ۆاليۋتا باعامى
  • USD -

    491.3
  • EUR -

    535.5
  • RUB -

    5.69
يمانعالي تاسماعامبەتوۆ رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەستى
31 تامىز 2019
يمانعالي تاسماعامبەتوۆ رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەستى

قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ رەسەي فەدەراسياسىنىڭ سىرتقى ىستەر ءمينيسترى سەرگەي لاۆروۆپەن كەزدەسۋ وتكىزدى. بۇل تۋرالى اقپارات كورشى مەملەكەتتەگى ەلشىلىگىمىزدىڭ فەيسبۋك پاراقشاسىندا جاريالاندى.   

بەرىلگەن اقپارعا قاراعاندا، تاراپتار ەكىجاقتى ىنتىماقتاستىقتىڭ وزەكتى ماسەلەلەرىن، اتاپ ايتقاندا ەڭ جوعارى جانە جوعارى دەڭگەيلەردەگى ءوزارا ساپارلاردىڭ كەستەسىن، ساۋدا-ەكونوميكالىق جانە مادەني-گۋمانيتارلىق بايلانىستاردىڭ دامۋ بارىسىن، سونداي-اق كوپجاقتى قۇرىلىمدارداعى ءوزارا ءىس-قيمىلدى، تمد ەلدەرىندەگى جانە ورتالىق ازيا ايماعىنداعى احۋالدى تالقىلادى.

يمانعالي تاسماعامبەتوۆ قازاقستان-رەسەي قاتىناستارىنىڭ دامۋى مەن نىعايۋىنا قوسقان ۇلەسى ءۇشىن سەرگەي لاۆروۆقا "قازاقستان رەسپۋبليكاسى تاۋەلسىزدىگىنىڭ 25 جىلدىعى" مەرەيتويلىق مەدالىن تابىستادى.

ءوز كەزەگىندە، رف ءسىم باسشىسى قازاقستان رەسپۋبليكاسىنىڭ كونستيتۋسيا كۇنىنە وراي ءوز قۇتتىقتاۋلارى مەن جىلى تىلەكتەرىن ءبىلدىردى.

ديپلوماتتار تىعىز بايلانىستاردى جالعاستىرۋعا ۋاعدالاستى. اڭگىمە ەكى ەل قاتىناستارى ءۇشىن ءداستۇرلى دوستىق جانە سەنىمدىلىك جاعدايىندا ءوتتى.

RELATED NEWS
قازاقستان بريكس قۇرامىنا كىرەدى - رەسەيلىك ب ا ق
24 جەلتوقسان 2024
قازاقستان بريكس قۇرامىنا كىرەدى - رەسەيلىك ب ا ق

رەسەي پرەزيدەنتىنىڭ كومەكشىسى يۋريي ۋشاكوۆ 2025 جىلدىڭ 1 قاڭتارىنان باستاپ قازاقستان رەسمي تۇردە بريكس-كە سەرىكتەس مەملەكەت مارتەبەسىن الادى دەدى. بۇل تۋرالى ريا نوۆوستي حابارلادى.

اگەنتتىكتىڭ اقپاراتىنا قاراعاندا، قازاقستانمەن قاتار تاعى سەگىز مەملەكەت بريكس سەرىكتەسى بولۋعا شاقىرۋدى قابىلدادى، ونىڭ ىشىندە بەلارۋس، يندونەزيا، وزبەكستان جانە كۋبا بار.

 

«ءسامميتتىڭ ماڭىزدى ناتيجەلەرىنىڭ ءبىرى (قازان قالاسىندا) بريكس سەرىكتەس ەلدەرىنىڭ ساناتىن بەلگىلەۋ جانە 13 مەملەكەتتىڭ ءتىزىمى تۋرالى كەلىسىم بولدى. بۇل مەملەكەتتەرگە ءتيىستى شاقىرۋلار جىبەرىلدى. بۇگىنگە دەيىن بريكس سەرىكتەس-مەملەكەتى بولۋعا دايىندىعى تۋرالى مالىمدەمەلەر بەلارۋس، بوليۆيا، يندونەزيا، قازاقستان، كۋبا، مالايزيا، تايلاند، ۋگاندا جانە وزبەكستاننان كەلدى»، - دەدى ۋشاكوۆ جۋرناليستەرگە.

