قازاقستان مەن يسپانيانىڭ بىرلەسكەن جوباسى – «ءبىتىم» (La Tregua) ءفيلمىنىڭ تۇسىرىلىمدەرى باستالدى. بۇل تۋرالى قاراعاندى وبلىسى اكىمدىگى مالىمدەدى. 

1930–1950 جىلدار ارالىعىنداعى كارلاگتاعى ادامداردىڭ اۋىر تاعدىرلارىن سۋرەتتەيتىن تۋىندى Netflix پلاتفورماسىنا ارنايى ازىرلەنۋدە. 

ءفيلمنىڭ رەجيسسەرى – تانىمال «بۋماجنىي دوم» سەريالى ارقىلى كورەرمەنگە بەلگىلى ميگەل انحەل ۆيۆاس. ول ءتۇسىرىلىم بارىسىندا اكتەرلەردىڭ كاسىبيلىگى مەن شىنايى ەموسيالارىن ەرەكشە نازارعا العان. 

«باستى رولدەردى يسپاندىق اكتەرلەر ميگەل ەرران («بۋماجنىي دوم» سەريالىنداعى ريو) مەن ارون پيپەر («ەليتا» دراماسىنداعى اندەر) سومدايدى. ولارعا قازاقستاندىق اكتەرلەر دينا تاسبۋلاتوۆا، التىناي نوگەربەك، سەرگەي ۋفيمسيەۆ جانە فارابي اققوزوۆ سەرىكتەس بولماق»، - دەلىنگەن حابارلامادا. 

فيلم تاريحي شىندىققا نەگىزدەلىپ، كورەرمەنگە كارلاگتا وتكەن اۋىر جىلداردىڭ بەينەسىن جەتكىزۋگە باعىتتالعان.