باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتوراعاسى ءسابيت نۇرلىبايدىڭ باسشىلىعىمەن جول قاۋىپسىزدىگى ماسەلەلەرى جونىندەگى ۆەدومستۆوارالىق جۇمىس توبىنىڭ (ۆاجت) كەزەكتى وتىرىسى ءوتتى.
وتىرىس جۇمىسىنا ءىىم اكىمشىلىك پوليسيا كوميتەتىنىڭ ءتوراعاسى ق.ا. سۇلتانبەكوۆ، وڭىرلەر اكىمدەرىنىڭ ورىنباسارلارى، مينيسترلىكتەردىڭ بەيىندى ۆەدومستۆولارىنىڭ جاۋاپتى بولىمشەلەرى، جەرگىلىكتى اتقارۋشى ورگانداردىڭ اۋماقتىق بولىمشەلەرى، پوليسيا دەپارتامەنتتەرى، وبلىستىق پروكۋراتۋرالار، كوميتەتتىڭ اۋماقتىق دەپارتامەنتتەرى، «قازاۆتوجول» ۇك اق-نىڭ باسشىلارى، سونداي-اق IT-كومپانيالاردىڭ وكىلدەرى قاتىستى.
وتىرىستى اشا وتىرىپ، ءسابيت نۇرلىباي جول قاۋىپسىزدىگى ماسەلەسى مەملەكەت باسشىسى مەن باس پروكۋروردىڭ ەرەكشە باقىلاۋىندا ەكەنىن ەسكە سالدى.
ۆاجت-پەن جۇرگىزىلگەن جۇمىستىڭ اۋقىمىن اتاپ ءوتىپ، ۆاجت ۇسىنىمدارى شەڭبەرىندە جۇرگىزۋشى كۋالىگىن الۋ ەمتيحانىنا ءوزىن-وزى دايارلاۋ توقتاتىلعانى، «اۆتومەكتەپ» اقپاراتتىق جۇيەسى ازىرلەنگەنى تۋرالى ايتىلدى. «كولىك قۇرالىن باسقارۋعا رۇقسات الۋ تۋرالى انىقتاما بەرۋ» مەملەكەتتىك قىزمەتى ەلەكتروندىق فورماتقا اۋىستىرىلدى. سونداي-اق كولىك قۇرالدارىنا گاز باللون جابدىعىن ءقاۋىپسىز ورناتۋدى باقىلاۋ جونىندەگى ءىس-شارالار جوسپارى ازىرلەنۋدە.
كولىك مينيسترلىگى تاكسيلەردىڭ «ياندەكس» جانە «يندرايۆ» ءىرى اگرەگاتورلارىمەن ىنتىماقتاستىق تۋرالى مەموراندۋم جاسادى، ونىڭ اياسىندا ەڭبەك جانە دەمالىس رەجيمىن، تاكسي جۇرگىزۋشىلەرىنىڭ دەنساۋلىق جاعدايىن، سونداي-اق ءاۆتوموبيلدىڭ تەحنيكالىق جاي-كۇيىن باقىلاۋ جۇزەگە اسىرىلاتىن بولادى. تراسسالىق مەديسينالىق-قۇتقارۋ پۋنكتتەرىن ورنالاستىرۋ جانە قايتا ورنالاستىرۋ بويىنشا ورىنداردى بەلگىلەۋ ادىستەمەسى ازىرلەندى، وعان سايكەس جكو ورىندارى مەن جولداردىڭ ءاۆاريالىق-قاۋىپتى ۋچاسكەلەرى كوميتەتتىڭ اپاتتىلىق كارتاسىندا بەينەلەنگەن.
وتىرىس بارىسىندا ۆاجت قاتىسۋشىلارىنىڭ ۇسىنىستارىن ەسكەرە وتىرىپ قالىپتاستىرىلعان جول قاۋىپسىزدىگى دەڭگەيىن ارتتىرۋ بويىنشا ۇسىنىمداردىڭ جاڭا پاكەتى تالقىلاندى.
سونىمەن قاتار جول قاۋىپسىزدىگى سالاسىنداعى پروبلەمالىق جانە كەشەندى شارالار قابىلداۋدى قاجەت ەتەتىن ماسەلەلەر تۋرالى ءىىم اكىمشىلىك پوليسيا كوميتەتىنىڭ ءتوراعاسى ق.ا. سۇلتانبەكوۆ باياندادى.
قايسار سۇلتانبەكوۆ جول قوزعالىسى قاۋىپسىزدىگىنىڭ جاي-كۇيىنە جولداردا جۇرگىزۋشىلەردىڭ دە، جاياۋ جۇرگىنشىلەردىڭ دە جول ءتارتىبىنىڭ تومەندىگى، سونداي-اق جول ينفراقۇرىلىمىنىڭ جاعدايى سياقتى تەرىس فاكتورلار ءالى دە اسەر ەتەتىنى تۋرالى حابارلادى.