ايتا كەتسەك، وتكەن قازان ايىندا قازاقستان پرەزيدەنتىنىڭ باسپا ءسوز حاتشىسى بەرىك ءۋالي قازاقستاندىق باق-تىڭ بىرىنە بەرگەن سۇحباتىندا قازاقستان تاياۋ ارادا بريكس ۇيىمىنا مۇشە بولۋعا ءوتىنىش بەرمەيدى، سەبەبى ۇيىمعا قوسىلۋ ماسەلەسىن قاراۋ كوپ ساتىدان تۇراتىن پروسەسس دەگەن سىڭايدا پىكىر بەرگەن بولاتىن.

تاتارستاندا ابايعا ەسكەرتكىش-بيۋستى اشىلدى
24 قازان 2024
تاتارستاندا ابايعا ەسكەرتكىش-بيۋستى اشىلدى

تاتارستان استاناسىندا قازاقتىڭ ۇلى اقىنى ءارى ويشىلى اباي قۇنانبايەۆقا ارنالعان ەسكەرتكىشتىڭ اشىلۋ سالتاناتى ءوتتى. بۇل تۋرالى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى حابارلادى.

ءىس-شارا قازاقستان پرەزيدەنتىنىڭ 2024 جىلعى 22-24 قازان ارالىعىندا ءوتىپ جاتقان بريكس مەملەكەت باسشىلارىنىڭ XVI سامميتىنە قاتىسۋ ءۇشىن قازان قالاسىنا جۇمىس ساپارى اياسىندا وتكىزىلدى.

اشىلۋ سالتاناتىنا قازاقستان رەسپۋبليكاسىنىڭ مادەنيەت جانە اقپارات ءمينيسترى ايدا بالايەۆا، تاتارستان رەسپۋبليكاسىنىڭ مادەنيەت ءمينيسترى يرادا ايۋپوۆا، قازانداعى ق ر باس كونسۋلى ەرلان ىسقاقوۆ، سونداي-اق تاتارستان جازۋشىلار وداعىنىڭ ءتوراعاسى ركايل زايدۋللين، سونداي-اق قالا تۇرعىندارى مەن قازاق ۇلتتىق-مادەني اۆتونومياسىنىڭ وكىلدەرى قاتىستى. 

اباي
فوتو: مادەنيەت جانە اقپارات مينيسترلىگى

ق ر مادەنيەت جانە اقپارات ءمينيسترى ايدا بالايەۆا قازاندا ەسكەرتكىشتىڭ اشىلۋىن حالىقتار اراسىنداعى دوستىقتىڭ، ءوزارا تۇسىنىستىك پەن رۋحاني تۋىستىقتىڭ ۇلگىسى ەكەنىن ايتتى.

«بۇگىنگى ءىس-شارانىڭ بريكس مەملەكەتتەرى ىنتىماقتاستىعى ءسامميتى اياسىندا ءوتىپ جاتقانىنىڭ ءوزى ءىس-شاراعا ەرەكشە سيپات بەرىپ تۇر. بۇل ەكى ەل اراسىنداعى مادەني بايلانىستى نىعايتىپ، تەرەڭدەتە تۇسەرى ءسوزسىز. اباي – ءوز ۇلتىنىڭ رۋحاني بايلىعىن بويىنا سىڭىرە وتىرىپ، جالپى ادامزاتتىق وي-پىكىر دەڭگەيىنە كوتەرىلگەن تۇلعا. ءبىزدىڭ حالىقتار اراسىنداعى ءوزارا مادەني قۇندىلىعىمىز ارتىپ، دوستىعىمىز نىعايا بەرسىن»، – دەدى ايدا بالايەۆا.

