جۋىردا استانادا «جۋرناليستىك ەتيكا. فاكچەكينگ جانە مانيپۋلياسيا» تاقىرىبىندا وتكەن ءىس-شارادا جۋرناليستىك ەتيكانى ساقتاۋ جانە مەديادا فاكچەكينگ جۇرگىزۋگە قاتىستى سالانىڭ ءوزىن-وزى رەتتەۋى ماسەلەلەرى قارالىپ، داۋلى تاقىرىپتارداعى جۋرناليستيكا، مەديا وكىلدەرىنىڭ بىلىكتىلىگىن ارتتىرۋ، سونداي-اق وقىتۋ ترەنينگتەرىن ۇيىمداستىرۋ مۇمكىندىكتەرى تالقىلاندى، دەپ حابارلايدى Ulys.
سيفرلىق تەحنولوگيالار دامىپ، اقپاراتتىڭ جىلدام تارالۋى قارقىن العان كەزدە ەتيكالىق ستاندارتتاردى ساقتاۋ تەك قاجەتتىلىك ەمەس، سونىمەن قاتار قوعامنىڭ مەديا سالاسىنا دەگەن سەنىمىن ارتتىرۋمەن قاتار، مەديا سالاسى ماماندارىنىڭ كاسىبيلىگىن ساقتاۋدىڭ دا ماڭىزدى قۇرالىنا اينالدى. «قازاقستان مەديا اليانسى» قب جانە «ءادىل ءسوز» ءسوز بوستاندىعىن قورعاۋ حالىقارالىق قورى ايقىندىق پەن اشىقتىق ساياساتىنا، سونداي-اق ازاماتتاردىڭ ساياسي جانە قوعامدىق ومىرگە بەلسەندى تۇردە اتسالىسۋىنا وڭ ىقپال ەتە وتىرىپ، جۋرناليستيكا مەن ءسوز بوستاندىعىن دامىتۋدى قولدايدى.
تالقىلاۋ قورىتىندىسى بويىنشا ءىس-شارا قاتىسۋشىلارى كەلەسى ۇسىنىمداردى ازىرلەدى:
1. مەدياداعى فاكچەكينگ – جاريالاناتىن اقپاراتتىڭ دۇرىستىعىن قامتاماسىز ەتۋدىڭ ماڭىزدى قۇرالى. وسىعان بايلانىستى مەديا ۇيىمداردا فاكچەكينگ بولىمدەرىن قۇرۋ جانە ونى بارىنشا دامىتۋ، سونداي-اق فاكتىلەردى تەكسەرۋدە وزىق تەحنولوگيالاردى پايدالانۋ ماڭىزدى.
2. جۋرناليستەر مەن رەداكتورلار جوعارى ەتيكالىق ستاندارتتاردى ۇستانىپ، قوعامعا زيانىن تيگىزۋى مۇمكىن سەنساسيا قۋۋدان اۋلاق بولۋى كەرەك.
3. جۋرناليستەر مەن مەديا سالاسىنىڭ باسقا دا ماماندارىنىڭ فاكچەكينگ، مەدياەتيكا، داۋلى تاقىرىپتارداعى جۋرناليستيكا بويىنشا ارنايى كاسىبي ترەنينگتەردەن ءوتۋى جانە ۇنەمى بىلىكتىلىكتى ارتتىرۋى اسا ماڭىزدى
4. «قازاقستان مەديا اليانسى» قب جانە «ءادىل ءسوز» ءسوز بوستاندىعىن قورعاۋ حالىقارالىق قورى فاكچەكينگ جانە جۋرناليستىك ەتيكا داعدىلارىن جەتىلدىرۋگە باعىتتالعان قوسىمشا ءبىلىم بەرۋ باعدارلامالارى مەن كاسىپتىك كۋرستاردى ازىرلەۋدى جانە ەنگىزۋدى قولدايدى.
5. تەحنولوگيالاردىڭ قارقىندى دامۋىنا بايلانىستى ەتيكالىق ستاندارتتاردى سيفرلىق ورتا مەن الەۋمەتتىك مەدياعا بەيىمدەۋ قاجەتتىلىگى تۋىندادى. وسىعان بايلانىستى جاساندى ينتەللەكت قولدانىسىنىڭ كەڭ تارالۋىن ەسكەرە وتىرىپ، مەدياەتيكا ماسەلەسىن تالقىلاۋدى جالعاستىرۋ اسا ماڭىزدى.
6. قوعامدىق ينستيتۋتتار جانە ازاماتتاردىڭ پىكىرى مەن ولاردىڭ كەرى بايلانىسىن ەسكەرە وتىرىپ، مەديا سالاسىنداعى ۇيىمدار، باسپا ءسوز قىزمەتتەرى قوعامدىق ينستيتۋتتار جانە ازاماتتارمەن ءتيىمدى ءوزارا ارەكەتتەستىك ورناتۋى اسا ماڭىزدى.
7. قازاقستاندىق مەديا سالا وكىلدەرى اراسىنداعى داۋلى جاعدايلار ب ا ق يميدجىنە تەرىس اسەر ەتەتىنى ءسوزسىز. وسىعان بايلانىستى «قازاقستان مەديا اليانسى» قب الاڭىندا مەدياسيا مەحانيزمدەرىنىڭ ىقتيمال تەتىكتەرى قارالدى.
