Валюта бағамы
  • USD -

    540.1
  • EUR -

    630
  • RUB -

    6.71
Көшпенділер ойындары көшпелі халықтың дала мәдениетін жандандырады
Фото: ашық көзден 19 шілде 2024
Көшпенділер ойындары көшпелі халықтың дала мәдениетін жандандырады

Қазақстанда агроөнеркәсіптік кешен саласындағы ең ауқымды көрме өтіп жатыр.  18 шілде күні Қазақстанның АӨК-дегі ең ауқымды және көптен күткен іс-шаралардың бірі - «Jańa Dala / Green Day 2024» мамандандырылған халықаралық көрмесі-демонстрациясы басталады. Дәстүрлі «Дала күні» форматында өтіп жатқан көрме іс-шарасында туризм және спорт бағыттары да тыс қалмады. Іс-шараның ресми бөліміне Қазақстан Республикасы Туризм және спорт министрі Ермек Маржықпаев қатысты.

Дала мәдениеті көшпенділер дәстүрінің негізі екенін біледі. Осындай месседжді 5-ші Дүниежүзілік көшпенділер ойындары да қолдады. Өз кезегінде, ойындарға жауапты Дирекция «Jańa Dala / Green Day 2024» аясында агрофорумда экспозициялық көрме ұйымдастырды. Ұйымдастырушылардың арнайы шақыртуымен Наиль Нуров басшылық ететін 5-ші Дүниежүзілік көшпенділер ойындарын дайындау және өткізу жөніндегі Дирекция мамандары екі күндік форумда агроөнеркәсіп кешені мамандарын Ойындармен таныстырып, жылдың маңызды бәсекесінде бірге болуға шақырды. 

 

Іс-шара Ақмола облысының Ақкөл ауданында, Еңбек ауылында, өңірдің ең технологиялық жабдықталған шаруашылықтарының бірі – «Еңбек» ЖШС демонстрациялық алаңдарында өтеді.

Айта кетерлігі, алқап күні форматындағы дәстүрлі агрофорум 2013 жылдан бері өткізіліп келеді. Республикадағы қазіргі заманғы ауыл шаруашылығы технологияларының, жоғары өнімді техниканың, сондай-ақ аграрлық өндіріс пен агротуризм саласындағы инновациялық әзірлемелердің ең ірі демонстрациялық алаңы болып табылады. 

Еске сала кетейік, 8-13 қыркүйекте Астана қаласында этникалық спорт түрлерінен өткізілетін халықаралық спорт жарыстары – 5-ші Дүниежүзілік көшпенділер ойындары өтеді. Іс-шараға 89 елден 2000-нан астам қатысушы қатысады деп жоспарланудаАстанадда өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады.

 

 

RELATED NEWS
Қысқы Универсиада: Қазақстандық фристайл-могулдан чемпион атанды
14 қаңтар 2025
Қысқы Универсиада: Қазақстандық фристайл-могулдан чемпион атанды

Италияның Турин қаласында өтіп жатқан қысқы Универсиадада фристайл-могулдан қазақстандық Анастасия Городко чемпион атанды, деп хабарлайды Ulys Ұлттық олимпиада комитетіне сілтеме жасап.

Финалға бірінші орынмен шыққан А.Городко ең жоғары ұпаймен (79,79) алтын медальға ие болды.

Жапониялық Харука Накао 76,29 балмен екіншіорынға ие болды.

Германиялық Ханна Вессе (75,04 балл) үздік үштікті түйіндеді.

Қысқы Универсиаданың ашылу салтанатында ту ұстап шыққан Аяулым Әміренова бұл бәсекеде 70,52 балмен бесінші орынға табан тіреді.

Айта кетейік, қысқы Универсиадада бүгін қазақстандық жастар үш спорт түрінен сынға түсуде.

Ер Жәнібек батырдың есімі ұлықталды
08 мамыр 2025
Ер Жәнібек батырдың есімі ұлықталды

Өскемен қаласының Жекпе-жек сарайында аты аңызға айналған Ер Жәнібекті еске алуға арналған жасөспірімдер мен кадеттер арасында семсерлесуден ХІХ ашық республикалық турнир өтті.
Ер Жәнібек ұрпақтары ұйымдастырып отырған турнирге Шығыс Қазақстан, Абай, Оңтүстік Қазақстан облыстары мен Астана, Алматы қалаларынан келген 200 жасөспірім спортшы қатысады. 

- Кадеттер мен жасөспірімдер арасындағы ашық республикалық турнирді осымен 19-шы мәрте өткізіп отырмыз. Біз жастарды отансүйгіштікке тәрбиелеу, спортқа, оның ішінде семсерлесуге баулу мақсатында өткізіп келеміз, - деді турнирді ұйымдастырушы, Ер Жәнібек ұрпақтарының өкілі Әлібек Ерубаев. 

Турнирдің салтанатты ашылуында ШҚО әкімінің орынбасары Ербол Нұрғалиев спортсүйер қауымды мемлекеттік мерекемен құттықтап, Ұлы Жеңістің 80 жылдығы қарсаңында және Отан қорғаушылар күнінде өтіп отырған жарыстың мәні мен мағынасы зор екенін айтты. 

