بۋرابايدا 12-17 جاستاعى شەتەلدەگى قازاق بالالارىنا ارنالعان جازعى لاگەر اشىلدى. «وتانداستار قورى» كوممەرسيالىق ەمەس اكسيونەرلىك قوعامى مۇرىندىق بولعان شارانىڭ اشىلۋ سالتاناتى بۇگىن ءوتتى.
«وتانداستار قورىنىڭ» باسپا ءسوز قىزمەتىنەن حابارلاعانداي، لاگەر اقمولا وبلىسى بۋراباي اۋدانى ششۋچە كولىنىڭ وڭتۇستىك شىعىس جاعالاۋىندا ورنالاسقان «IQanat High School of Burabay» مەكتەبىنىڭ بازاسىندا ۇيىمداستىرىلعان.
«قازاقتىڭ ۇلى اقىنى اباي قۇنانباي ۇلىنىڭ تۇجىرىمداماسىنا ساي تالاپ، ەڭبەك، تەرەڭ وي، قاناعات، راقىم قۇندىلىقتارىنا نەگىزدەلگەن بۇل لاگەرگە فرانسيا، تۇركيا، يران، قىرعىزستان، جۇڭگو، موڭعوليا، وزبەكستان، رەسەيدەن 84 قازاق بالاسى كەلىپ قاتىسۋدا. سونىمەن قاتار، قازاقتىڭ ۇلتتىق بولمىسى، ءسالت-داستۇر، ونەرى مەن زاماناۋي ءبىلىم، عىلىم تەندەنسيالارىن ونىڭ ىشىندە STEM، روبوتوتەحنيكا، كاسىپكەرلىك، جوبالاردى باسقارۋ داعدىلارى ۇشتاستىرعان»، - دەلىنگەن قوردىڭ باسپا ءسوز بايانىندا.
