ۆاليۋتا باعامى
  • USD -

    452.9
  • EUR -

    490.5
  • RUB -

    5.09
الماتىدا سەلدى ۇستايتىن بوگەت قۇرىلىسىندا بۇزۋشىلىقتار انىقتالدى
11 ءساۋىر 2024
الماتىدا سەلدى ۇستايتىن بوگەت قۇرىلىسىندا بۇزۋشىلىقتار انىقتالدى

الماتى قالاسىنىڭ 30 مىڭعا جۋىق تۇرعىنىنىڭ ومىرىنە ءقاۋىپ ءتونىپ تۇر. بۇل تۋرالى  تجم حابارلايدى.

«ق ر توتەنشە جاعدايلار ءمينيسترى شىڭعىس ءارىنوۆ «اقساي» باسسەينىندەگى سەلدى ۇستايتىن بوگەتتى تەكسەرۋ كەزىندە مەردىگەردىڭ جوعارىدا اتالعان وبەكتىنى سالۋ بويىنشا مىندەتتەمەلەرىن ورىنداماۋىنا بايلانىستى بەلگىلى ءبىر بۇزۋشىلىقتاردى انىقتادى. بۇل الماتى قالاسىنىڭ 30 مىڭعا جۋىق تۇرعىنىنىڭ ومىرىنە ءقاۋىپ توندىرەدى. وسىعان بايلانىستى «قازسەلدەنقورعاۋ» باسشىلىعىنىڭ الدىندا ءتيىستى ماتەريالداردى پروسەسسۋالدىق شەشىم قابىلداۋ ءۇشىن ق ر قارجى مونيتورينگى اگەنتتىگىنە بەرۋ تۋرالى ماسەلە كوتەرىلدى. ونىڭ ناتيجەلەرى بويىنشا ق ر قما قىلمىستىق ءىس قوزعادى جانە مەردىگەر ۇيىمنىڭ جاۋاپتى تۇلعالارىنا قاتىستى بيۋدجەت قاراجاتىن ۇرلاۋ بويىنشا تەرگەۋ جۇرگىزىلۋدە» - دەلىنگەن مينيسترلىك حابارلاماسىندا.

RELATED NEWS
جايىق وزەنىنىڭ تاسۋى اتىراۋ وبلىسىنا ءالى ءقاۋىپ ءتوندىرىپ تۇر
27 مامىر 2024
جايىق وزەنىنىڭ تاسۋى اتىراۋ وبلىسىنا ءالى ءقاۋىپ ءتوندىرىپ تۇر

جايىق وزەنىندەگى تاسقىن سۋ اتىراۋ قالاسىنىڭ سولتۇستىك بولىگىندەگى ەلدى مەكەندەرگە ءقاۋىپ ءتوندىرىپ تۇر. بۇل تۋرالى Ulys وبلىستىق جەدەل شتابقا سىلتەمە جاساپ حابارلايدى.

اتىراۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى رۋسلان شارييەۆتىڭ ايتۋىنشا، تاسقىن سۋ المالى جانە بەسىكتى اۋىلدارىنا جاقىنداعان. 

«جايىق وزەنىندە سۋ دەڭگەيىنىڭ كوتەرىلۋىنە بايلانىستى اتىراۋ قالاسىنىڭ ماڭىنداعى 1-5-ۋچاسكەلەر ءقاۋىپتى اۋماقتا قالىپ وتىر. سول سەبەپتەن، وزەن جاعالاۋىنداعى ەلدى مەكەندەردە تاۋلىك بويى كەزەكشىلىك جۇرگىزۋ قولعا الىندى. ءقازىر سۋ ايدىنىنىڭ جاعالاۋىنداعى قورعانىس بوگەتى شيفەرمەن قوسىمشا بەكىتىلىپ جاتىر. جاعاداعى دامبى بيىكتەتىلىپ، كانالدار تەرەڭدەتىلۋدە. اعىنى قاتتى تاسقىن سۋ اتىراۋ قالاسىنىڭ سولتۇستىك بولىگىندە ورنالاسقان بارلىق ەلدى مەكەنگە ءقاۋىپ ءتوندىرىپ تۇر»، - دەدى ءمالىم ەتتى رۋسلان شارييەۆ. 

