بۇگىن نۇر-سۇلتان قالاسىندا وتكەن Nur Otan پارتياسىنىڭ كەزەكتەن تىس XIX سەزىندە 9 ماۋسىمدا بولاتىن كەزەكتەن تىس قازاقستان رەسپۋبليكاسى پرەزيدەنتى سايلۋىنا قوساتىن ۇمىتكەرلەرىنىڭ ەسىمىن جاريالادى.
جيىندا قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ پرەزيدەنتتىك وكىلەتتىن توقتاتقالى بەرى ءبىرقاتار ەلدەردىڭ باسشىلارىمەن سويلەسكەنىن، كوپشىلىگىنەن ءالى كۇنگە دەيىن حاتتار كەلىپ ءتۇسىپ جاتقانان ايتتى. «سولاردىڭ بارلىعى بيلىكتى بەرۋدىڭ وزىندىك ۇلگىسىن جۇزەگە اسىرىپ جاتقانىمىزعا قۇرمەتپەن قارايتىنىن جەتكىزدى. ەڭ الدىمەن، الداعى پرەزيدەنت سايلاۋى حالقىمىزدى بيىك ماقساتتارعا جۇمىلدىرۋعا ءتيىس دەپ سانايمىن»، -دەدى. سونداي-اق ونىڭ سوزىنشە، «قاسىم-جومارت توقايەۆتىڭ ديپلوماتيالىق تاجىريبەسى بۇۇ دەڭگەيىندە جوعارى باعالانعانىن بىلەسىزدەر. وسى جاھاندىق قۇرىلىمدا ول باس حاتشىنىڭ ورىنباسارى رەتىندە قىزمەت ەتتى. ديپلوماتيالىق جەتىستىكتەرىمەن قاتار قاسىم-جومارت كەمەل ۇلى مەملەكەتتىك باسقارۋ سالاسىندا مول تاجىريبە جينادى. ول ەل دامۋىنىڭ ەڭ كۇردەلى كەزەڭىندە قازاقستان ۇكىمەتىن باسقاردى. ەستەرىڭىزدە بولسا، 1998 جىلعى ازياداعى قارجى داعدارىسىنان كەيىن ەكونوميكانى قالپىنا كەلتىرۋگە اتسالىستى. ق.توقايەۆتىڭ تىكەلەي قاتىسۋىمەن 90-شى جىلداردىڭ اياعى مە 2000 جىلداردىڭ باسىندا ءبىرقاتار ماڭىزدى رەفورما جۇرگىزىلىپ، ەل ەكونوميكاسىن وركەندەتۋگە جول اشتى» دەدى. اتاپ ايتقاندا، ق.توقايەۆ سول جىلدارى ەلباسىنىڭ ۇلتتىق قور قۇرۋ تۋرالى يدەياسىن تولىق قولداپ، ونىڭ قۇرىلۋىنا اتسالىسقان. تۇرعىن ءۇي قۇرىلىس جيناق بانكى، دامۋ ينستيتۋتتارى وسى كەزدە پايدا بولعان. الەۋمەتتىك جاڭعىرۋ جولىندا العاشقى قادامدار جاسالعان. جاڭا زەينەتاقى جۇيەسى قالىپتاستى. قاسىم-جومارت توقايەۆ سەنات ءتوراعاسى رەتىندە قازاقستانداعى پارلامەنتاريزمنىڭ جاڭا زاڭ شىعارۋ قىزمەتىنە مول ۇلەس قوسقان. «وسى جىلدار ىشىندە ول ماعان سەنىمدى سەرىك بولىپ، ەلىمىزدى ودان ارى وركەندەۋگە قاتىستى ۇستانىمىمدى قولداپ كەلەدى. مەن وعان تولىق سەنەمىن جانە ونى قازاقستاندى باسقارۋعا لايىقتى ازامات دەپ ەسەپتەيمىن»، دەدى ءوز سوزىندە نۇرسۇلتان نازاربايەۆ.
سۋرەت akorda.kz سايتىنان الىندى.
