ءۇندىستاننىڭ باتىسىنداعى احماداباد قالاسىنان ۇشىپ شىققان Air India اۋە كومپانياسىنىڭ ۇشاعى اپاتقا ۇشىراعان. الدىن-الا مالىمەتتەر بويىنشا، بورتتاعى 242 ادام تۇگەل قازا تاپتى، دەپ حابارلايدى Ulys.

ۇشاق بۇگىن اۋەجايدان ۇشىپ شىققاننان كەيىن بىرنەشە مينۋتتان سوڭ تۇرعىندار تۇراتىن اۋدانعا  قۇلاعان. Air India مالىمەتىنشە، ۇشاق ۇلىبريتانيا استاناسىنىڭ وڭتۇستىگىندە ورنالاسقان گاتۆيك اۋەجايىنا باعىت العان.

پوليسيا قاتتى كۇيگەن 100-دەن استام ءمايىتتىڭ جەرگىلىكتى مەملەكەتتىك اۋرۋحاناعا جەتكىزىلگەنىن حابارلاعان.

«ۇشاق دارىگەرلەر تۇراتىن جاتاقحاناعا قۇلاعان... ءبىز اۋماقتىڭ 70-80%-ىن تازالادىق، جاقىندا قالعان بولىگىن دە تازارتامىز»، – دەپ مالىمدەدى پوليسيانىڭ جوعارى لاۋازىمدى وفيسەرى.

ءۇندىستاننىڭ CNN News-18 تەلەارناسىنىڭ حابارلاۋىنشا، ۇشاق BJ مەديسينالىق كوللەدجىنىڭ مەملەكەتتىك جاتاقحاناسىنىڭ اسحاناسىنىڭ شاتىرىنا قۇلاپ، كوپتەگەن مەديسينا ستۋدەنتتەرى قازا تاپقان.

Reuters دەرەككوزى مالىمدەگەندەي، جولاۋشىلاردىڭ اراسىندا 217 ەرەسەك ادام، 11 ءجاسوسپىرىم، 2 بالا بولعان. Air India حابارلاماسىنا سايكەس، ولاردىڭ 169-ى ءۇندىستان ازاماتتارى، 53ء-ى بريتاندىقتار، جەتى پورتۋگال جانە ءبىر كانادالىق بولعان.

Flightradar24 ۇشۋ مونيتورينگى سايتىنىڭ دەرەكتەرىنە سايكەس، ۇشاق Boeing 787-8 Dreamliner مودەلىنە تيەسىلى – قازىرگى ۋاقىتتا قولدانىستاعى ەڭ زاماناۋي جولاۋشىلار ۇشاقتارىنىڭ ءبىرى. بۇل اپات ەل تاريحىنداعى ەڭ ءىرى اۋە اپاتتارىنىڭ ءبىرى سانالادى.

وتكەن اپتادا ميانماداعى قاتتى جەر سىلكىنىسىنەن كوز جۇمعاندار سانى كۇننەن-كۇنگە كوبەيىپ جاتىر. سونىڭ ىشىندە، عيباداتحانا قيراپ، ۇيىندە استىندا 200 موناح قازا تاپسا، 50 بالانى مەكتەپ عيماراتى باسىپ قالعان. ءزىلزالا كەزىندە مەشىتتەردە ناماز وقىپ جاتقان 700 مۇسىلمان زارداپ شەككەن، دەپ حابارلايدى ار.

بۇۇ مەن گۋمانيتارلىق كومەك ۇيىمدارى جەر سىلكىنىسىنىڭ سالدارى ەلدە اشتىق پەن اۋرۋ-سىرقاۋ ماسەلەسىن ۇشىقتىرىپ جىبەرەدى دەپ الاڭداپ وتىر. ميانماداعى ازاماتتىق سوعىس گۋمانيتارلىق كومەك بەرۋ جۇمىستارىن قيىنداتادى.

بىرنەشە كۇن بۇرىن ماندالاي قالاسىندا بولعان كۇشى 7،7 بالدىق جەر سىلكىنىسى اۋەجايدى ءبۇلدىرىپ، جۇزدەگەن عيماراتتى قيراتىپ كەتتى.  MRTV مەملەكەتتىك تەلەارناسىنىڭ مالىمەتىنشە، ەل باسشىسى مين اۋن حلاين پاكىستان پرەمەر-مينيسترىمەن تەلەفون ارقىلى سويلەسكەن ۋاقىتىندا 2065 ادامنىڭ كوز جۇمىپ، 3900-دەن استام ادامنىڭ جاراقات الععانىن، 270 ادامنىڭ ءىز-تۇزسىز جوعالعانىن ايتقان.

ءقازىر وقيعا ۇيىندەلەردى ارشۋ جۇمىستارىنا حالىقارالىق قۇتقارۋشىلار جۇمىلدىرىلعان، ونىڭ ىشىندە رەسەيدەن، قىتايدان، ءۇندىستاننان جانە وڭتۇستىك-شىعىس ازيا ەلدەرىنەن كەلگەن ادامدار بار.

ەۋروپالىق وداق، ۇلىبريتانيا، اۆستراليا، جاڭا زەلانديا، وڭتۇستىك كورەيا سياقتى بىرنەشە مەملەكەت ميلليونداعان دوللار قاراجات بولگەنىن جەتكىزدى.

سونداي-اق بانگكوك قالاسىندا جەر سىلكىنىسىنەن كەم دەگەندە 18 ادام قازا تاپقان، 33 ادام جارالانىپ، 78 ادام جوعالىپ كەتكەن.

كانادا پرەمەر-مينيسترى دجاستين تريۋدو يلون ماسكتىڭ قوس ازاماتتىعىن جويۋعا ۇندەۋ جاسادى، دەپ حابارلايدى Anadolu.

كانادادا يلون ماسكتى ەل ازاماتتىعىنان ايىرۋدى تالاپ ەتەتىن پەتيسيا باستالدى. كانادالىقتار يلوندى «ەلدىڭ ۇلتتىق مۇددەسىنە قايشى كەلەتىن ارەكەت جاسادى» دەپ سىنعا الۋدا

كانادا پرەمەر-مينيستر دجاستين تريۋدو يلون ماسكتى كانادا ازاماتتىعىنان ايىرۋعا شاقىردى. يلوننىڭ اناسى كانادالىق.

پەتيسيادا كاسىپكەر ماسك «بايلىعى مەن بيلىگىن كاناداداعى سايلاۋعا ىقپال ەتۋ ءۇشىن پايدالانادى» جانە «كانادا ەگەمەندىگىن جويۋعا تىرىساتىن شەتەلدىك ۇكىمەتتىڭ مۇشەسى» دەلىنگەن.

قول قويعان پەتيسيا 20 ماۋسىمدا قاۋىمدار پالاتاسىنا ۇسىنىلادى.