يران ۋكراينانىڭ boeing ۇشاعىن اڭداۋسىزدا اتىپ
العانىن مويىنداپ وتىر.
تاسس اگەنتتىگىنىڭ حابارلاۋىنشا، يراننىڭ سىرتى ىستەر
ءمينيسترى موحامماد دجاۆاد زاريف تراگەديانىڭ سەبەبى —
ادامنىڭ قاتەلىگى دەدى. اقش-پەن اراداعى داعدارىس كەزىندە
جىبەرىپ العان ۇلكەن اعاتتىق ەكەنىن مالىمىدەدى. يران
پرەزيدەنتى حاسان روۋحاني بولسا، جول بەرىلگەن قايعىلى
وقيعاعا قاتتى وكىنىش ءبىلدىرىپ، كىنالىلەردى جاۋاپقا
تارتاتىندارىن ايتتى.
«Ukrinform» اقپارات اگەنتتىگىنىڭ حابارلاۋىنشا، كييەۆ سوتى يانۋكوۆيچكە "مەملەكەتكە وپاسىزدىق جاساۋ، باسقىنشىلىق سوعىسقا كومەكتەستى" دەگەن باپتار بويىنشا ايىپ تاعىپ، 13 جىلعا سوتتادى. نەگىزگى دالەلدەرىنىڭ ءبىرى يانۋكوۆيچتىڭ رەسەي پرەزيدەنتى ۆلاديمير پۋتينگە ۋكرايناعا اسكەر كىرگىزۋدى سۇراپ جازعان حاتى بولدى. سىرتتاي ۇكىم كەسىلگەن پرەزيدەنت 2014 جىلدان بەرى رەسەيدە باس ساۋعالاپ ءجۇر. رەسەيدىڭ باس پروكۋراتۋراسى ونى قايتارۋ تۋرالى ۋكراينانىڭ سۇراۋىنان باس تارتقان بولاتىن.
سۋرەت: ukrinform.ru
https://www.ukrinform.ru/rubric-polytics/2626411-anukovic-put-k-izmene-i-kak-s-etim-pokoncit.html
ساۋد ارابياسىنداعى مەككەگە قاجىلىق ساپارى كەزىندە اپتاپ ىستىقتان جۇزدەن اسا ادام كوز جۇمدى، دەپ حابارلادى DW .
كوز جۇمعانداردىڭ ناقتى سانى بەلگىسىز، ءبىراق AFP اگەنتتىگىنىڭ حابارلاۋىنشا، تەك قاجىلىق كەزىندە كەم دەگەندە 550 ادام مەرت بولعان.
ونىڭ ىشىندە 323ء-ى مىسىردان كەلگەن.
Tunis Afrique Presse اقپارات اگەنتتىگىنىڭ حابارلاۋىنشا، قۇرباندار اراسىندا ءتۋنيستىڭ 35 ازاماتى بار.
يوردانيانىڭ سىرتقى ىستەر مينيسترلىگى قاجىلىققا يوردانيادان بارعانداردى جەرلەۋگە 41 رۇقسات بەرىلگەنىن حابارلادى.
يراننىڭ يرنا اقپارات اگەنتتىگى 11 يراندىقتىڭ قازا تاپقانىن، تاعى 24ء-ى اۋرۋحاناعا جاتقىزىلعانىن حابارلادى.
سونداي-اق ءۇش سەنەگال ازاماتى مەن 144 يندونەزيا ازاماتىنىڭ قايتىس بولعانى ايتىلدى.
بۇل ادامداردىڭ كوپشىلىگى قاتتى اپتاپ ىستىقتان قايتىس بولدى، دەپ حابارلادى تۋىستارى الەۋمەتتىك جەلىدە.
نيگەريانىڭ ورتالىعىنداعى نيگەر شتاتىندا سودىرلاردىڭ شابۋىلىنان كەمىندە 10 ادام قازا تاۋىپ، تاعى 160 ادام ۇرلانعان، دەپ حابارلايدى BBC.
«بوكو حارام» يسلامشىل توبىنان بولۋى مۇمكىن قارۋلى سودىرلار جۇما كۇنى كەشكە كۋچي اۋىلىنا كىردى، دەپ حابارلادى جەرگىلىكتى كەڭەس ءتوراعاسى امينۋ ابدۋلحاميد ناجۋمە BBC World Service.
ونىڭ ايتۋىنشا، ۇرلانعاندار اراسىندا نەگىزىنەن ايەلدەر مەن بالالار، ال قازا تاپقاندار اراسىندا اۋداننىڭ قاۋىپسىزدىگىن قامتاماسىز ەتكەن جەرگىلىكتى تۇرعىندار بار.
مالىمەتكە قاراعاندا، سودىرلار اۋىلعا موتوسيكلمەن كىرىپ، وندا ەكى ساعاتتان استام ۋاقىت وتكىزىپ، وسى ۋاقىت ىشىندە وزدەرىنە تاماق ازىرلەپ ۇلگەرگەن.
وسىدان كەيىن ولار ءۇي-ۇيدى توناپ، جەرگىلىكتى تۇرعىنداردى الىپ كەتكەن.
Amnesty International قۇقىق قورعاۋ ۇيىمى جاپپاي ۇرلاۋعا قاتتى الاڭدايتىنىن حابارلادى.
