جەتىسۋ وبلىسى سارقان قالاسىنىڭ ماڭىنداعى شارۋا قوجالىقتارىنىڭ بىرىندە مايلى زىعىر وسىرىلە باستادى. ەگىس ناۋقانىنىڭ بارىسىمەن جۇمىس ساپارى اياسىندا اۋدانعا بارعان وبلىس اكىمى بەيبىت يسابايەۆ تانىستى، - دەپ حابارلايدى جەتىسۋ وبلىسى اكىمىنىڭ باسپا ءسوز قىزمەتى.

«عالىم» شارۋا قوجالىعىندا بيىل100 گا مايلى زىعىر ەگىلدى. ءداندى جۇگەرى، سويا، ارپا، بيداي وسىرۋگە بەيىمدەلگەن بۇل شارۋاشىلىق وسى داقىلدى بيىل العاش رەت سەۋىپ وتىر.

- زىعىردىڭ اگروتەحنيكاسىن، تۇقىم نارىعىن زەرتتەي وتىرىپ، ءبىز «ورتاشا ليرينا» سورتىن وتىرعىزدىق. بۇل وتە ءونىمدى، قۇرامىندا مايى كوپ سورت. ءار گەكتارىنان 20-25 س الامىز، ال مايدىڭ مولشەرى كەمىندە 50% بولادى دەپ كۇتىپ وتىرمىز. ايماق اۋماعىندا مايلى داقىلداردى قايتا وڭدەيتىن بىرنەشە كاسىپورىن بار ەكەنىن ەسكەرسەك، شيكىزاتتى وتكىزۋدە قيىندىق تۋىندامايدى دەپ ويلايمىز. الدىن الا كەلىسىمدەر جاساسىپ تا قويدىق. سونىمەن قاتار زىعىر ءداندى داقىلداردىڭ اۋىسپالى ەگىسىنە دە پايدالى، - دەپ اتاپ ءوتتى شق باسشىسى عالىم راحمەتقالييەۆ.

اۋداننىڭ المالى اۋىلىنداعى «جۇماعالي» شارۋا قوجالىعىنىڭ ەگىستىكتەرىندە دە كوكتەمگى دالا جۇمىستارى قارقىندى ءجۇرىپ جاتىر. شارۋاشىلىقتا ەگىستىك تە، مال ءوسىرۋ دە قولعا الىنعان. مۇندا 537 باس ءىرى قارا، 600 باس ۇساق مال جانە 630 جىلقى ءوسىرىلىپ وتىر.

- بيىل ءبىز جازدىق ارپا، كۇنباعىس جانە ءبىرىنشى رەت قانت قىزىلشاسىن سەپتىك. ازىرگە قىزىلشانى 38 گەكتاردان باستاپ وتىرمىز. كەلەسى جىلى ۇلعايتۋ جوسپارىمىزدا بار، ويتكەنى بۇل تابىستى داقىل، ءارى وسى داقىلدى وسىرۋشىلەرگە مەملەكەتتىك قولداۋ كورسەتىلەدى. «كونۆيزا سمارت» جوعارى ءونىمدى تۇقىمىن سەۋىپ جاتىرمىز. شارۋاشىلىعىمىزدا قاجەتتى اۋىل شارۋاشىلىعى تەحنيكاسى بار، دەگەنمەن وتكەن جىلى اۋداندا سەرۆيستىك-دايىنداۋ ورتالىعىنا ارناپ ساتىپ الىنعان زاماناۋي تەحنيكا بىزگە ۇلكەن كومەك بولدى، وسى تەحنيكالاردىڭ قىزمەتتەرىن پايدالانىپ وتىرمىز. مىسالى، پنيەۆماتيكالىق سەپكىشتىڭ ارتىقشىلىعى سول، اۆتوپيلوتى بولعاندىقتان ونىڭ جىلدامدىعى جاقسى، ونىمەن كۇندىز دە، تۇندە دە جۇمىس ىستەي الاسىز. وسى تەحنيكانىڭ كومەگىمەن ءبىر كۇندە 30 گا جەر ەگۋگە بولادى، - دەيدى شق باسشىسى ەگەمەن جۇماعالي.