ونىڭ ايتۋىنشا، اتىراۋ مەن ونىڭ ماڭىنداعى قورعانىس بوگەتىن نىعايتۋ جۇمىسىنا توتەنشە جاعدايلار مينيسترىلىگىنىڭ، قورعانىس مينيسترلىگى جانە جەرگىلىكتى اتقارۋشى ورگانداردىڭ قىزمەتكەرلەرى مەن ەرىكتىلەر جۇمىلعان. 

قازاقستانداعى كاسىپوداقتار بەس وبلىسقا 240 ملن تەڭگەگە جۋىق كومەك جىبەردى
29 مامىر 2024
قازاقستانداعى كاسىپوداقتار بەس وبلىسقا 240 ملن تەڭگەگە جۋىق كومەك جىبەردى

قازاقستان رەسپۋبليكاسى كاسىپوداقتار فەدەراسياسىنىڭ ءتوراعاسى ساتىبالدى داۋلەتالين اقتوبە وبلىسىنا جۇمىس ساپارى بارىسىندا سۋ تاسقىنىنان زارداپ شەككەن وڭىردەگى كاسىپوداق مۇشەلەرىمەن ءبىرقاتار كەزدەسۋلەر وتكىزدى، دەپ حابارلايدى Ulys.

اقتوبەدە قركف ءتوراعاسى قالانىڭ كاسىپوداق قىزمەتكەرلەرىمەن، سونداي-اق ىرعىز جانە ويىل اۋداندارىنىڭ تۇرعىندارىمەن كەزدەستى.

جينالعاندار الدىندا كاسىپوداقتار فەدەراسياسىنىڭ ءتوراعاسى تابيعي اپاتتىڭ اۋقىمى مەن زالالى زور ەكەنىن اتاپ ءوتتى.

«بيىلعى كوكتەمدە قازاقستاندىقتار سوڭعى 80 جىلداعى ەڭ ءىرى تابيعي اپات بولعان سۋ تاسقىنى سالدارىنان كۇردەلى سىناقتارعا تاپ بولدى. ەلدىڭ 10 وبلىسىندا توتەنشە جاعداي جاريالانعانىن بىلەسىزدەر. قارعىن سۋدىڭ كەسىرىنەن قارا حالىق جان ساۋعالاپ، كورشى اۋىل، اۋدان، ءتىپتى وبلىستاردان باسپانا ىزدەۋگە ءماجبۇر بولدى»، - دەدى ساتىبالدى داۋلەتالين.

بۇل رەتتە ول سۋ تاسقىنى ايماعىندا تىرشىلىك ارەكەتىن قالپىنا كەلتىرۋ ءۇشىن مەملەكەت قابىلداپ جاتقان شارالاردىڭ ماڭىزدىلىعىن اتاپ ءوتتى.

 «وسى قيىن كەزەڭدە ەل پرەزيدەنتى قاسىم-جومارت كەمەل ۇلى توقايەۆ سۋ تاسقىنىنان زارداپ شەككەن بىردە-بىر ادام قاراۋسىز قالمايدى، ماتەريالدىق شىعىندار تولىعىمەن وتەلەدى دەپ سەندىردى. بۇگىنگى تاڭدا ۇكىمەت تاراپىنان تاسقىنعا توسقىن بولار شارالار جۇزەگە استى. سوڭعى اقپاراتقا سەنسەك، بۇگىندە 61 352 ادام ءوز ۇيلەرىنە ورالعان. ەۆاكۋاسيالىق پۋنكتتەردەگى 5 452 ادامعا قاجەتتى كومەك كورسەتىلىپ جاتىر. 26 مىڭنان استام وتباسىعا 100 ايلىق ەسەپتىك كورسەتكىش مولشەرىندە ءبىر رەتتىك تولەم بەرۋ ءۇشىن ۇكىمەت 10 ملرد تەڭگەدەن استام قارجى ءبولدى. وڭىرلەردە 873 جاڭا ءۇيدىڭ قۇرىلىسى جۇرگىزىلۋدە. 891 وتباسىعا ۇيلەرىن جوندەۋ جانە قالپىنا كەلتىرۋ شىعىندارىن وتەۋ ءۇشىن جالپى سوماسى 1،9 ملرد تەڭگە كولەمىندە وتەماقى بەرىلدى. قازىرگى كەزدە سۋ تاسقىنىنان زارداپ شەككەن ايماقتاردا 11 137 تۇرعىن ءۇي تەكسەرىلىپ، 7 863 نىساندى باعالاۋ جۇمىستارى اياقتالدى. تۇرمىسقا قاجەتتى دۇنيە-مۇلىك ساتىپ الۋعا 553 800 تەڭگەگە دەيىن قوسىمشا وتەماقى تولەنىپ جاتىر» ، - دەدى قركف ءتوراعاسى.