- Ер Жәнібек батырдың құрметіне өтіп отырған турнирге жастардың көптеп қатысып отырғаны бізді қуантады. Облысымызда бұл спорт түріне ерекше ден қойылып отыр. Жас қатысушыларымыз көп болған сайын болашақ Олимпиада чемпиондарының қатары толысатынына сенім білдіреміз, - деді Ербол Нұрғалиев. 

Турнир 9 мамыр күніне дейін жалғасып, шапшаңдар мен алғырлар Жеңіс күнінде анықталады.

CS2 KZ 2025: Қазақ киберспортшыларына Астана төріндегі PGL сахнасы ашық
25 сәуір 2025
CS2 KZ 2025: Қазақ киберспортшыларына Астана төріндегі PGL сахнасы ашық

Автор: ulys.kz тілшісі

«PGL» — бұл жай ғана үш әріп емес. Бұл — әлемдік деңгейдегі шайқас алаңы. Бұл — мыңдаған жанкүйердің көз алдында, миллиондаған көрерменнің алдында өз еліңнің атынан шығатын, тек мықтылардың мекені. Биыл бұл сахнаға алғаш рет қазақ киберспортшылары жолдама алуы мүмкін. Себебі, CS2 KZ 2025 Community Cup турнирі осындай мүмкіндік беріп отыр.

Ертең, 26 сәуірде, отандық ойыншылар үшін аса маңызды күн. Бұл — республикалық ауқымдағы іріктеу кезеңдерінің соңғы күні. Бір ай бойы әр сенбі сайын 166 команда, яғни 800-ге жуық ойыншы Counter-Strike 2 алаңында тер төкті. Ендігі кезекте 3–4 мамырда плей-офф, ал 15 мамырда Астанадағы The Hood клубында LAN-финал өтпек.

Бұл — бір қарағанда жай ғана жарыс емес. Бұл — үлкен арманға жол ашатын көпір. Өйткені, бас жүлде – PGL Astana 2025 сахнасына шығу. Жеңімпаз команда сол жерде әлемнің ең мықтыларымен иық тірестіріп, 5 VIP-орын иеленеді. Бұл — бұрын-соңды Қазақстанда болмаған жағдай.

Qazaq Cybersport Federation президенті Қуанышбек Есекеевтің айтуынша, бұл турнирдің басты мақсаты – жастарға тек ойын емес, мүмкіншілік беретін платформа жасау.
«PGL — бұл Қазақстанның киберспорт картасындағы орнының нығайғанын көрсететін оқиға. Біздің ойыншыларға әлемдік деңгейге шығуға жол ашып, отандық жанкүйерлерге NAVI, G2 Esports, Astralis сынды командаларды өз көздерімен көруге мүмкіндік береді. Қазақстан CS2-де әрқашан мықты болған. Енді сол мықтылықты әлем сахнасында дәлелдейтін уақыт келді», – дейді ол.

Ең қызығы, турнирге қатысушыларға жай ғана сахна емес, нақты қолдау да көрсетілуде. Финалистердің жолақысы мен тұруы толықтай Winline компаниясының қолдауымен қамтамасыз етіледі. Ал екінші орынды иеленген команда 5 стандартты билетке ие болады. ТОП-4 құрамына кіргендердің барлығы геймерлік құрылғылармен марапатталады.

Ал PGL Astana 2025 турнирі ше? Бұл жай ғана жарыс емес. Бұл — S-Tier санатына жататын, Valve-дің ресми тізіміне кіретін беделді турнир. 16–18 мамырда Barys Arena сахнасында өтетін финалдық бәсекеде әлемнің 16 үздік командасы бақ сынасады. NAVI, Team Spirit, Virtus.pro... Тізім ұзақ, атағы биік.
Ең бастысы — бұл турнирдің жүлде қоры – 1 250 000 АҚШ доллары. CS2 тарихындағы рекордтық көрсеткіш.

Бәлкім бұл жарыс біреудің өмірін өзгертеді. Бәлкім, бұл Қазақстандағы жаңа дәуірдің басталуы. Бұрын ел намысын бокстан, күрестен, шахматтан қорғап жүргендер еді. Енді — CS2. Енді — киберспорт. Енді — Астана.

Біз туралы
ulys.kz — ақпараттық, сараптамалық және танымдық бағыттағы материалдарды береді.
 
Мультимедиялық жоба заман талабына сай жасалған. Қазақстанның ақпараттық нарығын сапалы
контентпен қамтамасыз етуге үлес қосуға бағытталған. Мұндағы сараптамалық, танымдық
мақалалар сан саланы қамтиды. Геостратегия, геоэкономика, геосаясат, халықаралық
қатынастар мен елдің ішкі-сыртқы саясаты, экономика, жаһанда болып жатқан тектоникалық
өзгерістер мен тренд тақырыптар ұлттық мүдде тұрғысынан терең талданып қазақ
оқырмандарына жеткізіледі. Орталық Азия мен Түркі әлеміне ерекше көңіл бөлінеді.