وسى ورايدا بەيبىت يسابايەۆ جەتىسۋ وبلىسىندا وندىرىلەتىن اۋىل شارۋاشىلىعى شيكىزاتىنىڭ 65%-ى وڭىردە قايتا وڭدەلەتىنىن، سونىڭ ىشىندە قانت وندىرىسىنە ەرەكشە كوڭىل ءبولىنىپ وتىرعانىن اتاپ ءوتتى.  

- مىسالى، وتكەن جىلى وبلىستىڭ 5 اۋدانىندا 8 جاڭا سەرۆيستىك-دايىنداۋ ورتالىعى قۇرىلدى، سونىڭ ارقاسىندا 30 شارۋا قوجالىعى قانت قىزىلشاسىن وندىرۋگە قاجەتتى جالپى سوماسى 2،5 ملرد.تەڭگەگە 62 بىرلىك تەحنيكا ساتىپ الۋعا مۇمكىندىك الدى. اۋىل شارۋاشىلىعىن دامىتۋ ءۇشىن، ونىمدىلىكتى ارتتىرۋ ءۇشىن وزىق تەحنولوگيالاردى مەڭگەرۋ كەرەك. بۇعان زاماناۋي اۋىل شارۋاشىلىعى تەحنيكاسى دا ۇلكەن ىقپال ەتەدى، - دەدى وبلىس اكىمى.

وتكەن جىلى سارقان اۋدانىندا 3 جاڭا سەرۆيستىك-دايىنداۋ ورتالىعى قۇرىلدى، ولارعا 4 سەپكىش، 3 قىزىلشا كومباينى جانە 3 پالەك جينايتىن ماشيناسى ساتىپ الىندى. ءقازىر اۋداندا 6 سدو جۇمىس ىستەيدى، وندا 30-عا جۋىق اۋىل شارۋاشىلىعى تەحنيكاسى بار. اۋداندا قانت قىزىلشاسىن ءوسىرۋدىڭ اگروتەحنولوگياسى دامىعانىن ەسكەرسەك، وتكەن جىلى ءتاتتى ءتۇبىر الاڭى 2 ەسەگە ۇلعايتىلدى، ال بيىل تاعى 900 گەكتارعا ارتادى. وسىلايشا، سارقان اۋدانىندا بۇل داقىلدىڭ القابى 3،8 مىڭ گەكتار بولماق.

جالپى وسى جىلى وبلىستىڭ اگروونەركاسىپتىك كەشەنىن دامىتۋعا 45 ملرد.تەڭگە ءبولىندى، ونىڭ 27 ملرد. تەڭگەسى نەمەسە 59% – سۋبسيديا.

قازاقستان حالقىنىڭ بىرلىگى كۇنىنە وراي الماتىنىڭ جەتىسۋ اۋدانىندا بىرەگەي ءىس-شارا ءوتتى.

الماتى اكىمدىگىنىڭ مالىمەتىنشە، «اينابۇلاق» شاعىن اۋدانىنداعى № 4 مامانداندىرىلعان بالالار-جاسوسپىرىمدەر سپورت مەكتەبىندە ەل تاريحىنداعى ەڭ ۇزىن — 1704 مەتر بولاتىن لاعمان دايىندالدى جانە بۇل فاكت قازاقستاننىڭ رەكوردتار كىتابىندا رەسمي تىركەلدى. جالپى 19 كەلى ۇننان قامىر يلەنىپ، 50-دەن استام اسپاز تاعامدى ەكى ساعاتتىڭ ىشىندە دايىنداعان.

— اسپازداردىڭ الدىندا قامىردى جىرتىپ الماي دايىنداۋ مىندەتى تۇردى. قيىندىقتارعا قاراماستان ءبىزدىڭ اسپازدار ونى وتە جاقسى دايىندادى، — دەدى جەتىسۋ اۋدانى انالار كەڭەسىنىڭ ءتورايىمى راحيما وماروۆا.

بۇگىن تالدىقورعان قالاسىندا حالىقارالىق مەيىربيكە كۇنى اتالىپ ءوتتى. بۇل كۇندى مەيىربيكە ءىسى قىزمەتىنىڭ نەگىزىن قالاۋشىلاردىڭ ءبىرى فلورەنس نايتينگەيلدىڭ تۋعان كۇنىن اتاپ ءوتۋ ءۇشىن 1974 جىلى حالىقارالىق مەيىربيكە ءىسى كەڭەسى تاڭدادى.