سونىمەن قاتار، اپاتتى جاعداي تۋرالى العاش ەستىگەن ساتتەن بىرلىك قاعيداتتارى نەگىزىندە كاسىپوداقتار فەدەراسياسى مەن وعان قاراستى ۇيىمدار ورتاق باقىتسىزدىقتىڭ توڭىرەگىندە توپتاسىپ، جەرلەستەرىنە جان-جاقتى كومەك كورسەتكەنىن اتاپ ءوتتى.

جالپى العاندا كاسىپوداقتار ەلىمىزدىڭ زارداپ شەككەن بەس وبلىسىن قولداۋ ماقساتىندا 225 ميلليون تەڭگەگە جۋىق ماتەريالدىق كومەك، سونداي-اق 14 ميلليون تەڭگەگە جۋىق گۋمانيتارلىق كومەك اۋداردى.

اقتوبە وبلىسىنىڭ تۇرعىندارىنا فەدەراسيانىڭ مۇشەلىك ۇيىمدارى 108 ملن. تەڭگەدەن استام سوماعا ماتەريالدىق كومەك جانە 3 ملن. تەڭگەگە جۋىق سوماعا گۋمانيتارلىق كومەك كورسەتتى.

قارجىلاي كومەكپەن قاتار، قازاقستان رەسپۋبليكاسى كاسىپوداقتار فەدەراسياسىنىڭ باستاماسىمەن پاناسىز قالعاندار ءۇشىن ەلىمىزدەگى شيپاجايلاردان 269 ورىن ءبولىندى. توتەنشە جاعداي باستالعالى 179 ادام كاسىپوداق شيپاجايلارىنا ورنالاستىرىلدى.

قوسىمشا قولداۋ رەتىندە قركف باسشىسى سالالىق كاسىپوداقتاردىڭ مەملەكەتتىك، بانك مەكەمەلەرىنىڭ جانە "KYZMET" قوعامدىق قىزمەت كورسەتۋ قىزمەتكەرلەرىنە، قۇرىلىس كەشەنى مەن تكش قىزمەتكەرلەرى، وقۋ-اعارتۋ، عىلىم جانە جوعارى ءبىلىم بەرۋ قىزمەتكەرلەرى، "YNTYMAQ" كاسىپكەرلىك قىزمەتكەرلەرى، سونداي-اق مۇناي-گاز سالالىق كاسىپوداق قىزمەتكەرلەرى، مادەنيەت، سپورت، تۋريزم جانە اقپارات قىزمەتكەرلەرىنە 12 مۇشەسىنە تۇرمىستىق تەحنيكانى ساتىپ الۋعا سەرتيفيكاتتار تابىس ەتتى.

ساتىبالدى داۋلەتالين اپاتتان زارداپ شەككەندەرگە قولداۋ ءبىلدىرىپ، سۋ تاسقىنىمەن كۇرەسۋگە كومەكتەسكەن، سونداي-اق حالىققا گۋمانيتارلىق كومەك كورسەتكەن قۇتقارۋشىلارعا، اسكەري قىزمەتشىلەرگە، ەرىكتىلەر مەن كاسىپكەرلەرگە العىسىن ءبىلدىردى.

