ماڭعىستاۋ وبلىسىندا كاسپيي تەڭىزىنىڭ جاعالاۋىنان 1،5 شاقىرىم قاشىقتىققا ءجۇزىپ، قايتا الماعان 6 ءجاسوسپىرىم قۇتقارىلدى، دەپ حابارلايدى Ulys تجم سىلتەمە جاساپ.
ولار قولدان جاسالعان ءجۇزۋ قۇرالىن قولدانعان.
«تجم قىزمەتكەرلەرى اقتاۋ قالاسىندا كاسپيي تەڭىزىنىڭ جاعالاۋىنان 1،5 كم قاشىقتىقتا قولدان جاسالعان ءجۇزۋ قۇرالىمەن جاعادان الىس ءجۇزىپ قايتىپ كەلە الماعان 17-19 جاس ارالىعىنداعى 6 ءجاسوسپىرىمدى قۇتقارىپ، جاعالاۋعا جەتكىزدى. مەديسينالىق كومەك قاجەت بولمادى»، - دەپ حابارلادى تجم.
وڭتۇستىك كورەيانىڭ سوحەان اۆتوماگيسترالىندە قازاقستاننىڭ 4 ازاماتى مىنگەن كولىك جاردان قۇلاپ، سالوندا بولعان بارلىعى مەرت بولدى. بۇل جايىندا Korea JoongAng Daily باسىلىمى حابارلايدى.
وڭتۇستىككورەيلىك باسىلىمنىڭ جازۋىنشا، 4 ادام وتىرعان Mercedes-Benz كولىگى جەرگىلىكتى ۋاقىت بويىنشا شامامەن 00:30-دا كەنگيدو ولكەسىنىڭ حۆاسون قالاسىندا جولدىڭ وڭ جاق بەتىندەگى قورشاۋعا سوعىلعان. سودان كەيىن كولىك بىرنەشە مەتر تومەن قۇلاپ، ورتەنگەن.
جول-كولىك وقيعاسى تۋرالى حابار الىسىمەن ءورت سوندىرۋشىلەر سول جەرگە شۇعىل اتتانعان. ولار اپاتتان كەيىنگى 30 مينۋتتىڭ ىشىندە ءورتتى سوندىرگەن. قيراعان كولىكتەن 4 ادامنىڭ ءمايىتى تابىلعان.
مەرت بولعانداردىڭ ءاتى-جونى ازىرگە بەلگىسىز. پوليسيا اپاتتىڭ ناقتى نەدەن بولعانىن انىقتاپ جاتىر.
تۇركىستاندا 57 ادام تاماقتان ۋلانىپ، كومەككە جۇگىنگەن، دەپ حابارلايدى Ulys.
تۇركىستان قالاسىندا ءدامحانادان پيسسا، سۋشي، چيكەن تاعامىن ساتىپ الىپ، ۋلانعاندار سانى 57 ادامعا جەتتى. ولاردىڭ 28ء-ى - كامەلەت جاسقا تولماعان بالالار. بارلىعى 22 ادام اۋرۋحاناعا جاتقىزىلعان، قالعانى امبۋلاتورلىق ەم قابىلداپ جاتىر. بۇعان دەيىن جان ساقتاۋ بولىمىنە جاتقىزىلعان ءۇش ادام جالپى بولىمگە اۋىستىرىلعان.
پوليسيا قاۋلىسىمەن اتالعان ءدامحانا جابىلىپ، قىلمىستىق ءىس قوزعالدى.
رەسمي اقپاراتقا قاراعاندا، ۋلانعانداردىڭ ءبارى تۇركىستان قالاسىنداعى ءدامحانادان پيسسا، سۋشي، چيكەن تاعامىن ۇيىنە تاپسىرىسپەن الىپ، تاماقتانعان. كوپ وتپەي ولاردىڭ ءىشى ءوتىپ، قۇسىپ، باسى اينالىپ، كوزى كىرتيىپ، اياق-قولى مۇزداپ، ەرنى كوگەرگەن. بارلىعى جەدەل جاردەممەن اۋرۋحاناعا جەتكىزىلگەن.
2025 جىلعى 29 قاڭتاردا استانادا جەدەل جاردەم فەلدشەرىنە شابۋىل جاسالىپ، ول جابىق باس-مي جاراقاتىن العان. وقيعا شاقىرتۋعا كەلگەن جەدەل جاردەم بريگاداسى مەن ناۋقاستىڭ تۋىستارىنىڭ ءبىرى اراسىندا بولعان.
فەلدشەر سوتقا ارىز جازىپ، دەنساۋلىعىنا كەلتىرىلگەن زالال ءۇشىن ماتەريالدىق وتەماقى تالاپ ەتتى. پروكۋرور شابۋىل جاساعان ەر ادامعا 1 جىلعا باس بوستاندىعىن شەكتەۋدى سۇرادى. ال جابىرلەنۋشى بۇل جازانى 3 جىلعا دەيىن ۇزارتۋدى ءوتىندى.
ايىپتالۋشى كىناسىن تولىق مويىندادى، ارەكەتىنە وكىنىش ءبىلدىردى، سونداي-اق ونىڭ كىشكەنتاي بالاسى بارەكەنى ەسكەرىلدى. اۋىرلاتاتىن جاعدايلار انىقتالعان جوق.
سوت قازاقستان رەسپۋبليكاسىنىڭ زاڭىنا سايكەس بۇل قىلمىستى ورتا دارەجەلى دەنساۋلىققا قاساقانا زيان كەلتىرۋ رەتىندە باعالاپ، مىناداي شەشىم شىعاردى:
