىزىل» دەڭگەيلى ءقاۋىپ جاريالادى. الەۋمەتتىك جەلىلەردە تارالعان بەينەماتەريالداردان قالالاردىڭ كوشەلەرى وزەنگە اينالعانىن كورۋگە بولادى. كوپتەگەن كولىك سۋ استىندا قالىپ، كۇشتى اعىندار كولىكتەردى اعىزىپ اكەتىپ جاتتى»، — دەپ جازادى باسىلىم.
كەيبىر كولىكتەر مەن تۋريستىك اۆتوبۋستار جولدىڭ ورتاسىنا تاستالعان. ۇلكەن سۋ اعىندارى ادەتتە قۇرعاق بولاتىن تاستى ايماقتار ارقىلى تومەنگە ءتۇسىپ، جولىنداعى اعاشتاردى، قالدىقتاردى، ءتىپتى ينفراقۇرىلىم نىساندارىن شايىپ كەتكەن.