سالتاناتتى جيىندا جەتىسۋ وبلىسى دەنساۋلىق ساقتاۋ باسقارماسىنىڭ باسشىسى سادىكوۆ اسقار مارات ۇلى قۇتتىقتاۋ سوزىندە دەنساۋلىق ساقتاۋ جۇيەسىندەگى مەيىربيكەلەردىڭ ءرولىن اتاپ ءوتتى. ولاردىڭ ۇزاق جىلدار بويى جيناعان باعا جەتپەس ەڭبەگى مەن تاجىريبەسى ناۋقاستاردى ءتۇرلى دەرتتەن ساۋىقتىرۋعا قىزمەت ەتىپ كەلەدى.

- سىزدەردى 12 مامىر – حالىقارالىق مەيىربيكەلەر كۇنىمەن شىن جۇرەكتەن قۇتتىقتايمىن! بۇگىن سىزدەر وسى ۇلى ءىستىڭ لايىقتى ءىزباسارىسىزدار. سىزدەر كۇندەلىكتى كاسىپقويلىقتىڭ جوعارى دەڭگەيىن جانە ءاربىر پاسيەنتكە شىنايى قامقورلىقتى كورسەتەسىزدەر.

سىزدەردىڭ جۇمىستارىڭىز تەك تەرەڭ ءبىلىمدى عانا ەمەس، سونىمەن بىرگە شىدامدىلىقتى، مەيىرىمدىلىك پەن جاناشىرلىقتى قاجەت ەتەدى. سىزدەرگە شىدامدىلىق پەن ادالدىق تانىتا بىلگەندەرىڭىز ءۇشىن شىن جۇرەكتەن العىس ايتامىن! - دەدى باسقارما باسشىسى.

سالتاناتتى جيىندا كوكسۋ اۋداندىق ورتالىق اۋرۋحاناسىنىڭ ونكولوگ كابينەتىنىڭ مەيىربيكەسى لايلا بالابەكوۆا «ەڭبەك ارداگەرى» توسبەلگىمەن جانە وبلىستىق جۇقپالى اۋرۋلار اۋرۋحاناسىنىڭ باس مەيىربيكەسى جاننا كارييەۆا «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن ماراپاتتالدى.

كاسىبي مەرەكە قارساڭىندا «ءوز كاسىبىنىڭ ۇزدىگى» ءتورت نوميناسياسى بويىنشا جەڭىمپازدار ماراپاتالدى.

"ستاسيوناردىڭ ۇزدىك مەدبيكەسى" نوميناسياسىن اقسۋ ورتالىق اۋداندىق اۋرۋحاناسىنىڭ حيرۋرگيالىق بولىمشەسىنىڭ مەدبيكەسى راۋشان كازييەۆا، "العاشقى مەديسينالىق-سانيتارلىق كومەكتىڭ ۇزدىك مەدبيكەسى"  نوميناسياسىن ەسكەلدى اۋداندىق ورتالىق اۋرۋحاناسىنىڭ مەيىربيكەسى اراي احمەتوۆا،  "ۇزدىك فەلدشەر" نوميناسياسىن بەسكول دارىگەرلىك امبۋلاتورياسىنىڭ فەلدشەرى ازامات قۇرامىسوۆ جانە "ۇزدىك اكۋشەر" نوميناسياىن  الاكول اۋداندىق اقتۇبەك دارىگەرلىك امبۋلاتورياسىنىڭ مەيىربيكەسى مادينا نيزابەكوۆا  جەڭىپ الدى.

سونىمەن قاتار مەيىربيكەلەر كاسىبي مەرەكەگە وراي دەنساۋلىق ساقتاۋ ءمينيسترىنىڭ قۇرمەت گرامموتاسىمەن جانە العىس حاتتارىمەن ماراپاتتالدى.

جەتىسۋ وبلىسىنداعى مەديسينالىق ۇيىمداردا التى مىڭنان استام مەيىربيكە جۇمىس ىستەيدى.