قازاقستاننىڭ باس پروكۋراتۋراسى كييەۆتە قاستاندىققا تاپ بولعان قازاقستاندىق جۋرناليست ايدوس سادىقوۆ ءىسىنىڭ ءمان-جايىن جاريالادى، دەپ حابارلايدى Ulys.
بۇگىن مەملەكەت باسشىسىنىڭ تاپسىرماسىمەن 18 ماۋسىم كۇنى كييەۆتە ايدوس سادىقوۆتىڭ ومىرىنە قاستاندىق جاساۋ فاكتىسى بويىنشا ق ر باس پروكۋراتۋراسى سوتقا دەيىنگى تەرگەۋ باستاعان.
«قىلمىستىق ءىس بويىنشا تەرگەۋ-جەدەل توبى قۇرىلدى. ول قىلمىستى اشۋعا جانە كۇدىكتىلەردى ۇستاۋعا باعىتتالعان قاجەتتى جەدەل ىزدەستىرۋ شارالارىن جۇرگىزەدى» دەيدى ۆەدومستۆودان.
ايتا كەتەيىك، كەشە قازاقستاننىڭ باس پروكۋرورى ۋكراينا باس پروكۋرورىنىڭ اتىنا وسى قىلمىستى اشۋعا بارىنشا تاجىريبەلى قازاقستاندىق تەرگەۋشىلەردى تارتا وتىرىپ، بۇكىل كومەك كورسەتۋ جونىندە ۇسىنىس جاساعان بولاتىن.
باس پروكۋراتۋرا قىلمىستىق ءىستى تەرگەۋ بارىسىن ەرەكشە باقىلاۋعا الدى.
ەسكە سالا كەتەيىك، 18 ماۋسىمدا كييەۆتە تۇراتىن جۋرناليست ايدوس سادىقوۆتى ءۇيىنىڭ جانىندا الدەبىرەۋلەر اتىپ كەتتى. ول ءقازىر اۋرۋحانادا جاتىر.
ۋكراينا پروكۋراتۋراسى ەكى كۇدىكتىنىڭ سول كۇنى-اق شەكارانى كەسىپ ءوتىپ، ەلدەن كەتىپ قالعانىن حابارلادى.
بۇعان دەيىن پرەزيدەنت قاسىم-جومارت توقايەۆ كييەۆتە جاسالعان قاستاندىق جايىندا پىكىر بىلدىرگەن ەدى.