ۇلى ويشىلدىڭ ەسكەرتكىشى قازان قالاسىندا نازاربايەۆ پەن كاچالوۆ كوشەلەرىنىڭ قيىلىسىندا ورناتىلدى. بيۋست اۆتورى – قازاقستان رەسپۋبليكاسى سۋرەتشىلەر وداعىنىڭ مۇشەسى، ءمۇسىنشى نۇربول قالييەۆ. 

اباي
فوتو: مادەنيەت جانە اقپارات مينيسترلىگى

«قازاقستاننىڭ رەسەيمەن دوستىق قاتىناسىن دامىتۋ اياسىندا تاتارستانعا، ءبىزدىڭ مادەنيەتىمىزگە شىنايى قىزىعۋشىلىق تانىتىپ جاتقانى قۋانتادى. 2018 جىلى قازاقستان تاراپىنان قازان قالاسىنا قوناقجايلىق بەلگىسى – «تايقازان» ءمۇسىنى سىيعا بەرىلدى. بۇگىن ابايدىڭ ەسكەرتكىشى دە ءدال وسى جەردە، وسى الاڭدا ورناتىلۋى كەزدەيسوق ەمەس. رەسەيدە ۇلى قازاق اقىنىنا دەگەن قۇرمەت ەرەكشە. ەلىمىزدىڭ استاناسىندا ابايدىڭ ەسكەرتكىشى ورناتىلعان. سونداي-اق رەسەيدىڭ ءبىرقاتار قالالارىندا اباي قۇنانباي ۇلىنىڭ اتىمەن اتالعان كوشەلەر بار. بۇگىنگى ءىس-شارا – قازاق پەن تاتار حالىقتارىنىڭ رۋحاني بىرلىگىنە نەگىزدەلگەن ۇزاق جىلدار بويعى جەمىستى ىسكەرلىك پەن مادەني بايلانىستاردىڭ ناتيجەسى دەپ بىلەمىز»، – دەدى تاتارستان رەسپۋبليكاسىنىڭ مادەنيەت ءمينيسترى يرادا ايۋپوۆا.

سالتاناتتى ءىس-شارا قازاق اقىنىنىڭ ەسكەرتكىشىنە گۇل شوقتارىن قويۋ راسىمىمەن قورىتىندىلاندى.

ۆلاديمير پۋتين قازاقستانعا مەملەكەتتىك ساپارمەن كەلەدى
25 قاراشا 2024
ۆلاديمير پۋتين قازاقستانعا مەملەكەتتىك ساپارمەن كەلەدى
 

ق ر پرەزيدەنتى قاسىم-جومارت توقايەۆتىڭ شاقىرۋىمەن 27 قاراشا كۇنى ەلىمىزگە رەسەي فەدەراسياسىنىڭ پرەزيدەنتى ۆلاديمير پۋتين مەملەكەتتىك ساپارمەن كەلەدى. بۇل تۋرالى اقوردانىڭ باسپا ءسوز قىزمەتى حابارلادى.

ساپار اياسىندا جوعارى دەڭگەيدەگى كەلىسسوزدەر جۇرگىزىلەدى. مەملەكەت باسشىلارى قازاقستان مەن رەسەيدىڭ حح ءوڭىرارالىق ىنتىماقتاستىق فورۋمىنا بەينەكونفەرەنسيا رەجيمى ارقىلى قاتىسادى. 

28 قاراشا كۇنى قازاقستان پرەزيدەنتى قاسىم-جومارت توقايەۆتىڭ توراعالىعىمەن ۇقشۇ ۇجىمدىق قاۋىپسىزدىك كەڭەسىنىڭ كەزەكتى سەسسياسى وتەدى. جيىندا ايماقتىق جانە حالىقارالىق قاۋىپسىزدىكتىڭ نەگىزگى ماسەلەلەرى تالقىلانادى. وتىرىس قورىتىندىسى بويىنشا ءبىرقاتار قۇجاتقا قول قويىلادى.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.