Валюта бағамы
  • USD -

    539.7
  • EUR -

    629.5
  • RUB -

    6.69
Ақтау маңында құлаған ұшақта болған адамдардың тізімі жарияланды
Фото: Маңғыстау облысы әкімдігі 25 желтоқсан 2024
Ақтау маңында құлаған ұшақта болған адамдардың тізімі жарияланды

Маңғыстау облыстық денсаулық сақтау басқармасы «Баку-Грозный» ұшағында болған адамдардың тізімін жариялады, деп хабарлайды Ulys.

Алдын ала болжам бойынша әуе бортында баллон жарылған.

«Оқиға орнына 22 жедел жәрдем бригадасы мен  апаттар медицинасы орталығының 6 бригадасы жіберілді. Облыстық көпбейінді аурухана 30 хирургиялық және травматологиялық бейіндегі және 10 реанимациялық төсек дайындады. Облыстық балалар ауруханасы 20 және 10 реанимациялық төсек дайындады. Қазір облыстық ауруханаға 14 жәбірленуші жеткізілді, қабылдау демалысы деңгейінде сұрыптау жүргізіліп жатыр. Жеткізілген 14 адамның ішінде 5 адам ауыр жағдайда жансақтау бөліміне жатқызылады. Сондай-ақ 11 жастағы бала келіп түсті, қабылдау демалысы деңгейінде тексеру жүргізіледі. Сондай-ақ, 16 жастағы тағы 1 бала жеткізілді», - деп хабарлады облыстық денсаулық сақтау басқармасы.

Еске салсақ, Ақтау қаласының маңында ұшақ апатқа ұшырады.Бұны Қазақстанның төтенше жағдайлар қызметі растады. Алдын ала болжам бойынша, ұшақ Бакуден Грозныйға бет алған және «Әзербайжан әуе бағыттары» компаниясына тиесілі. Оқиға орнындағы өрт толығымен сөнді. Әуе бортында 67 адам болған деп болжанып отыр.

RELATED NEWS
Кореяда жол апатынан Қазақстанның 4 азаматы мерт болды
27 наурыз 2025
Кореяда жол апатынан Қазақстанның 4 азаматы мерт болды

Оңтүстік Кореяның Сохэан автомагистралінде Қазақстанның 4 азаматы мінген көлік жардан құлап, салонда болған барлығы мерт болды. Бұл жайында Korea JoongAng Daily басылымы хабарлайды.

Оңтүстіккорейлік басылымның жазуынша, 4 адам отырған Mercedes-Benz көлігі жергілікті уақыт бойынша шамамен 00:30-да Кенгидо өлкесінің Хвасон қаласында жолдың оң жақ бетіндегі қоршауға соғылған. Содан кейін көлік бірнеше метр төмен құлап, өртенген.

Жол-көлік оқиғасы туралы хабар алысымен өрт сөндірушілер сол жерге шұғыл аттанған. Олар апаттан кейінгі 30 минуттың ішінде өртті сөндірген. Қираған көліктен 4 адамның мәйіті табылған.

Мерт болғандардың аты-жөні әзірге белгісіз. Полиция апаттың нақты неден болғанын анықтап жатыр.

 

Астанада фельдшерді соққыға жыққан ер адам сотталып тынды
28 мамыр 2025
Астанада фельдшерді соққыға жыққан ер адам сотталып тынды
 
Астанада жедел жәрдем қызметкерін соққыға жыққан ер адам сотталып кетті, деп хабарлайды Ulys.

2025 жылғы 29 қаңтарда Астанада жедел жәрдем фельдшеріне шабуыл жасалып, ол жабық бас-ми жарақатын алған. Оқиға шақыртуға келген жедел жәрдем бригадасы мен науқастың туыстарының бірі арасында болған.

Фельдшер сотқа арыз жазып, денсаулығына келтірілген залал үшін материалдық өтемақы талап етті. Прокурор шабуыл жасаған ер адамға 1 жылға бас бостандығын шектеуді сұрады. Ал жәбірленуші бұл жазаны 3 жылға дейін ұзартуды өтінді.

Айыпталушы кінәсін толық мойындады, әрекетіне өкініш білдірді, сондай-ақ оның кішкентай баласы барекені ескерілді. Ауырлататын жағдайлар анықталған жоқ.

Сот Қазақстан Республикасының заңына сәйкес бұл қылмысты орта дәрежелі денсаулыққа қасақана зиян келтіру ретінде бағалап, мынадай шешім шығарды:

  • 1 жыл 6 ай шартты түрде бас бостандығынан айыру (шартты жаза),
  • материалдық өтемақыны жәбірленушіге өтеу міндеттелді.
Түркістанда 50-ден астам адам суши мен пиццадан уланды
13 наурыз 2025
Түркістанда 50-ден астам адам суши мен пиццадан уланды

Түркістанда 57 адам тамақтан уланып, көмекке жүгінген, деп хабарлайды Ulys.

Түркістан қаласында дәмханадан пицца, суши, чикен тағамын сатып алып, уланғандар саны 57 адамға жетті. Олардың 28-і - кәмелет жасқа толмаған балалар. Барлығы 22 адам ауруханаға жатқызылған, қалғаны амбулаторлық ем қабылдап жатыр. Бұған дейін жан сақтау бөліміне жатқызылған үш адам жалпы бөлімге ауыстырылған. 

Полиция қаулысымен аталған дәмхана жабылып, қылмыстық іс қозғалды. 

Ресми ақпаратқа қарағанда, уланғандардың бәрі Түркістан қаласындағы дәмханадан пицца, суши, чикен тағамын үйіне тапсырыспен алып, тамақтанған. Көп өтпей олардың іші өтіп, құсып, басы айналып, көзі кіртиіп, аяқ-қолы мұздап, ерні көгерген. Барлығы жедел жәрдеммен ауруханаға жеткізілген.

Біз туралы
ulys.kz — ақпараттық, сараптамалық және танымдық бағыттағы материалдарды береді.
 
Мультимедиялық жоба заман талабына сай жасалған. Қазақстанның ақпараттық нарығын сапалы
контентпен қамтамасыз етуге үлес қосуға бағытталған. Мұндағы сараптамалық, танымдық
мақалалар сан саланы қамтиды. Геостратегия, геоэкономика, геосаясат, халықаралық
қатынастар мен елдің ішкі-сыртқы саясаты, экономика, жаһанда болып жатқан тектоникалық
өзгерістер мен тренд тақырыптар ұлттық мүдде тұрғысынан терең талданып қазақ
оқырмандарына жеткізіледі. Орталық Азия мен Түркі әлеміне ерекше көңіл бөлінеді.