ادامداردى قۇتقارۋعا جانە زارداپ شەككەندەرگە كومەك كورسەتۋگە قاتىسقانى ءۇشىن «ەڭبەك وزاتى» قازاقستان رەسپۋبليكاسى كاسىپوداقتار فەدەراسياسىنىڭ مەدالىمەن "20982" اسكەري ءبولىمىنىڭ بولىمشە كومانديرى نۇرلان كوندىبايەۆ، "20982" اسكەري ءبولىمىنىڭ سۇڭگۋىر بولىمشەسىنىڭ كومانديرى ەدىلحان ولجاس، ق ر ۇلتتىق ۇلانى "باتىس" وڭىرلىك قولباسشىلىعىنىڭ "6655" اسكەري ءبولىمىنىڭ 1-اتقىشتار روتاسىنىڭ 3-ۆزۆودىنىڭ كومانديرى ديار مايلىبايەۆ، ق ر ۇلتتىق ۇلانى "باتىس" وڭىرلىك قولباسشىلىعىنىڭ "6655" اسكەري ءبولىمىنىڭ 1-اتقىشتار روتاسىنىڭ كومانديرى زاڭعار قىدىرالى، اەرودروم تەحنيكالىق ۆزۆودىنىڭ اۋە شابۋىلىنا قارسى قورعانىس بولىمشەسىنىڭ كومانديرى رۋسلان ۇمبەتبايەۆ مارپاتتالدى.

سونداي-اق قركف-نىڭ «ەڭبەك وزاتى» مەدالدارىمەن ەرىكتىلەردى جانە زارداپ شەككەن ازاماتتاردى كومەككە شاقىرىپ، ازىق-تۇلىكپەن قامتاماسىز ەتكەن جەرگىلىكتى بيزنەس وكىلدەرى: «دۋلات» مەيرامحاناسىنىڭ ديرەكتورى ءانۋار قۇسۋبايەۆ، «قازاق» كافەسىنىڭ ديرەكتورى بوريس بايجارقىنوۆ، «تاكسيم ازيا» مەيرامحاناسىنىڭ ديرەكتورى ۆالەنتينا ماحمۋتوۆا ماراپاتتالدى.

ەڭ بەلسەندى ەرىكتىلەر اراسىندا "اڭسار" اقپاراتتىق-تالداۋ ورتالىعىنىڭ مامانى ەركەبۇلات تاعانوۆ پەن اقتوبە جوعارى پوليتەحنيكالىق كوللەدجىنىڭ 2 كۋرس ستۋدەنتى مۇحامەديار تورەعالييەۆتىڭ ۇلەسى اتاپ ءوتىلدى.

مۇحامەديار تورەعالييەۆ - توتەنشە جاعداي ەنگىزىلگەن كۇننەن باستاپ ەۆاكۋاسيالىق، بوگەت سالۋ جۇمىستارىنا، گۋمانيتارلىق كومەكتى بولۋگە قاتىسقان جانە زارداپ شەككەندەردىڭ قاۋىپسىزدىگى مەن جايلىلىعىن قامتاماسىز ەتۋ ءۇشىن قاجەتتى باسقا دا مىندەتتەردى ورىنداعان ەرىكتىلەردىڭ ەڭ كىشىسى.

«سۋ تاسقىنىنان زارداپ شەككەندەرگە كومەك قابىلداۋ پۋنكتتەرىنە رەسپۋبليكامىزدىڭ وبلىستارىنان، وزبەكستان مەن قىرعىزستاننان ازىق-تۇلىك پەن كيىم-كەشەك جەتكىزىلدى. بارلىعىن سۇرىپتاپ، زارداپ شەككەندەرگە جەتكىزدىك. بۇل جۇمىستى ءالى دە جالعاستىرۋدامىن. ەڭبەككە جوعارى باعا بەرگەن كاسىپوداقتار فەدەراسياسىنىڭ ءتوراعاسىنا العىسىم شەكسىز»، - دەپ العىسىن ءبىلدىردى.

ساتىبالدى داۋلەتالين ماراپاتتاردى تابىستاي وتىرىپ، قيىن كەزەڭدەر تاعى دا بىرلىك پەن ىنتىماقتاستىقتىڭ شىنايى كۇشىن كورسەتكەنىن اتاپ ءوتتى.