جكو سانىن قىسقارتۋ جانە سالدارىنىڭ اۋىرلىعىن تومەندەتۋ ماقساتىندا ولارعا جكو سەبەپتەرىن جويۋ، رەسپۋبليكالىق تراسسالار مەن جەرگىلىكتى اۆتوجولداردا ءقاۋىپسىز جول ينفراقۇرىلىمىن قۇرۋ جونىندە ءبىرقاتار شارالار ۇسىنىلدى.
اتاپ ايتقاندا، ۋاكىلەتتى ورگاندارمەن بىرلەسىپ اۆتوجولداردى تەكسەرۋ، جول قوزعالىسىن ۇيىمداستىرۋدى وزگەرتۋ جونىندەگى جۇمىستى ۇيىمداستىرۋ، رەكونسترۋكسيالاۋ جانە جوندەۋ جۇرگىزىلىپ جاتقان بارلىق جولداردا دايىن ۋچاسكەلەردى اشۋ بويىنشا جۇمىستى جەدەل جۇرگىزۋ، تۇنگى ۋاقىتتا تراسسالاردا اۆاريالاردى ازايتۋ ءۇشىن يننوۆاسيالىق «جارىق بەرەتىن» جول بەلگىسىن پايدالانۋدىڭ شەتەلدىك تاجىريبەسىن قولدانۋ ماسەلەسىن پىسىقتاۋ، سونداي-اق جەرگىلىكتى ماڭىزى بار جولداردى دامىتۋ باعدارلاماسىن قابىلداۋ بولدى.
سونداي-اق، وتىرىس بارىسىندا اتىراۋ وبلىسىنىڭ تاجىريبەسى قارالدى، وندا قالا سىرتىنداعى تراسسالاردى بۇزۋشىلىقتاردى زاماناۋي فوتوبەينەتىركەۋ جۇيەلەرىمەن جابدىقتالعان سايكەستەندىرۋ بەلگىلەرى جوق پوليسيانىڭ قىزمەتتىك اۆتوماشينالارمەن پاترۋلدەۋ جۇمىسى ءساتتى سىناقتان ءوتتى. وسىنداي قۇقىق بۇزۋشىلىقتار تۋرالى اقپارات اۆتوماتتى تۇردە بپ قسجاەك ءاىبت-نىڭ پروسەسسينگ ورتالىعىنا جىبەرىلەدى، ال قۇقىقبۇزۋشىعا ايىپپۇل تۋرالى حابارلاما كەلەدى.
ىىم-گە ەلىمىزدىڭ بارلىق وڭىرلەرىندە وسىنداي تاجىريبەنى سىناقتان وتكىزۋ، سونداي-اق قسجاەك-پەن بىرلەسىپ، جولدارداعى بۇزۋشىلىقتاردىڭ الدىن الۋ جانە جكو سحەمالارىن جاساۋ كەزىندە «درونداردى» قولدانۋ مۇمكىندىگى تۋرالى IT-كومپانيا ۇسىنعان تەحنيكالىق شەشىمدى زەردەلەۋ ۇسىنىلدى.
دەنساۋلىق ساقتاۋ مينيسترلىگىنە توتەنشە جاعدايلار مينيسترلىگىمەن جانە ءىىم اكىمشىلىك پوليسيا كوميتەتىمەن بىرلەسىپ جكو-دان زارداپ شەككەن ادامدارعا ۋاقتىلى مەديسينالىق كومەك كورسەتۋ ءۇشىن جەدەل ۆەدومستۆوارالىق ءوزارا ءىس-قيمىل ماسەلەسىن پىسىقتاۋ ۇسىنىلدى.
وتىرىس قورىتىندىسى بويىنشا بارلىق مۇددەلى مەملەكەتتىك جانە جەرگىلىكتى اتقارۋشى ورگاندار وزدەرىنىڭ ەرەكشەلىكتەرىن ەسكەرە وتىرىپ، رەسپۋبليكالىق جانە وبلىستىق دەڭگەيلەردە اپاتتىلىقتى تومەندەتۋگە باعىتتالعان ناقتى جانە ەگجەي-تەگجەيلى ءىس-شارالاردى ازىرلەۋ بويىنشا بىرلەسكەن شارالار قابىلداۋعا باعىتتالدى.
وسى تۇرعىدا كوميتەتتىڭ جەتەكشىلىگىمەن ۆەدومستۆوارالىق جۇمىس توبى ۋاكىلەتتى ورگاندارعا كۇش بىرىكتىرۋگە جانە بىر-بىرىمەن تىعىز قارىم-قاتىناس جاساي وتىرىپ، تۋىنداعان ماسەلەلەردى شەشۋگە مۇمكىندىك بەرەتىن ورتالىققا اينالدى.