«بۇگىندە ءوز ءومىرىن قاتەرگە تىگىپ، باتىلدىعىمەن ەرەكشەلەنىپ، ادامداردىڭ ءومىرىن ساقتاپ قالعان، زارداپ شەككەندەردى ەۆاكۋاسيالاعان جانە قيىنشىلىققا تاپ بولعاندارعا العاشقى كومەك كورسەتكەن قازاقستاندىقتاردىڭ ۇلەسىن اتاپ ءوتۋ ماڭىزدى. قۇتقارۋشىلار مەن ەرىكتىلەر كورسەتكەن ىنتىماقتاستىق پەن ءوزارا كومەك بىرلىكتە كەز كەلگەن قيىندىقتى قالاي جەڭۋگە بولاتىنىنىڭ جارقىن مىسالى بولىپ تابىلادى. ءبىز سىزدەردىڭ جاۋاپكەرشىلىك پەن باتىلدىق قاسيەتتەرىن تەرەڭ باعالايمىز"، - دەدى ساتىبالدى داۋلەتالين.

جۇمىس ساپارى قوبدا اۋىلىندا زارداپ شەككەندەرمەن كەزدەسۋلەرمەن جالعاستى.

"قوبدا ورمان شارۋاشىلىعى" كمم-دە وتكەن كەزدەسۋدە ق ر كاسىپوداقتار فەدەراسياسىنىڭ ءتوراعاسى ساتىبالدى داۋلەتالين جەرگىلىكتى تۇرعىندارعا قولداۋ ءبىلدىرىپ، قوبدا جانە ويىل اۋداندارى كاسىپوداعىنىڭ 10 مۇشەسىنە تۇرمىستىق تەحنيكا ساتىپ الۋعا سەرتيفيكاتتار تابىس ەتتى.

اۋىل شارۋاشىلىعى قىزمەتكەرلەرى سالالىق كاسىپوداعىنىڭ اقتوبە وبلىستىق فيليالىنىڭ ءتوراعاسى تۇراقباي سۇلتانعالييەۆ جانە ورمان شارۋاشىلىعى ديرەكتورى ورازباي وماروۆ كاسىپوداقتار فەدەراسياسىنىڭ باسشىلىعىنا قىزمەتكەرلەردىڭ ماسەلەلەرىنە جەكە كوڭىل بولگەنى جانە گۋمانيتارلىق كومەك جيناۋ، ۋاقىتشا باسپانا بەرۋ جانە ماتەريالدىق قولداۋ بويىنشا ءتيىمدى جۇمىسى ءۇشىن العىس ءبىلدىردى.

"سۋ تاسقىنى كەزىندەگى جۇمىستا كاسىپوداقتىڭ تۇراقتى قولداۋى مەن كومەك كورسەتۋ ارەكەتتەرىن ۇيلەستىرۋ ماڭىزدى ءرول اتقاردى. كاسىپوداقتار ۇيىمشىلدىق پەن ىنتىماقتاستىقتىڭ جوعارى دەڭگەيىن كورسەتتى، بۇل قيىن كەزەڭدە باعا جەتپەس دۇنيە دەپ ەسەپتەيمىن"، - دەپ اتاپ ءوتتى ورمان شارۋاشىلىعى كاسىپورنىنىڭ ديرەكتورى ورازباي وماروۆ.

 

كەزدەسۋدە ورمان شارۋاشىلىعى قىزمەتكەرلەرىنىڭ وزەكتى ماسەلەلەرى دە قارالدى. كاسىپوداق مۇشەلەرى قركف باسشىلىعىنا سالا قىزمەتكەرلەرىنە ەڭبەكاقى تولەۋ ماسەلەسىن شەشۋگە جاردەمدەسۋ تۋرالى وتىنىشپەن جۇگىندى.

اتاپ ايتقانداي، وتكەن جىلى سالا قىزمەتكەرلەرىنىڭ جالاقىسى ورتا ەسەپپەن 200 مىڭ تەڭگەگە دەيىن كوتەرىلدى، الايدا يننوۆاسيالار ماۋسىمدىق قىزمەتكەرلەر مەن تەحنيكالىق پەرسونالعا اسەر ەتكەن جوق. مىسالى، ءورت ءسوندىرۋ ماشينالارىنىڭ جۇرگىزۋشىلەرى مەن راديو وپەراتورلارى ءالى دە ايىنا 80-100 مىڭ تەڭگە الادى.

ەڭبەك ۇجىمىنىڭ سۇراعىنا جاۋاپ بەرە وتىرىپ، ساتىبالدى داۋلەتالين ورمان شارۋاشىلىعى قىزمەتكەرلەرىنىڭ ونداعان جىلدار بويى جيناقتالعان ماسەلەلەرىن كاسىپوداقتار فەدەراسياسى "سەمەي ورمانى" ءىرى ءورتى كەزىندە وتكىر تالقىعا تۇسكەنىن ەسكە سالدى. 

«بيىلعى جىل كاسىپوداقتار فەدەراسياسى لايىقتى ەڭبەك جىلى دەپ جاريالاندى. لايىقتى ەڭبەكتىڭ نەگىزى، ەڭ الدىمەن، لايىقتى جالاقى بولىپ تابىلادى.  كاسىپوداقتار فەدەراسياسى ەتج مولشەرىن 42 500 تەڭگەدەن 85 000 تەڭگەگە دەيىن ارتتىرۋعا قول جەتكىزدى. ەل پرەزيدەنتى ەڭ تومەنگى ەڭبەكاقى مولشەرىن ايقىنداۋ ادىستەمەسىن ازىرلەۋ جونىندەگى بۇرىننان كەلە جاتقان كاسىپوداق باستاماسىن قولدادى. سونىمەن قاتار، ءبىز ەڭ تومەنگى جالاقىنىڭ حالىقارالىق ستاندارتتارعا سايكەس كەلۋىن جانە ورتاشا جالاقىنىڭ 50 پايىزىنان تومەن بولماۋىن تالاپ ەتەمىز"، – دەپ اتاپ ءوتتى ق ر كاسىپوداقتار فەدەراسياسىنىڭ ءتوراعاسى.

قركف باسشىسى كاسىپوداقتار فەدەراسياسى سالا قىزمەتكەرلەرىنىڭ الەۋمەتتىك-ەڭبەك ماسەلەلەرىن شەشۋ بويىنشا جۇمىستى جالعاستىراتىنىن اتاپ ءوتتى.

 كاسىپوداق مۇشەلەرىمەن كەلەسى كەزدەسۋ قوبدا كوپسالالى كوللەدجىندە ءوتتى. كەزدەسۋدە كاسىپوداقتار فەدەراسياسى ءتوراعاسىنىڭ قولىنان قوبدا جانە ويىل اۋداندارىنىڭ 23 تۇرعىنى - ءبىلىم، مەديسينا جانە مادەنيەت سالالارىنىڭ قىزمەتكەرلەرى سەرتيفيكاتتار الدى. 

اقتوبە وبلىستىق ءبىلىم جانە عىلىم قىزمەتكەرلەرىنىڭ سالالىق كاسىپوداعى ۇيىمىنىڭ باس مامانى ايجارىق سەرىمبەتوۆ اپاتتان زارداپ شەككەندەردىڭ قاتارىندا اقتوبە وبلىسىنىڭ ءبىلىم بەرۋ سالاسىنىڭ 500-گە جۋىق قىزمەتكەرى بار ەكەنىن ايتتى. ونىڭ ايتۋىنشا، سالالىق كاسىپوداق ءاربىر قىزمەتكەرگە 100 مىڭ تەڭگە كولەمىندە ءبىرجولعى كومەك كورسەتتى.

اقتوبە وبلىستىق ءبىلىم جانە عىلىم قىزمەتكەرلەرىنىڭ سالالىق كاسىپوداعى ۇيىمىنىڭ باس مامانى ايجارىق سەرىمبەتوۆ اپاتتان زارداپ شەككەندەردىڭ قاتارىندا اقتوبە وبلىسىنىڭ ءبىلىم بەرۋ سالاسىنىڭ 500-گە جۋىق قىزمەتكەرى بار ەكەنىن ايتتى. ونىڭ ايتۋىنشا، سالالىق كاسىپوداق ءاربىر قىزمەتكەرگە 100 مىڭ تەڭگە كولەمىندە ءبىرجولعى كومەك كورسەتتى. 

كاسىپوداقتار فەدەراسياسىنىڭ ءتوراعاسى وقۋ-اعارتۋ، ءبىلىم جانە جوعارى عىلىم قىزمەتكەرلەرىنىڭ سالالىق كاسىپوداعىنىڭ ايرىقشا ۇلەسىن اتاپ ءوتىپ، سۋ تاسقىنىنان زارداپ شەككەندەرگە ەلەۋلى كومەك كورسەتكەنى ءۇشىن مۇشەلىك ۇيىمعا العىسىن ءبىلدىردى. 

 ەڭبەك ۇجىمدارىمەن كەزدەسۋلەردىڭ قورىتىندىسى بويىنشا ساتىبالدى داۋلەتالين قوبدا اۋدانىنىڭ اكىمى ىزگىلىك تىنىمگەرەيەۆپەن بىرلەسىپ، قالپىنا كەلتىرۋ جۇمىستارىنىڭ بارىسىمەن جانە تابيعي اپاتتان زارداپ شەككەن تۇرعىندار ءۇشىن جاڭا تۇرعىن ۇيلەردىڭ قۇرىلىسىمەن تانىستى. قوبدا اۋدانىنىڭ اكىمى حابارلاعانداي، اۋدان ورتالىعىنداعى سۋ باسقان ۇيلەردىڭ تەحنيكالىق جاعدايىن تەكسەرۋ جالعاسۋدا. بۇگىندە اۋداندا جوسپارلانعان 150 ءۇيدىڭ 116-سى سالىنۋدا. قۇرىلىس جۇمىستارى بەلسەندى قارقىنمەن جۇرگىزىلۋدە. 

اقتوبە وبلىسىندا بولعان كەزدە ق ر كاسىپوداقتار فەدەراسياسىنىڭ ءتوراعاسى ساتىبالدى داۋلەتالين تالدىساي اۋىلىنداعى ابات-بايتاق ورتاعاسىرلىق كەسەنەسىنە جانە "ءاليا" وبلىستىق پاتريوتتىق تاربيە ورتالىعىنا بارىپ، قازاق حالقىنىڭ داڭقتى قىزى، كەڭەس وداعىنىڭ باتىرى ءاليا مولداعۇلوۆاعا قۇرمەت كورسەتتى. قركف باسشىسى قۇرمەتتى قوناقتار كىتابىنا ەستەلىك جازبا قالدىرىپ، ورتالىققا تەلەديدار سىيلادى.

 

 

 

ستۋدەنتتىك قۇرىلىس جاساقتارى سۋ تاسقىنىنان زارداپ شەككەندەرگە ءۇي سالىپ بەرەدى
23 مامىر 2024
ستۋدەنتتىك قۇرىلىس جاساقتارى سۋ تاسقىنىنان زارداپ شەككەندەرگە ءۇي سالىپ بەرەدى

سولتۇستىك قازاقستان وبلىسى، پەتروپاۆل قالاسىندا سۋ تاسقىنىنان زارداپ شەككەندەرگە سالىنىپ جاتقان باسپانالار قۇرىلىسىنا «اۋىل» جاستارى كومەكتەسەدى. ول ءۇشىن وڭىردە ستۋدەنتتىك قۇرىلىس جاساقتارى قۇرىلدى. بۇل - «اۋىل» حدپپ باستاماسىمەن قولعا الىنىپ وتىر، دەپ حابارلايدى Ulys.

بۇگىن پەتروپاۆل قالاسى ا. ۆينوكۋروۆ اتىنداعى سپورت سارايىندا «اۋىل» پارتياسى جاستار قاناتى قۇرىلىس جاساقتارىنىڭ سالتاناتتى شەرۋى ءوتتى.

سالتاناتتى شەرۋگە «اۋىل» حدپپ ءتوراعاسى، ق ر پارلامەنتى ءماجىلىسىنىڭ دەپۋتاتى سەرىك ەگىزبايەۆ، سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆ، جەرگىلىكتى اتقارۋشى بيلىك وكىلدەرى، وبلىستىق ءماسليحات دەپۋتاتتارى، ەڭبەك ارداگەرلەرى ت.ب قاتىستى.

ەل اۋماعىندا بولعان سۋ تاسقىنى زارداپتارىن جويۋ ءۇشىن جاستار ستۋدەنتتىك قۇرىلىس جاساقتارىن قايتا جانداندىرىپ، زارداپ شەككەندەرگە ناقتى كومەك كورسەتۋ جايىندا «اۋىل» پارتياسى ءتوراعاسى، ق ر پارلامەنتى ءماجىلىسى دەپۋتاتى سەرىك ەگىزبايەۆ ۇندەۋ جاساعان بولاتىن. اتالعان ۇندەۋگە ءبىرىنشى بولىپ «اۋىل» پارتياسىنىڭ جاستار قاناتى ءۇن قوستى. سولتۇستىك قازاقستان وبلىسىندا ستۋدەنت جاستار وتريادىن جاساقتالدى.

سالتاناتتى شەرۋدە ءسوز العان سەرىك ەگىزبايەۆ «پرەزيدەنتىمىز قاسىم-جومارت كەمەل ۇلى توقايەۆ بيىلعى ۇلتتىق قۇرىلتايدىڭ ءۇشىنشى وتىرىسىندا: «ادال ادام – ادال ەڭبەك – ادال تاربيە» – بىر-بىرىنە اجىراماس ۇعىمدار. وسى ءۇش باعىتتى وزىق ءارى تابىستى ەلگە اينالۋدىڭ باستى كىلتى دەۋگە بولادى. بالالار مەن جاستاردى تاربيەلەپ، ولاردىڭ بويىنا وسى وزىق قۇندىلاقتاردى سىڭىرۋگە ايىرىقشا كوڭىل ءبولىنۋى ءتيىس – دەپ اتاپ وتكەن بولاتىن. بۇگىن، «اۋىل» پارتياسىنىڭ جاستار قاناتى باستاما كوتەرىپ، ەلىمىز ەگەمەندىك العان ۋاقىتتان بەرى تۇڭعىش رەت «اۋىل» جاستارىنىڭ قۇرىلىس جاساقتارىن» قۇردى. جوبا جاس بۋىن ءۇشىن جاڭا ومىرگە جولداما، جاڭا ماماندىققا باستاۋ بولادى دەپ ويلايمىن. بۇگىن ءبىز «اۋىل» پارتياسى جاستار قۇرىلىس وتريادتارىنىڭ جۇمىسىنا رەسمي ستارت بەرەمىز. ءبىزدىڭ بالالار 3 اي ىشىندە، كوكتەمگى سۋ تاسقىنىنان زارداپ شەككەندەردى كۇزگى سۋىققا ۇرىندىرماي قونىستاندىرۋ ءۇشىن «سولنەچنىي – 2» كەنتىندە قۇرىلىس جانە جوندەۋ جۇمىستارىن جۇرگىزەدى. ۋاقىت وتە از، ال جۇمىس – وتە كوپ. سوندىقتان بالالارىمىزعا ساتتىلىك تىلەيمىز!»، - دەدى.

«اۋىل جاستارى» قۇرىلىس جاساعىنىڭ قۇرامىندا 40 جاس بار. تاعى 40 ستۋدەنت رەزەرۆتە تۇر. قازىرگى ۋاقىتتا پەتروپاۆل قالاسىنىڭ سولنەچنىي-2 كەنتىندە تاسقىننان زارداپ شەككەندەرگە ارنالىپ 500-دەن استام باسپانا سالىنىپ جاتىر. جاستار قۇرىلىس جاساعى سول جەردە سۋ شايعان ۇيلەردى قالپىنا كەلتىرۋ جانە قۇرىلىس جۇمىستارىنا جۇمىلدىرىلادى.

«بۇل ۇلكەن قوعامدىق الەۋمەتتىك ماڭىزى بار جوبا. ءبىر  جاعىنان، جاستار جاساعى زارداپ شەككەن وتانداستارعا سۋ تاسقىنى زارداپتارىن جويۋعا كومەكتەسسە، ەكىنشى جاعىنان، ستۋدەنت جاستاردىڭ جازعى دەمالىس كەزىندە ەڭبەككە ارالاسىپ، تابىس تابۋىنا مۇمكىندىك بەرەدى. باسقا وڭىرلەردە دە جۇمىستى جالعاستىرامىز. ماسەلەن قاراعاندى جاستارى باسقا وبلىستارعا بارىپ، كومەك كورسەتۋگە دايىن ەكەندىكتەرىن جەتكىزدى»، - دەيدى سەرىك ەگىزبايەۆ.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.